¹ Turu ane ku sa basu pezu de eskravidon tê ku ta ku ane plopi sumu sa retu de turu respetu, pa ku nomi Dêsu kua ane xina na bi sa faru mali wa. ² Ane eskravu ku tê ane sumu Klistu na tê ku fa ane mali wa, punda ane sa manu. Ôtô manu tê ku xivi ane dingi, bêru ku ane sumu ku tua suvisu sa krenti ku amadu. Xina sé fa ane kué. ³ Xi nkênu bi xina ôtô kua ku na sa setu afé xina non wa, ô kua, ane lumba de sumu Jizu Klistu non so na seta xina ku ka bê atê piedade. ⁴ Nkênu é sa wê xia, ê na ta néwã kua wa. Enveji de kué, ê sa duêtxi ku diskuti, demanda ra palava. Ane lumba é, rezutaru rê sa ku inveja, demanda, suta, kua mali, ⁵ Sô ku iô veji demanda ku nkênu ku tê mali, ku xié ni vêrê so kunda ku piedade sa wã mora de bila liku. ⁶ Maji ngairu luku sa pierari ku kontentamentu. ⁷ Punda non na bi ku néwã kua pa txia é wa, ni non na sa di bé ku néwã kua. ⁸ Ôtô veji na té ku sa ku ngosto foga wa ku ane mé sô ku bixi. ⁹ Aié, ane ku mêsê bila liku ka kiê ni mondja mali, ku wã silada. Kiê ni iô amôlê sê lazon ku ka ji mali, sô ku kuali keru ku ji ane nkênu punda ni mali ku distruison. ¹⁰ Punda amôlê de lêlu sa leji de turu mora mali. Ôtô nkênu ku mêsê axi ê tê xi xia de afé ra ku sê tomentaru ku iô lêndê. ¹¹ Maji bô, ome Dêsu, fuji ane kua é, lêlê justisa, tê pena, so afé, ku amôlê, paxensa so ku mansu. ¹² Luta buaru de afé túa poxi vira da semple da kua é ma sama ô sô de kué mô musa ni wê sô testemunha, mora kua é sa buaru. ¹³ Nga manda ô wê Dêsu, ku ra vira turu kua, sô wê klistu Jizu ku lumba a vere ra Ponsiu Pilatu zô ta ô. ¹⁴ Ku lôkê ane mandamentu ri mora setu ri lepleson, atê bi de sumu non Jizu Klistu. ¹⁵ Ê sa ni tempu setu, ka ba musa buaru ku Ê mé sô Poderozu, alê ku govena ku Sumu ku govena. ¹⁶ Ê sô sa na ka muê wa ku vivê ni kandja ku na ka ra pa ndê wa. Néwã ome ka bê ô sa kapaji de bê. Ê sô ma ka ra respetu ku pôrê ra semplé. Amé. ¹⁷ Fa ane liku ri mundu pa na sa ku wê sono tê ku wara ni likêza, punda ê na ka da setu wa.Inveji de ixié ê tê ku wara Dêsu ku da non turu vére likêza pa non gôgô kuê. ¹⁸ Fa ra ane pa ane ji buaru, sa liku ni obla buaru, jenerozu dispostu da ôtô nkênu. ¹⁹ De mora é, ane ka lôkê ra ane mé likêza sa ra buaru zuara ane ra kua ku sa pa bi, mora ku túa posi ra vere vere vira. ²⁰ Timoteu, protejé kua ma ta ra ô. Vita ane lumba fasu ku ane diskutiso kontraru ku sa samaru fasu ri konsê. ²¹ Ôtô nkênu ka fa ane kua é a manda é ka xiê afé ku gasa ta ku sê.