¹ Supitu ka lumba klaru ku ni utimu ria ê tê nkênu ka zeta afé so pia ra supitu ganarô ku sa xina demono. ² Punda kua de xidiga ku de findji de nkênu ku tê kuxensa ri mali. ³ Ane plubi kazamentu, sô ka fa pa na mé kua ma Dêsu kia pa da ôtô nkênu ku ason de glasa ku nkênu fieli sô ku ane nkênu ku konsê véré. ⁴ Punda turu kua kiaru de Dêsu savarô ê sa bua a na ka pô zete wa xi non lesêbê ku glatidon, ⁵ Punda ê sa konsagradu de palavla Dêsu ku laso. ⁶ Xi a fa ane kué ra ane manu, ê ka sa wã kua buaru servu de Jizu klistu, Punda ê sa meru de palavla de afé sô ku bua xina ku ane ta lêlê. ⁷ Maji zeta kua mali sô lumba atôa, kua pasaru. ⁸ A inveji de kua é, ji kua ni pena, Kua sa kua ague non tê pôkô vive, maji pena sa buaru ra turu kua ku sa da promesa ra vira aié ku sê kabi. ⁹ Lumba xié sa fieli ê sa pa kêlê . ¹⁰ Ê sa punda kué ku non taba ku luta, punda non té afé ni Dêsu vivo, ku sa savarô de turu nkênu, maji ê sa maxi da ngê ku ka kêlê. ¹¹ Bê ku lumba, sô xina ane kua é. ¹² Na lega nkênu fa mali de maxivi ô wa, inveji de kua é, sa wã izemplu ra nkênu ku kêlê, ni lumba, ni amôlê ni afé sô limpuru. ¹³ Atê wã kabi, vuga pô lê, pô exorta sô pô xina. ¹⁴ Na dispreza don ku sa ni ô wa, ma ra ô ri profesia, ala ma ane presbiteru pê mon intê ô. ¹⁵ Túa ane kué pê ntê ô turu ria, kupa kuê, pa ô ta ane kué loké. ¹⁶ Kuira ri ô mé, ku turu kua ma ô ta; persevera ni ane kué; Punda xi bô ji kué axié, bô ka sava vira ô, ku ane nkênu ku ka ndê ô.