¹ Migu ná kêlê ni kuakuali supitu, mazi pova supitu pa bô pia si ê ka bi di Dêsú, punda yô fasú plofeta siê turu tia. ² Ra kua ê sê tê ta Supitu Desú: turu supitu ku ka kofesa ma Jizu klistu bi ni kani sa ri Dêsú. ³ Sô turu supiro ku na ka kofesa Jizu wa na sa ri Desú wa, mazi ê sá supitu antiklixtu ma sê ndê ku ka bi sô ê sa tia za. ⁴ Ané ná mbé sê sa ri Dêsú, Punda sê vensê za, punda nkênu ku sá ny sé sá masi ngay rôkê ku sá ni tia. ⁵ Ané supitu ê sá ri tia, punda kua má ané ka fa sá ri tia, só kua ma ané ka fa sa ri tia só ma tia ka ndê ané. ⁶ Non sa ri kiba Dêsú. Nkênu ku ta Dêsú ka ndê non, nkênu ku na sá ri Dêsú wa na ka ndê non wa. Asiê sô non ka ta supitu ri véré ku supitu mali. ⁷ Migu non ka gôgô ku ôtô; punda amolê sa ri Dêsú, sô turu nkênu ku ka gôgô ôtô mansê ri Dêsú sô tô ta Dêsú. ⁸ Nkênu si ki na ká gôgô ku ôtô wa na ta Dêsú punda Dêsú sa amolê. ⁹ Ra kua ê amolê Dêsú taba katxi ané: ma Dêsú manda Ná rê Unikú ba tia pa non vivia punda Elê. ¹⁰ Sô yê sô sa amolê: Ê na sá non sô ku gôgô ku Dêsú wa mazi Elê só ama non sô manda Ná rê dy paga pekarú non. ¹¹ Migu, sí dêsú gôgô ku non asyê non tembé tê ku gôgô ku ôtô. ¹² Nê whã nkênu na bê Dêsú wa. Sí non gôgô ku ôtô, Dêsú ka tá ku non, sô amolê rê ka dipa non. ¹³ Sô non ka tá ma non ta Nê sô Elê ny non punda Ê ra non supitu Rê. ¹⁴ Só non bê tô fa né ma Tata manda na Rê mora savarô mundu. ¹⁵ Kuakuali nkênu ku kofesa ma Jizu sa Ná Dêsú, Dêsú ka tá nê sô ê ka ni Dêsú. ¹⁶ Sô non ta tô kêlê ni amôlê ma Dêsú ta rá non. Desú sá amôlê, sô nkênu ku ta ku amôlê ka ta ku Dêsú sô Dêsú nê. ¹⁷ Sô amôlê ê laba non, pá non tê kunfiansa ria zugamentu pinda mora ma Ê sá non turu sa ni mundu ê. ¹⁸ Ni amôlê ná tê mendu wa, di ôtlô morá amôlê buaru ka zuga mendu ta, punda mendu ka pê non pezú, sô nkênu ku ka tê mendu na sa labaru ku amôlê wa. ¹⁹ Non ka ama punda Dêsú ka ama non pumbêlu. ²⁰ Si nkênu ka fa: "Nga gôgô ku Dêsú ", mazi ka tê odjó ku ná amon rê ê ka siriga, punda nkênu ku na ka gôgô ku ná amon rê, ma ê ka bê, na ka poy gôgô ku Dêsú ma ê na ka bê wa. ²¹ Sô non tê mandamentu ê ny patxi Rê, ku nkênu ku ka gôgô ku Dêsú tê ku gôgô ku na amon rê turu.