¹ Nkênu sí ku ka kêlê ma Jizu sá Klixtu nasê ri Dêsú. Sô turu ku ka gôgô nkênu ku Ziê ka gôgô ku nkênu si má ê nasê Nê. ² Non tá ma non ka gôgô ku ané Ná Dêsú punda kua ê: Olá non ka gôgô ku Dêsú sô zi kua ma Ê ka manda non. ³ Punda yê sá amôlê ra Dêsú: Ma non ka lokê kua ma Ê ka manda non. Sô ka ma Ê ka manda non na sa demarú wa. ⁴ Punda turu nkênu ku ka nasê ri Dêsú ka vensê mundu. yê sá vitória ku ka vensê mundu: Afé non. ⁵ Ngei ku ka vensê mundu, si ê na sá ysi ku ka kêlê ma Jizú sa Ná Dêsú wa? ⁶ Yê sá ysi ku bi ni awa ku sangi, Jizu klixtu. Ê ná bi ni awa sô wa, mazi ni awa ku sangi. Sô ngei ku ka fê sa Supitu. Punda Supitu sa véré. ⁷ Punda ê sa têsi ané ku ka fa: Tata lumba ku Supitu Santu. Só ané têsi ê sa whã. ⁸ Supitu awa ku sangi: Têsi ê ka kundji katxi rê. ⁹ Si non tua sêsêmunhu ané homé sêsêmunhu Dêsú sa masi ngay. Punda yê sá sêsêmunhu Dêsú ma Ê ra punda Ná rê. ¹⁰ Nkênu si ku ka kêlê ni Ná Dêsú sa ku sêsêmunhu ê kuê. Nkênu si ku na kêlê ni Dêsú wa ka fa ma Ê sêka sirigá, punda ané na kêlê ni sêsêmunhu ma Dêssú ra zuntaru ku Ná rê wa. ¹¹ Só sêsêmunha sá yê: ma Dêsú rá víra atê atê sô víra ê sá ny Ná Rê. ¹² Ngê tê Ná tê víra. Ngê na tê Ná Dêsú na tê víra wa. ¹³ Ané kua ê hun sisikê pa, sê ta má sê tê víra atê atê, sê ku kêlê ny Ná Dêsú. ¹⁴ Yê sá kunfianza ma non tê kotá Rê: Si non pindji kuakuali kua ny vontê Rê, Ê ká ndê non. ¹⁵ Sô si non ta ma Ê kandê non, olá non ka pindji Ê non tá ma non tê kua pindji Ê. ¹⁶ Si Nkênu bê ná amon rê ka zi pekaru ku na sá rá motxi wa, sela ê fá lason, sô Dêsú ka rê víra. Nga fá ra ané nkênu si má pekarú rê sa á motxi wa, tê pakarú ra motxi; ê ma sa ra nkênu ê ma nga fa pa a fa lason rê wa. ¹⁷ Turu zugamentu mali ziru sa pekaru, mazi ê tê pekarú ku sa ra motxi. ¹⁸ Non ta ma turu nkênu ku ka nansé ny Dêsú na ka seká zi pekaru sô wa. mazi nkênu si ma Dêsú jerá Ê ka lokê ngê ê sô demônô na ka ndjingê wa. ¹⁹ Non ta ma non sa ri Dêsú, sô ma mundu têlu sa ri demônô. ²⁰ Sô non ta ma Ná Dêsú bi sô ra non nté, pa non ta Dêsú di véré sô ma non sa Né, ku sá véré, ny, Ná rê Jizu Klixtu. Yê sá Dêsú Klixtu. ²¹ Ye sa Dêsú di véré ku víra atê atê. Ná mbê lokê ra ané figula ê.