¹ Sê ka pia kuali mora amôlê ma Tata ra non, pa a ka sama non na Desú. Punda lazon ê mundu na tá non wa, punda ané na tê wa. ² Migu ayê no sá na Desú, mazi non na si ta kua ma non ka bi sa wa. Sô non ta ma, ola Klixtu ka vitxa, non ka bi sá mora rê, punda non ka bi bê mora Ê sa. ³ Sô turu nkênu ku ka wharé mora é ka sa limpu mora Ê sa limpu. ⁴ Turu nkênu si ku ka zi pekaru na ka kumpli alê wa punda pekaru sa na kumpli alê wa. ⁵ Sê turu ta ma Klixtu bi ku vonté txia pekaru. Sô né na tê pekaru wa. ⁶ Né wa nkênu ku ka tá nê ka seka si pekaru. kuakuali nkênu ku ka seka zi pekaru na bê ne tê wa. ⁷ Ané na hun, na desa pa nkênu ngana sê wa. nkênu si ku ka zi zustisa sa zustu, mora ma klixtu sa zuzstu. ⁸ Nkênu si ku ka zi pekaru sa ri demônó, punda demônó ka zi pekaru na kulú. Punda lázó é a manda na Desú pa Ê. loké ku suvisu demônó. ⁹ Nkênu si ku mansê ry Desú na ka zi pekaru wa, punda simentxi Desú ka ta nê. Sô ê na ka pô ka seka sa ny pekaru wa, punda ê sa nansêru di Desú. ¹⁰ Ni kua ê ané na Desú ku na demônó a ta ané, nkênu ku na ka zi zustisa wa na sa ri Desú wa né ysi ku na ka gôgô ku na amon rê wa. ¹¹ Pumba ye sa lumba ma sê ta ndê na kulu; ma non tê ki gôgô ku ôtô. ¹² Na mora kain ku ta ku numigu sô mata na amon rê. Sô punda kuay ma ê maté? Punda kua ma ê ta ka zi tá mali, sô ri na amon rê ta zustu. ¹³ Na amon hun na babaka si mundu ka tê ódjó ku sê wa. ¹⁴ Non ta ma non la fô motxi ba vira, punda non ka gôgô ku ané na amon. Nkênu ku na ka ama wa ka sa motxi. ¹⁵ Nkênu ku ka tê ódjó ku na amon sa kliminozu sê ta ma né wa kliminozu ka tê vira atê atê wa sô ê ka sa kuê mé. ¹⁶ Punda kua ê ma non ta amôlê, punda Klixtu ra vira rê ra non. Non també tê ki ra vira non ra na amon non. ¹⁷ Mazi kuakuali nkênu ku tê ben tia é sô bê na amon rê ka mésé, sô fisa kosó rê ré, ma amôlê Desú ka sa né? ¹⁸ Ná amon hun, non na ka ama ny lumba sô ne ny lungua wa mazi ny kua ma non ka zi dy véré. ¹⁹ Punda kua ê ma non ta ma non sa ri véré sô non ka tê kason non whê Desú. ²⁰ Punda si koson non ka kuza non, Desú sa masi ngay rokê koson non ku ta turu kua. ²¹ Migu, si kosson non na ka kuza non wa non tê kunfiansa whê Desú. ²² Sô turu kua ma non ka pindji Ê ka ra non, punda non lokê kua ma Ê ka manda sô zi kua ma Ê ka mésé. ²³ Yé sô sa kua ma Ê manda: pa non kêlê ny nomi na rê, Jizu Klixtu, sô pa non gôgô ku ôtô mora ma Ê manda. ²⁴ Nkênu ku ka lôkê kua ma Ê ka manda ka ta ku Desú sô Desú ka ta né. Sô ra kua ê non ta ma Ê ka ta ny non ku Supitu ma Ê ra non.