¹ Ayé ra mé ma a zi ra fêgula, non ta ma turu non ta. kua ma non ta ka mura, mazi amolê ka zi. ² Si nkênu ka kunda ma ê ta kua, nkênu é na ta moara ku toka pa ê ta anda wha. ³ Mazi si nkênu ka ama Dêsu, Ê ta nkênu é. ⁴ Sô ra mé ma a ka zi ra fêgula, non ta ma whã fêgula na sa né whã kua wha, ma dêsu na say si ê na sa uniku Dêsu wha. Nga fa kuê é da vegonha sê. ⁵ Ê na tê né whã nkênu katxi sê ki ta kua pa baga demanda ni sê wha. ⁶ Ku turu ra non, whã Dêsu Tata sô say ri nkênu si ma turu kua toké, sô ra ngêy non ka vevia ra ê sa whã Sun Jizu Kistu, punda ngê turu kua say sô punda kua non ka say. ⁷ Sô né turu nkênu ku ka ta ané kuê é wha. Ri otô mora, whã nkênu na kulú ta ka sivi fêgula, sô ané ka mé mé é mora kua ma ané zi ra whã fêgula. Asyé kuxensa ané sa kolomperu punda ê sa flaku. ⁸ Mazi ê na sa mé ma non ka pezenta whê Dêsu wha. Non na sa piolo si non na mé wha né buaru si non mé wha. ⁹ Mazi tua kuiraru pa liberari sê na bila whã lazo ri zi nkênu ku sa faku ku afé ra topi wha. ¹⁰ Si nkênu bi lêlê sê ku ta kua, mê whã mé lêtu whã ngêza fêgula, kuxensa ô na ka sa faku ri ra ô koso mé mé ma a ra fêgula é wha! ¹¹ Sô ra kua ma sê ta ri fêgula ku say veré ka mata na mon masi faku ma Kistu muê ra. ¹² Ri mora é, Ola bô ka zi pekaru kontê na amon sê, ka firi kuxensa faku rê, ka zi pakaru kontê Kistu. ¹³ Sô si mé ka zi na amon un ra topi, na ka tô mé kany, pa na zi na amon un kiê wha.