¹ Olá kôldêlu bili setimu sêlu, uã klamaya plasê ni ósé plô vota di mê ola. ² Anton un bê sete anzu d'ópe ni zuntu Dêsu, a da inen sete tlômnêta. ³ Ôtlô anzu ku bi ku insesorio di ôlô têdu mundja dópé zuntu atali.A dé yô insesu pa plêsê ku lason di tudu inen santu, ni liba atali di ôlô ni wê di tlônu. ⁴ Ni mon di anzu subi, ni wê Dêsu,logô di sensu zuntu ku lason, dinen santu. ⁵ Soku anzu toma sensoriu xa ku fôgô zuga pe tela;tlovada plasê, tlomentu, myamya ku tlêmê di tela. ⁶ Inen sete anzu ku tava ku sete tlômbeta tava plontu pa toké. ⁷ Plumê anzu toka tlombêta dê, glanizu plêse ni tela fôgô zuntadu ku sangui: uã tesa patxi di tela fô kemadu, tesa patxi di po fô kemadu tudu aliba kema. ⁸ Segundu anzu toka tlômbêta dêkwa mo meme ôkê ka lêdê zazaza fô zugadu pê ómali;tesa patxi di ómali bila sangi; ⁹ Tesa patxi di selivivu d'ómalimôlê, tesa patxi di vapô fô danadu. ¹⁰ Tlisêlu anzu toka tlômbêta dê meme stlela kyê d'óse, ka kema mo uã budu ni liba tesa patxi di ôlyô ku fontxi d'awa. ¹¹ Nomi stela se sa Absintu; tesa patxi di awa bila adsintu, nguê muntu ku môlê plôvya d'awa ku tava ka mlaga. ¹² Kwaltu anzu toka tlômbêta dê, tesa patxi di solo fô filidu, mo tesa patxi di lwa ku tesa patxi di stlela. Axen tesa patxi dinen bila kulu; tesa patxi, di dja mo axen mo notxina ludji fa. ¹³ Un bê bila têndê uã agya k vwa ni ômê d'óse, lanta vozu kyê ka kama: "Ai,ai.ai dinen se ku sa tela, plôvya di toki di tlômbêta ku sopla antawo sa di bi toka plô tlêxi anzu."