¹ Ola inen kwa se vala,un bê kwatlu anzu mundjadu ni kwatlu kantu di tela, têdu kwatlu ventu di tela pa inen na sôpla pê tela, nê bila di ómali, nê liba kwa kwali pó. ² Un bê ôtlô anzu ka subli di kamya solo ka nansê nê, ku sêlu di Dêsu vivu.Ê lanta vozu klama da kwatluanzu ku lêsêbê pôdê pa daná tela ku ómali, fla: ³ "Na daná tela nê ómali, nê pó antê non ka sêla ni tesa tudu selivi di Dêsu non." ⁴ Ami kuta mulmulu dinen sé ku fô sêladu, ê sa sen ku kwatlu dexi ku kwatlu mili, di tudu tlibudi mina Islaeli. ⁵ Tlidu di Zudá dôze mili ku fô sêladu; tlibu di Ruben, dôzê mili, tlibu di Gadi, dôzê mili, ⁶ Tlibu di Asé, dôzê mili; tlibu di Naftli dôzê mili, tlibu di Manasé,dôzê mili. ⁷ Tlibu di Simon, dôzê mili, libu di Levi, dôzê mili; tlibu di Izaka; dôzê mili; ⁸ Tlibu di Zebulon, dôzê mili;tlibu di Zozé, dôzê mili; tlibu di Benjami, dôzê mili ku fô sêladu. ⁹ Ola inen kwa se vala un bê uã glandji mansa ngê di tudu nason ku a na ka pô konta fa, tlibu, pôvô lungwa mundjadu, ni wê di tlônu ku kôldêlu, bixidu lôpa blanku,ku fya pema ni mon. ¹⁰ Lanta vozu kyê ka klama fla: "stlavason ka pêtênsê Dêsu non, ku sa tasondu ni tlônu ku kôldêlu!" ¹¹ Tudu ansu tava mundjadu ni vota tlônu, ku ansion ku kwatlu sêlivivêntxi, inen da dizê ni wê tlônu adola Dêsu. ¹² Ka fla: Amém lôvô, glôya, sêbê ason di glasa, onla, pôdê ku fôsa ku sa di Dêsu non ni sekulu plô sekulu.Amém. ¹³ Uã dinen ansion toma palavla, fada mu : Inen se, ku sa ku lôpa blanku, Inen sa kêngê,andji inen bi dê?" ¹⁴ Ami fadé Sumuê, sun sêbê.Ê fada mu: Inen so sa ixi ku bi di meme tlubulason inen laba lôpa dinen bila blanku ni sangui di koldêlu." ¹⁵ Êlê manda inen sa zuntu tlônu êsu inen ka stlivê plama ku notxi ni templu Dê.Isé ku sa tasondu ni tlônu ka sêndê mon Dê pê liba dinen. ¹⁶ Nê fomi, nê sêdi inen na ka bila tê fa, sôlo na ka bola kyê liba dindn ku kalôlô fa. ¹⁷ Punda kôdêlu ni tlônu ka bi sa pastolu dinen, Ê ka bê ku inen fôntxi d'awa di vida.Dêsu ka bi suga tudu awa wê ni wê dinen.