¹ Un bê olq koldêlu bili uã di sete sêlu un têndê uã dinen kwatlu sêliviventxi ka fla ku vozu mo tlôvuada: "Bi i pia." ² Un bê, uã kabalu blanku; kapataji dê tava ku uã alku,ê fô dadu uã klôwa.Ê xê mo vênsêdô, pa vênsê. ³ ola koldêlu bili segundu sêlu, ami têndê segundu sêlivivêntxika fla: "Bi!" ⁴ Ôtlô kabalu vlêmê xê, ê fô dadu plemison di txila paji ni tela, pa ome mata uã ku ôtlô, a dé uã meme supada. ⁵ Ola koldêlu bili tlisêlu sêlu,ami têndê tlisêlu sêlivivêntxi ka fla:"Bi, i pia. un bê uã kabalu pleto kapataji dê ku uã balansa ni mon. ⁶ Ami têndê kwa kô vozu ni ômê di kwatlu sêlivivêntxi, ku fla:" Uã mindjida di tligu plô xin toson, tlêxi mindjida di sevada plô uã denariu na dana zêtê ku vin fa. ⁷ Ola koldêlu bili kwaltu sêlu, ami têndê vozu di kwaltu sêlivivêntxi ka fla:"Bi i bê." ⁸ Ami bê uã kabalu malêlu, a ka sama kabalêlu dê di motxi; nfenu tava ka lêlê tlaxi.Inen fô dadu pôdê di uã kwatu patxi di tela, pa mata ku supada, fomi, molestla, ku inen bisu selvagen di tela. ⁹ Olá kôldêlu bili kintu sêlu, un bê ni basu atali inen alima di tudu ngê ku fô motxiplôvya Palavla Dêsu ku sestemunhu ku inen tava kwê. ¹⁰ Inen lanta vozu glita:" Antê kê dja Sôbêlanu, santu vedé, sun ka desá di juga inen ixi ku ka vivê ni tela, di vingá sangui nom?" ¹¹ Anton, a da kada uã dinen lôpa blanku, a fada inen di gwada pikina tempu, antê ê k kompletá numelu di inen sêlivivêntxi ku manu dinen ku ka bi sa motxi mô dinen. ¹² Un bê ola kôldêlu bili sêstu sêlu, ê plasê uã tlêmê di tela glandji.Solo bila kulu mo lôpa pletu, lwa bila mo sangui. ¹³ Inen stlela d'óse kyê ni tela, mo figu kulu ka kyê ola ventu fotxi ka sakudjê. ¹⁴ Óse kôyê mo pelgaminhuola a ka bile, tudu ôkê ku ya xê ni lugê dinen. ¹⁵ Anton inen alê di tela, inen sola, inen liku, inen se ku tê pôdô, tudukatxibu ku livli kôndê ni kôbôku ôkê budu. ¹⁶ Ska fla ^kê ku budo:"kyê ni liba non!"Non ska kôndê da ixi ku sa tasondu ni tlônu, di leva kôldêlu. ¹⁷ Punda dja glandji di leva dinen xiga,ngê ka pô mundja d´ópe?"