¹ Pa anzu di glêza ni Sardis sklêvê: Ise sa palavla D'ixi ku tê inen sete suplitu di Dêsu ku sete stlela: Nkoôsê inen obla bô:ê ka kô vivu maji ê sa motxi. ² Sa vijilantxi tê ise ku sobla ku ta pá môlê, punda u ska bê ku obla bô na sa bwa ni wê Dêsu mu fa. ³ Plôtantu, lembla kwa bô lêsêbê bila tendê; sela bô têndê lêpêndê;Xi bô na vija fa Ami ska bi mo ladlon,bô na ka bi sêbê kê ola nga bi kontla bô fa. ⁴ Maji ê tê uã dôsu nomi ni Sardes ku na ka suza lôpa dinen fa. Inen ka bi nda bixidu ku Ami ku lôpa blanku ise toka inen. ⁵ Ise ku vênsê a ska bixi lôpa blanku Ami na ka paga nomi dê ni livlu di vida fa.Ami nga konfesa nomi dê ni wê Pe Mu ku inen anzu Dê. ⁶ Ngê tê olya têndê kwa suplitu ska fla glêza. ⁷ Paanzu di glêza ku sa ni Filadélfia sklêvê:" inen palavla se sa di ixi ku sa Santu ku Vede.Ê tê sabi Davi, kwa Ê bili nê uã ngê na ka fisé fa, ku Ê fisá a na ka pô bili ê fa. ⁸ Ami sêbê kwa bê fe. pya kwa un pê ni wê bê uã poto betuku nê uã ngê na ka fisé fa.Ami sêbê kuma bô tê pôkô fosa.Axen me bê têndê palavla Mu bô na nega nomi Mu fa. ⁹ Ami ska ba fe inen sé ku sa di xinagoga di denôno, ku inen ku ka fla kuma inen saa zudê maji na sa fa, a ska mitxila, nga fe inen bi ola dizê ni ope bô bila bi sêbê kuma Ami ka ama bô. ¹⁰ Mo bô ska bé dêsê odji Mu bila supota ku paxensa, tmbete nga lôklê bô ni ola di plovason ku sa di bi da tudu mundu pa plova tudu ngê ku ka vivê ni tela. ¹¹ wele me ami ska bi,lôklê ise ku bô tê pla nê uã ngê na toma klôwa bô fa. ¹² Ise ku vênsê, Ami nga ba fe uã kuluna ni templu di Dêsu muê na ka xê daí fa. Nga sklêvê ne nomi di Dêsu mu, ku nomi di poson di Dêsu mu( Jerusalém novu ka sa di dêsedi ose di patxi di Dêsu mu) ku noni novu. ¹³ Ngê tê olya têndê kwa Suplitu ska fla glêza. ¹⁴ Pa ansu di glêza di Laodiceia sklêvê: Axen ka fla Amém,sestemunha vede fieli, plinxipali ni kliason di Dêsu. ¹⁵ Amo kônsê obla bô ê na sa fiô nê kêntxi fa, taluvê ê ka sa fiô ô kentxi! ¹⁶ Axen mo ê sa mono, nê kentxi ne fiô, ami sa di ngumita bê bi bôka mu. ¹⁷ Punda bô ka fla: "ami sa liku un tê yô ligêza , na tê fata di nadaxi fa, maji kênê sa bô?Na sêbê bô sa xa mixidadji,pôbli segu i nu. ¹⁸ Nga da bô kônsê di kopla ôlô pulidu mu ni fôgô pa bô bila liku, i lôpa blanku pa pô bixi i pa vlegonha d'ubwê bô na bi lwa, kopla kolilu dipê ni wê bô, axen bô ska bê, ¹⁹ Nga da kôleson lênplendê inen se ku nga ama. Plôtantu sa flimi lêpendê. ²⁰ Ami ska batê poto.Xi a têndê vozu mu bili poto,Nga lentla nga ku kume kwê, Êlê ku Ami. ²¹ Ise ku vensê nga dê glêtu di tason suntu mu ni tlônu mu, axen mo Ami vensê tembeté un tason ku Pe mu ni tlônu Dê. ²² Ngê tê olya têndê kwa Suplitu ska fada inen glêza.