¹ ola inen kwa se vala, ami pya u bê uã poto betu ni ose,plume vozu kun têndê,sa mo vozu di tlombeta ka fla ku ami, ê fla: Subli naí nga musa bô kwa ku ska bi da dipôgi dinen kwa se. ² Meda ola, ami tava ni Suplitu nbê uã tlônu ku a pê ni ose ku uã ngê tasondu nê. ³ ise ku sa tasondu sa mo budo di jaspi,sadlumu ni bodo tlônu, tava uã xlugu mo smelalda. ⁴ Ni bodo tlônu, tava vintxi kwatlu tlônu, ku vintxi kwatlu ansion tasondu nê.Inen bixi lôpa blanku ku klôwa di ôlô ni kabêsa. ⁵ Myamya ku lonka di tlôvada tava ka xê ni tlônu,ni zuntu dê sete kandja ka lêdê, ku sa sete Suplitu di Dêsu. ⁶ Ni wê tlônu tava omali di vidlu mo klistal.Ni ômê lojadu tlônu tava kwatlu bisu vivu xadi wê ni wê ku tlaxi ⁷ Plumê sêli vivu sa mo lion, segundu mo bezelu,tlisêlu tinha kala mo di uã ome; katlu mo agyiola ê ka uwa. ⁸ koda uã tava ku sêxi a za ku tava xa di wê ni liba ku basu.Dja ku notxi inen na ka keboka di fla:" Santu,Santu, Santu sa Sun Dêsu di tudu pôdê, ku tava ku sen, ku sa di bi." ⁹ Semple ku inen seli vivu tava xa da gloya, honla ku glatidon da ise ku teva tasondu ni tlônu, ise ku ka vivê pla semple. ¹⁰ Inen vintxi kwatlu ansion da dizê ni wê dise ku sa tasondu ni tlônu inen tava ka adola ise ku vivê pala semple, inenlansa klôwa pê zuntu tlônu: ¹¹ "Sela Sun Dêsu non lesêbê gloya honla ku pôdê.PundaSun Tudukwa fô kyadu, pu vonté Sun, tudu kwa kyadu sen."