¹ Pa anzu di glêsa ni Efezu sklevê: Inen palavla sé sa di Ixi ku sk Tê sete stlela ni mon glêtuDê ku ska nda ni ômê sete kandjadi ôlô. ² Ami kônsêkwa ku bô fe, tlaba ku matxi bô flimêza ku paxênsabô.Ami sêbê kuma bô na ka pôda ome mau fa inn se ku sama inen di apóstulu, maji na sa fa, bô bê iné mo fasu. ³ Un sêbê mo bô tê pleseveransa ku paxensa,bô pasa ni yô di plova plôvia momi mu maji bô na flakêsê fa. ⁴ Ami sa kontla bô pundabô dêsa plumê amólê bô. ⁵ Andê jime lembla andji bô kyê mê, lêpêndê fe plumê obla.Xi bô na lêpêndê fa,nga txila bô kandja ni lugê dê. ⁶ Bô tê ódjô di inen obla di inen Nikoloita, mó Ami tembétetê ôdjô; ⁷ Ngê tê olha têndê kwa Suplitu ska flá glêza. ise ku vênsê, nga dé dlêtu di kume Aluvu di vida, ku sa ni ômê di paraízu di Pé. ⁸ Pa Anzu di glêza ni Esmirna sklêvê: Inen palavla se sa di Ixi ka sa plumê ku últimu, ku môlê bila vivê: ⁹ Ami kônsê inen aflison bô ku mixidajimbô(maji bô sa liku) i a blasfema dine se ku ka sama zudê maji na sa fa.Inen sa xinagoga demôno. ¹⁰ Na mendu kwa bô ska bi supli fa: djabu ska bi zuga uã dôsu nansê pê plêzu di sa plovadu ni sôflê pô dexi djá.Sa fieli antê motxi nga da bô klôwa di vida. ¹¹ Ngê te olha têndê kwa Suplituska fla da inen glêza. Ixi ku vênsê na ka bi sôflê damu di segundu motxi fa. ¹² Pa anzu di glêza ni Pergamu sklêvê: Inen palavla se sa ixi ku tê supada limadu wê ku tlaxi; ¹³ Ami sêbê kamya bô ka vivê nê, Ku sa kamya ku tê tlônu demónó. Axen me bô mundja flimi ni Nomi Mu.Ami sêbê ku bô na nega Ami, antê ni dja di Antipas, sestêmunha fieli ku fô motxi ni ômê nansê andji Demónó ka vivê nê. ¹⁴ Maji un tê dôsu kwa kôntla bô:uwa dôsu ska têndê inen dôtlina di Balaão, ku xiná Balaki di ngana inen mina Israeli,pa kumé kwa saclificadu da idulu bila kômêtê sukusu sê lispêtu. ¹⁵ Di modu sé mé,uwa dôsu sa flimi ni xinamentu di inen Nikolaita,ku Ami ka kôndêná. ¹⁶ Sela, a lêpêndê! Axi fa, nga bife guerra kôntla inen sê tada, ku supada di boka mu. ¹⁷ Ngê tê olha têndê kwa Suplitu ska fla da inen glêza. Ixi ku vênsê nga bi dê maná kôndidu bila dé uwa budu blanku ku uwa nomi novusklêvidu nê,uwa nomi ku ne uwã ngê kônsê fa, xi ê na sa isé ku lêsêbê fa. ¹⁸ Pa anzu di glêza ni Tiatira sklêvê: ine sé sa palavla di Mina Dêsu, ku tê wê mo mo sanzu fôgô ku ópe mo blonzi pulidu. ¹⁹ Ami sêbê kwa bô fé, amôlêbô, afe bô,stluvisu bô ku plesevelansa bô.Un kônsê utimu kwa ku bô fe sa maxi montxi dôkê inen sé di plumê. ²⁰ Maji un tê isé kôntla bô:, bô ka kunxintxi ku mwala Jizabeli,ê ka sama êlê médo plofetiza ku xinamemtu dê, ê ka ngana inen selivi mu di kômêtê sekusu sê lispêtu bila kume kume saklifikadu da inen idulu. ²¹ Ami dé tempu di lêpêndê, maji ê na mêsê lêpêndê di vida sé ku ê tê fa. ²² Ami ska bi zugê ê kama doentxi, ku inen se ku adultelakwê ni meme aflison,xi ê na lêpêndê di inen obla dê fa. ²³ Nga bi mata inen anzu dê, tudu glêza ka bi sêbê mo Ami ka sonda inen pensamentu ku tudu kloson.nga bi da kada ngê konfolmu obla dê. ²⁴ Ôtlô ni Tiatira, inen se ku na lêlê xinamentu mwala se fa na kônsê ine kwa a ka sama plofundu di démóno, nga fada nansê: Na ka bi pê liba nansê fadu pizadu fa. ²⁵ Maji sela mundja flimi antê nga bi. ²⁶ Ixi ku vênsê lôklê tudu obla mu antê fin Ami ka bi dé pôdê ni liba yó nason. ²⁷ Inen ka bi govena ku baston de felu, mo vazu di balu,inen se kebladu pedasu. ²⁸ Axen mo ami lêsêbê pôdê di Pe mu.Ami tembété ska bi da nansê stlela plamá. ²⁹ Ixi ku tê olha têndê kwa suplitu ska fla inen glêza.