¹ Zawo un bê ôsé novu ku télá novu, pundá plimelu ôse ku plimêlu télá valá, ômali ná sén maxi fá. ² Un pia Poson santu, Jiluzalen novu, ku tava ké dêsê d'ôsé di Desú, tavá plepaladu mô noivá ku ká sá umbelezadu dá noivu dê. ³ Un têndê uã vozu ku bi di tlônô: "Piá kê Desú ku inén ômé, Desú ká bá môlá ku inen. Inen ká bá bila pôvô Dê, Sósó Desú plopi ká tá ku inen só ê ká sá Desú diné. ⁴ Desú ká bá limpa tudu sólá ni wê diné, motxi ná ká sen fá, nê lutu, nê kidálê, nê dôlô, pundá iné kua ku tava plimêlu ê válá. ⁵ Isé ku tava xintadu ni tlônô flá: "Zawo Un fé tudu kua nôvu". só ê flá: "Xklevê, pundá palavla sé só fieli ku védé". ⁶ Só Ê flá mu: ' Inen kua sê sá fedú! Ami sá Alfa ku Ômega, Un sá Plinsipiu ku Fim. Tudu ungê ku tê sêdê Ami ká dé awá sê pagamentu, awá ku ká bi di fontxi di vida. ⁷ Iné ungê ku flimá, ká ledá kua sé, só ami ka bila Desú dê, só inen ká bila mina Mu. ⁸ Maxi dá inen medlôzô, inen ku na kêlê fá, dá inen maldózu, dá inen assasinu, ku inen idolatlá, ku inén mitxilôsu, lugê dinen sá ni lago di fôgô ku ka lêdê ku fôgô di inxofli. Só isé sá Xigundu motxi". ⁹ Uã diné seté anzu bi lêlê mu ku tava ku sésté tasáxá di sété ultimu plagá, só ê flá: "Bi na ai un ungá bi musá bô noiva xposá di kôdêlu". ¹⁰ Zawo ê bê ku ami ni suplitu niuã mé mé okê boiadu, musamu poson santa. Jiluzalen, ku tava ká dêsê d'ôsé di Desú. ¹¹ Jiluzalen tava ku glolia di Desú tava ku luji d'uã plêxiosu joia mô d'uã budu di jaspi klistana. ¹² Tava ná lá uã glanji mula boiadu ku dexi ku dôsu ponton glanji, ku dexi ku dôsu anzu nê, ni ixi ku tavá sklividu nomi di dexi ku dôsu tlibu do Islaeli. ¹³ Ni lesti motxi, sulu, oesti, kadá ponton sé tavá ku tlexi ponton glanji. ¹⁴ Mulu di ponson tavá ku dozê funadamentu, nomi di dozê apostulu di Kôdêlu tava nê. ¹⁵ Uã ku tava ka flá ku ami tava ku uã pó madelá di miji, di ôlô, pê pô miji pôtô ku mulu dê. ¹⁶ Poson tava ku uã mixidá, kumplimentu tava ku mijidá di lagula. Miji poson ku uã vla di miji, ê tava ku dôsé mili metlu, ku kumplimentu, mijidá sé sá di lagula ku kumplimetu tembêtê. ¹⁷ Ê miji mulu tembêtê, ê dá sentu ku kwalenta kwatlu kovadu, segunu mijidô di ômé, kua sá mijidá ku iné anzu têmbêtê tava ká usá. ¹⁸ Mulu sé sá di jaspi, ku poson di ôlô pulu, ku kô mô vidlu ku sá limpú. ¹⁹ Basi di mulu sé sá nbelezadu ku tudu tipu di budu plexiosu. Plimelu sá di jaspi, segundu sá di safilá, tleselu sá di Kalsedônia: kwatu dê sá esmeralda; ²⁰ quintu dê sá sadoniká; sextu dê sá sárdio; setximu sá krisólitu; otavu dê sá belilu; nonu dê sá Tapazio; deximu dê sá krisóplaso; deximu plimê jasintu; deximu xegundu sa ametista. ²¹ Inén dôsé poton glanji sá dôsé pelula, Póton sá fedu di uã pelula tan. Ni Luwá ponson sá di ôlô tlaspalentxi mô vidlu. ²² Na bê ni uã tlempu ni poson fá, pundá Sumu Desú ku tê Tudu Pôdê ku Kôdêlu iné só sá templi dinen. ²³ Ponson ná tê nesesidadi di sóló fá nê di nuá pê poji luji, pundá glolia di Desú, ka luji, pundá kedaji dê sá Kôdêlu. ²⁴ Inen nanson ka bi ndá ni kedaji dê. ²⁵ Inen alê di télá ká bi dá ê glolia. Inen ponton ná ká fisa ni sólo mentjan notxi ná sen fá. ²⁶ Inen ká bi ku gloya ku onla dá nason, ²⁷ Ni uã kua ku ná bua fá ná bila ká lentla nalá, nê ungê ku ká fê mali ô ku ká miintxilá, ungê tán ku nomi dê sá xklevidu ni Livlu ni vida di kôdêlu.