¹ Zawo uã anzu musamu uã awá glanji di Vida, ku sá klalu mô klistali, ku tafa ka xê ni tlônô di Desú ku kodêlu, ² Ni ômê di luwá di poson. Ni bôdô di ôlô, sá ku avuli di Vidá, ku ká ploduzi flutu, ku ká dá flutu di meji meji. Fia di madêlá sé sá di kulá inen nason. ³ Nálá ni uã kua mali ká bila sén fá. Tlôno di Desú ku Kôdêlu ka bi tá ni poson inen selivi dê ká bi stlivi Inen. ⁴ Inen ká bi bê kala Dê nimi di Desú ká bi tá ni tésá dinen. ⁵ Notxi na ká bila sen fá, Inen ná ka bá xintxi fáta di kedaji ku kandjá sólo fá pundá Sumu Desú ka bi luji dá inen, ká bi lená dá sémplé pá sémplé. ⁶ Anzu flá mu: " inen palavla sé sá vedadêlu ku fieli nê. Sumu Desú di suplitu dinen plofeta manda anzu Sumu má musá inen selivi Sun kua ku ixká bi dá miôlê mê". ⁷ "Pia!" Miôlé mé Un xká bi! Ben Vetuladu sá ungê ku ká vlegá dá plofesia di palavla di livro sé". ⁸ Ami, Zon, só ku têndê ku bê inén kua sé. Olá un têdê, olá un pia kua sé. un vlegá ni opé anzu pa un pô gôgô kuê. ⁹ Só ê flá mu:" Ná fé isé fá! Un sá selivi bô ku inen manu bô, ku inen plofeta, ku inen ku ká ôbêdêsê inen palavla di livlu. Gôgô ku Desú.! ¹⁰ Ê fla mu: " Na fisá palavla di plofesia ku sá ni livlu sé, pundá djá sé xká xigá. ¹¹ Ungê ku ná sá zuxtu fá tadê ni inzuxtisá. Ungê ku sá susú ta dê ni susú. Ungê ku sá zuxtu ka tá dê ni zuxtisa. Ungê ku sá santu ká tá dê ni santu." ¹² Pia! Un xká bi sê tádá. Lekompensa Mu sá kua ami pan pô ntlegá kada ungê môdu oblá dê. ¹³ Un sá Alfa Ku Ômega, Plimê ku Ultimu, Komesú ku Fim. ¹⁴ Ben vetuladu inen ku ká laba lôpá dinen pá a tê diletu di kumé di aluvu di vida bila lentla ni poson plômê di poton. ¹⁵ Ká fiká ni luwá inen kasó, fitisêlu, adulteru, kliminôsu, inen indóli, tudu ungê ku ká flá mintxilá. ¹⁶ Ami, Jizu, Mandá anzu Mu pê pô sestemunha iné kua sé ni favôlô di tudu glesá. Un sá leji di zelason di Davi, Sltelá Lujidu di Plamá." ¹⁷ Suplitu ku noiva flá: "Bi!" Ungê ku têndê ku ká tendê só flá: "Bi"! Tudu ungê ku tê seji bi, tudu ungê ku desejá, lêsêbê di glasá awá di vida. ¹⁸ Un ka setemunhdá tudu ungê ku ká têndê palavla di plofesia di livlu sé: Xi uã klesentá uã kua, Desú ká klesentá plagá ku sá sklevidu ni livlu sé. ¹⁹ Xi uã ungê txila palavla di plofesia di livlu sé, Desú ka txilá patxi dê ni avulu di vida ku sá ni poson santa, ku sá sklevidu ni livlu sé. ^{20 21} Isé ku ka setemunha inen kua sé fla: "Iôxi!" Un xká bi sê tadá". Amém! Bi, Sumu Jizú! Glasá di Sumu Jizú ka sá ku non tudaxi. Amém.