¹ Zawo un bê uã anzu ku tava ká desê d'ôsé. Ê tava ku sabi di abismu, ku mêmé kolentxi ni môn. ² Zawo ê plêndê dlagon, ku kôblô ku sá antxiku, ku sá djabu ku Satanaji, só ê malá giná xinku anu. ³ Zawo ê sugá ê ni abismu, fisá ê só ê pê uã sêlu ni libá dê, pê pô ná nganá inen ungê maxi fá antê ku ká kabá mili anu. Zawo, a ká sôté pê pô tá pôkô tempu. ⁴ Zawo un bê tlônô, ungê ku tava nê sá inen ku lêsêbê atôlidaji pá inen pô zugá. Un tembêtê, pia inen salima dinen ungê ku a matá ka kotá inén kabésá pundá testemunhu di Jizú ku palavla Desú ku inén tava ka dá. Inen na tavá ká gôgô ku bestá nê ku imagi dê, inen na lêsêbê maká di bestá ni testá diné fá nê ni môn. Inén ká bila vivê só iné ká bá lena ku Klixtu gina mili anu. ⁵ Inen ôtlô motxi ná ta ká bila vivê antê ku mili anu ká pasá. Isé só sá plimêlu lesuleson. ⁶ Ben ventuladu ku santu sá inen ungê ku ká fé patxi di plimêlu lesuleson! Dá inen ungê sé motxi ku ká bi ná tê pôdê ni inen fá. Inen ká bá bila sasedotxi di Desú ku Klixtu, só inen ká lena ku Ê gina mili anu. ⁷ Olá mili anu xigá finali, A ka sótá Satanaji ni plison. ⁸ Só ê ká xê pê ô ugana inen nasonku sá ni kwatlu kantu di télá - Gogui ku Magogue - pé inen pô zuntá bá gela, Zawo inén sá mô alya di ômali. ^{9 10} Iné sublia bá uã luguê planu di télá, sósó inen séká kintê di inen santu, ponson ku sá gôgôdu. Maxi fôgô bi d'ôsé matá inen butá. Djabu ku tá ká govená inen ê fô lansadu ni fôgô ku ká lêdê ku inxofli, anji sá bestá ku falisu plofetá. Inen ké tê tlomentu djá ku notxi, dá tudu sémplé. ¹¹ Zawo, un bê uã tlônô blanku só Isé ku tava xintadu nê. Sósó télá ku ôsé xé ni plesensa Dê, só inen ná bê lugue pá inen pê bé. ¹² Un pia môtô, glanji ku piquina, ku tavá munjadu ni ôpé di tlônô, só livlu fô bétu. Sósó ôltô livlu fô bétu, Livlu di Vida. Só inen ungê ku tava môtô fô zugadu môda ê tava legistadu ni livlu, môda oblá ku fé. ¹³ Ômali tlegá motxi ku sá nê. Motxi ku nfénu tlegá motxi ku tava né tembêtê, só inen ungê kua môlê tava ká sê zugadu môda oblas ku inen tava fédu. ¹⁴ Matxi ku nfénu fô zugadu ni lagu di fôgô. Isé só sá xingundu matxi, só ê sá lago di fôgô. ¹⁵ Xi a ná bê nomi di uã ungê ni xklevidu ni Livlo sé di Vida, ungê sê a ká zugê ni lagu di fôgô.