¹ Uã dinén seté anzu ku sá ku inen seté tasá bi só ê fla ku ami: "bi, un gá bá mostlá bô zuxi di glanji plostituta ku sá sentadu ni libá di yô awá, ² kengé ku inén alê télá ká plostitui kuê, ku vin di môlalidade di sexu kuê ixká fé ku iné ungê télá pá iné fiká bébédadú. ³ Sósó anzu bê ku ami ni suplitu bá desetu, só un bê uã muwala xintadu ni libá di uã bestá vlêmê xá di nomi di kua ku sá kontla Desú. Bestá sé tava ku sété kabesá ku sété xifli. ⁴ Muwala sé tava vistidu di tudu kua vlêmê, ku ôlô ni glôpô, pedla ku sá presiosu, ku pelula; Tava ni môn dê uã kalisi di ôlô xá di tudu kua mali kua ká fé di protituison di sexu. ⁵ Ni testa dê tava sklitu uã nomi, uã seglêdu: "GLANJI BABILÔNIA, MÉN DI TUDU PLOSTITUTA DI TUDU KUA KU NA BWÁ NI TÉLÁ". ⁶ Un bê ku muwala tavá bêbêdadu ku sangi dinen santu ku sangi dinen ungê ku môlê dá Klixtu. olá un bê, un fika dimiladu. ⁷ Maxi anzu fáda mu: 'Pundá kekwá bô sá dimiladu? Un ká bá dá bô xplikason di sêgledu di muwala sé ku besta ku ká bê kuê, bestá sé ku tê sété kabesá ku sété xifli. ⁸ Bestá sé ku bô bê ê ná sen maxi fá, maxi ê pê pô bi ni lugê maxi plofundu di abismuku kamiá bá destuison. ìné ku ká vivê ni télá, ku nomi dê na sá ni xklitu ni Livlu di Vida andejimé di fundason di mundu, inen ká bá fiká spantadu olá inen ká bestá ku tavá ka vivê, maxi miôla uô ná sen maxi fá, maxi sá plovi. ⁹ Naien sá plixizu uã mentxi ku tê sêbê. Sété kabesá sá sété montxi ku muwala sê sá sentadu nê. ¹⁰ Ê tembêté sá sété alê. Xinku dê kabá kê, uã ná ka sen fá, ôtlô na xigá fá; olá ê ká bi, ê ká fika pokô tempu. ¹¹ Bestá sé ku tava vivê, maxi ku na sen maxi fá, ê sá ôtavu alê, tembêté sá uã dinen sété alê, ku ká bê bá zaguli (donoxa) ¹² Dexi xifli sé sá inén dexi alê ku antauô ná lêsêbê uã lenu fá, maxi inen ká bá lêsêbê atolidaxi mô alê, zuntadu ku bestá sé, gina uã olá. ¹³ Inen tê uã pensamentu tã, só inen ká ntlegá atolidaxi sé dá bestá. ¹⁴ Inen tá ká fé gela ku Kodêlu ku vênsê pundá Ê sá Sumu di sumu, Ale di alê, ku Ê sá inen ku ká sama, inen koidu, inen ku sá fieli. ¹⁵ Só anzu fádamu: "Awá sé ku bô bê, anji plotituta sá sentadu, sá povo, multidon, ku nanson ku lungwá. ¹⁶ Déxi xifli ku bô bê ku bestá ká bi tê ôdjô di plostitutá, só iné ká bá désé sê nanda xi nu tatali. Iné ká bá blagá kani dê só inen ká bá kémé tatali ku fôgô. ¹⁷ Pundá Desú pê ni kloson diné vonté di fé kua du Desú mêsê, pá inen pô suntá ni vonté sé pá inen pô tlegá bestá ku pôdê dê di govená antê ku palavla di Desú ká kumpli. ¹⁸ Muwala sé ku bô tá ká pia sá glanji poson ku ká govená ni libá di inen alê ku sá télá".