¹ Sosó un têdê uã vozu ku tava ka bi di Templu, ku tava flá dá inen sété anzu: "Bé bá bloka ni télá iné sété tasá di levá Desú". ² Sósó plimê anzu bé só ê bloká tasá dê ni télá, sósó félidá maliguinu ku pestli mali, bi libá tudo ungê ku tavá ku mlaká di bêstá, ku inén ku tava ká gôgô ku magén dê. ³ Sósó segundú anzu bloká tasá dê ni ômali, só ômali bila ni sangi, mô motxi, só tudu kua ku tê vidá ni ômali môlê. ⁴ Tesêlu anzu bloká tasá dê ni ôliô ni tudu fontxi ku ká xê awá, só iné awá sé bila ni sangi. ⁵ Sósó un têndê anzu ku sá d'awá flá: "Bô só sá zuxtu, bô sô ku sá ku ká sê, pundá Bô zugá tudu kwá. ⁶ Pundá inen bloka sangi dinen santu ku inen plofeta, só Bô dá inen sangi pa iné bêbê, mô inen melêsê". ⁷ Só un têndê ni atali ká kuji: "Axén, Sun ku sá Desú di Tudu Pôdê, Zugamentu Sun sá védádelu ku zuxtu. ⁸ Sósó kwatu anzu bloká tasá dê ni libá sóló, só fô dadu dá ê pemison pê pô kémá inén ômé ku fôgô. ⁹ Sósó iné fô kemadú plóvia kalóló di tavá lumadú, só inén flá mali di Desú ku tê pôdê ni libá plagá sé, sósó inén ná lêpêndê pá pô dá Desú glolia fá. ¹⁰ Sósó kintu anzu bloká tasá dê ni liba tlônô di bestá, sósó ê bilá kulú, só inen ômê tavá ka môdê lungwá plovia dôlô ku inen tava kuê. ¹¹ Só inén flá mali kontla Desú d'ôsé pundá félidá ku iné tava kuê, inen ná lêpêndê di kwá ku inen fé fá. ¹² Sósó sextu anzu bloká tasá dê ni libá di glanji ôliô, ku ká sama Euflatis, sósó awá dê seká pá ê pô fé uã kamiã dá inén alê ku kabi zuntu anji sólo ka nasê. ¹³ Só un bê tlêxi suplitu imundu ku tavaká plasê mô iné sapu, inen tava ká xê ni boka di dlagon, ni boka di bestá ni boka di fasú plofetá. ¹⁴ Pundá iné sá suplitu di démônô ku ká fé xinali di milagli. Inen ká bá kontla inen alê ku tudu mundu, pá inen pô zuntá inen ni batalha ni glanji djá di Desú ku tê Tudu Pôdê. ¹⁵ ( "Un ká bi mô ladlon! Banson sá ku isé ku ká plémanêsê vijilantxi, ku ká manté lôpá dê ni ubuê, pá ê na xê sê lôpá, pá niuã ngê bê vlégonha dê".) ¹⁶ Inen ká fika zuntu niuã lugê ku a ká sama ni heblaiku di Amegedom. ¹⁷ Sósó Sétimu anzu bloká tasá dê ni ôali. Sósó uã vozu glanji xê ni templu ni tlônô só flá: "Ê sá fedú!" ¹⁸ Só bi Lelampagu ku tlomenta, ku tlóvon, ku télá ka tlêmê; tlêmô télá sé sá glanji maxi ku kwa kwali ôtlô ku kontensê ni télá ku inen ômê konsê, mô ê sá glanji pasá. ¹⁹ Ponson glanji ê patxi ni tlêxi, inen poson di inen nanson kê. Sósó Desu lemblá di glanji Babilônia, só ê dá ê uã kalise xá di vin fedu ku lévá blabu. ²⁰ Tudu inen ia sumi inen montanha plêdê. ²¹ Inen glanji bubu di glanizu, ku ká pesá montxi, ê kê n'ôsé libá di ungê, só inen piji plagá dá Desú pindá bubu sé kua kê liba dinen, pundá ê fé mali dá inen.