¹ Anton un bê ôtlô xinali ni ósé glavi axi.Séteanzu ku séte plaga ta sem, ku sa ultimu, punda ku inen leva di Dêsu ka ba sa kunsumadu. ² Un bê uã kwa mó omali di vidlu zuntadu ku fôgô inen ku vênsê besta ku figila dê, ku numuro di nome dê tava mundjadu zuntu domali, inen tava ku alpa ku Dêsu da inen. ³ Inén ta ka kanta vungu di Moisés, selivi di Dêsu ku vungu di Kordeiro:Glandji,glavi sa obla Bó,Sumu Dêsu,ku té tudu pôdê! Zustu vedadelu sa stladaBô,Alê dinen Nansón. ⁴ Kê ngé na ka temé, Sun, kêngê na ka glolifika nomi Sun fá? Punda Sum tã so sa Santu.Tudu nasón ka bi kluva ni wê Bô, punda inen kwa di zustisa Sun ku inen ka bi bê. ⁵ Óla inen kwa sé vala un bê ni ósé templu di tendadi têstêmunha bili. ⁶ Ni lugué antu sete anzu xê ku sete plaga, bixidu di linhu pulu, ka ludji ku faxa dôladu ni vota di pêtu. ⁷ Uã dinen kwatlu sêli vivêntxi da inen sete anzu sete tása di ôlô xa di leva Dêsu, ku ka vivê pla semple. ⁸ So, so templu xá di idligu di glóia Dêsu i di pôdê Dê. Nê uã ngê na ka pô lentla nê fa anté ku sete plaga dinen sete anzu sé ka sa kumplidu fá.