¹ Un pia bê kodêlo mundjadu ni liba di ôkê Sión, suntu kwalénta kwatlu mile tava kuê, tésa dinen sklêvidu nome Dê ku Pé Dê. ² Un têndê uã vozu dósé, mó Tlómentu di awa glandji mó di kwa mémé tlovada. Vozu ku un têndê tembéte sa mó tokadô di álpa, ola inen aplpa Dê. ³ Inén tava ka kanta unwa vungo novo ni santu tlônu, ni omê dinen kwatlu sêle viventxi ku inen ansiõn.Ne uã ngê na ka pô konsê vungu sé fá, xi na sá inen sentu kwalenta kwatlu mili sé ku fô kopladu ni téla. ⁴ Inén sé sa ku na kontamina ku mwala fa, punda inén na konsê mwala fá.Sa inen sé ku ka nda ku Kodêlu tudu lugué ku Ê ka bé.Inen sé fô kopladu ni omê di pôvô mó ngê plimíxia pla Dêsu ku Koldêlu . ⁵ Ne uã mintxila a na bê ni boka dinen fa, inen sa fô lêplêndidu fá. ⁶ Un bê ôtlô anzu ka vuá ni ômê dósé, ku tava ku uã lekadu ku na té kaba fa, kua novo di fa da inen xi ku ka vivê ni téla, da tudu nasón, tlibu,lungwa, ku pôvô. ⁷ Ê tava ka fla ku fôsa:" Temê Dêsu Dé glóia, punda ôla di katxigu Dê xiga. Kluva da Ngê ku fé ósé, ku téla, ómali ku tudu fontxi di awa". ⁸ Uã segundu anzu, lêlê ka fla:" Mémé Babilônia, kiê ku konvesê tudu nasõn di bêbê vim di sexu sê lispêtu. ⁹ Tlisêlu anzu lêlê inen ka fla ku fôsa:" Xi uã ngê vlegá da bêsta ku magén dê, lêsêbê mekani tésa ô ni mom, ¹⁰ Témbété ê ka bêbê vim di vingansa di Dêsu, ku fô blugadu sê mistula mi kalisi di léva Dê. ka bila sa tlomentadu ku fôgo di inxofli ni wê dinen Santu ansu Dê i ni wê di Koldêlu. ¹¹ Idligu di suflimentu ka subli pla tudu semple: diskansu na sem, nê plamé nê notxi, da inen sé ku vlega da bêsta ku magi dê, ku tudu ngê ku lêsêbê meka di nomi dê. ¹² Nai sa perseveransa dinen Santu, inen ku ôbêdêsê mandamentu di dêsu ku afé ni Jizu. ¹³ Un têndê uã vozu dósé ka fla: Sklêvê : Bênsuadu sa inen ku ka môlê ni Sumu"."yôxi", Suplitu fla: " ku inen ka kans de stluviu dinen, punda ôbla di inen ka lêlê inen." ¹⁴ Un pia, un bê, uã nuven blanku ta sem, ni liba dê ta tasondu, uã similiansa ka kô mina Dome.Ê ta ku uã klôa di ôlô ni kabêsa dê ku uã supada ni mom dê. ¹⁵ Antón ôtlô anzu xê di templu ka sama ku fõsa ixi ku ta tasondu ni liba di nuven: "Pega ni nganxu bõ ka kôiê, pundatempu bô xiga inenglôn di tela sa bôbôdu pa kôiê." ¹⁶ Anton ixi ku tava tasondu ni nuvem valá nganxu dê ni tela, tela fô koidu. ¹⁷ Ôtlô anzu xê di templu di ósé, bi tembétén ku uã nganxu limadu. ¹⁸ Ni atali bila xê ôtlô anzu ku pôdê kõntla fôgô, ta ka sama ku fôsa da ixi ku tava ku nganxu limadu:Pega ni nganxu bô limadu kôiê inen kaxu di vinha di tela, punda uva dê sa bôbôdu." ¹⁹ Anzu valá nganxu nini tela, kôiê tudu uva di sêfa lansê ni lagal glandji de lêva Dêsu. ²⁰ Lagal fô pótódu londji di poson, sngui ku kolê sa montxi bóya antê flê kabalu ni uã distância di tlesentu kilomitlu.