¹ Só a dá mu uwã pó pan pô miji. Só a flá mu: "Lantá, miji templu di Desú, ku atali dê, ku inen ungê ku ká gôgô nê. ² Só ê fadá mu, sósó ná miji ni kinté di templu fá, pundá ê fô dadú dá iné ingê ku na sá zudê (inén Gentiu). Inen ká bá pê ôpé diné ni poson santu sé giná kwalentá dôsu môji. ³ Inen dôsu testemuniã Mu, Un ká dá inen pôdê pá inen pô plofétizá, inén ká pê saku ni ubuê, giná duzentu ku séséntá djá". ⁴ Inén testemuniã sé sá dôsu pô di olivelá ku dôsu kandjá ku sá ni wê di Sumu ku sá donu di télá. ⁵ Xi uwã ungê mêsê fé iné mali. fôgô ká xê ni bôka diné matá numigu sé. Tudu ungê ku mêsê fé inen mali ká môlê di modu sé. ⁶ Inén Testemuniã sé Mu tê pôdê di fisá ôsé, pá subá na sobê fá giná tempu ku iné ixká plofetizá. Inen tê pôdê di bilá awá ni sangi, di fili télá ku tudu plagá ku iné mêsê, olá ku iné mêsê. ⁷ Olá inén ká kabá (dumu) di dá testemunhu sé, uwã bestá ka subli di fundula di abismo, pá fé gelá ku iné. Só bestá sé ká diminá inen, só ê ká matá inen. ⁸ Glôpô diné testemuniã ká fika xtendidu ni luwá di plasá glanji ( ku a ká samá modá figula Sodomá ku Egitu), anji Sumu dinén fô klusifikadu. ⁹ Giná tlexi djá ku mataji di djá, iné ungê di kada pôvô, tlibu, lungwá ku nanson ká pia glôpô dinén, inen ná ka désá ku a ká ntelá inén testemuniã fá. ¹⁰ Inén ungê ku ká vivê ni télá ká leglá pundá inen, inen ká flogá ká madá plesentxi uwã dá ôtlô, pundá inen dôsu plofetá bi ku suflimetu dá inen pôvô ku sá télá. ¹¹ Sósó olá ê xigá tlexi djá uwã flôgô di vidá bi di patxi Desú, letlá ni glôpô dinen testemuniã ku tava môtô, só iné lantá. Sósó uwã glanji pavôló kê ni tudu ungê ku tá bê kua sé. ¹² Anton inén têndê uwã voji fotxi, ku tava ka bi d'ôsé, só ê fla: "Bi nai libá!" Sósó, Iné subli bá ôsé niuwã nuvi, só inén numigu dinen tava ká pia iné ká subli. ¹³ Miôlá sé télá komesá ká tlemê, sósó uwã desima patxi di poson blagá tudaxi. Sété mili ungê môlê ni djá sé olá téla tlemê, só iné ungê ku fika ku vida inen tava ku mendu, só inén tava ká gôgô dá Desú d'ôsé. ¹⁴ Sósó xêgundu kudalê vala. Pia! Tesêlu kidalê ká bi ku plesá. ¹⁵ Sósó sétému anzu toká tlombétá dê, só yô vozu fla ni ôsé: "Lenu sé kua sá ni mundu bila di Sumu non ku sá Klixtu. Ê ka bá lena dá tudu sémple dá sémplé." ¹⁶ Anton inén vintxi kwatlu ansion ku tava sentadu ni tlonô diné, ni wê di Desú, vlegá ni son, ku wê dinen ni son, só inen gôgô dá Desú, ¹⁷ só iné flá: "Glasá non ká dá Sun, Sumu ku sá Desú, di Tudu Pôdê, Sun ku tava sê Sun ku sá, Pundá Sun tomá Pôdê glanji Sumu só Sun komesá ká lená. ¹⁸ Inen nanson fika ku levá, maxi leva Sun bi. Tempu xiká pá iné ungê ku sá ni motxi ká pô sá zugadu, pá Sun pô lekompesá inen selivu bô, inen plofetá, inen santu ku inen ungê ku ká têmê nomi Sun, kaposá ungê pikina ku ungê ku tê pôdê. Tempu xika pa Sun pô dá kabu di tudu inen ungê ku fé mali dá télá". ¹⁹ Anton templu di Desú, ku sá n'ôsé, fê bétu só bau di aliansá Dê, tava dentlu di templu. Só bi Lelampagu ku tlomentu, ku tlovon, ku téla tyava ká tlemê, ku uwã glanji subá ku tava kê ku bubu.