¹ Uã glanji xinali tava n'ôsé: uã muwala bixidu mô sóló ku luwá basu di ôpé dê, ku uã kôlôa ku dôzê xtlelá ni kabesá dê. ² Só ê tava ku bêgá só ê tavá ká glitá mô ungê ku ká pali, ku dôlô pê pô pali. ³ Só ôtlô xináli tavá n'ôsé: Só ê tava ku uã dlagon glanji vlêmê kua tava ku sété kabesá ku dexi xifli, ku sété kôlôa ni kabesá dê. ⁴ Ê tava ku labu dê ká lastá uã patxi di anzu d'ôsé, pê pô bi kuê bá télá. dlagon sé mantê ni wê di muwala sé ku tava ká pali, pê matá mina sê olá miná sê ká bi mundu. ⁵ Muawala sé pali uã mina ômé, ku ka bi gonená tusdu nanson ku zustisá. Miná di muwala sé fô tomadu bá zuntu di Desú, ê sá ni tlônô zuntu Desú. ⁶ Sósó muwala sé fuji bá desetu, ni uã lugê ku Desú gwadá dé, pá ê pô tá na lá ká tê kuidadu gina mili ku duzentu ku sesenta djá ⁷ Sósó uã gela tava n'ôsé. Migueli ku inen anzu dê lutá ku dlagon sé ku inen anzu dê. ⁸ Maxi dlagon sé natava fotxi pê pô vensê. Sósó ni ôsé ná tava ká tê lugê dá dlagon ku anzu dê fá. ⁹ Sósó dlagon sé, ku sá kôblô antigu, ku ka sama djabu, ku Satanaji, ku ká nganá ungê di mundi tudaxi, a kôlê ku ê n'ôsé sugê bá télá, êlê ku iné anzu dê. ¹⁰ Sósó un têdê uã vozu ku tava ká bi d'ôsé: "Miôlá uô salvason, ku pôdê, ku lenu di Despu ku atolidaji di Klixtu Dê. Pundá isé ku tava ká kusá inen manu non a kôlê kuê, isé ku tava ka kusá inen manu non ni wê Desú tudu djá ku notxi. ¹¹ Inen vensê, pundá sangi di kodelu, pundá palavla di testemunhu diné, pundá inén na tava ká ama vida diné fá antê ku ine pô môlê. ¹² Sósó nansê pô flogá, ôsé, ku tudu ungê ku ká vivê nê. Maxi un ká xintxi pena di télá ku mali, pundá djabu bi antê nansê. Ê sá ku yô levá, pundá ê sêbê ku ê tê pôkô tempu. ¹³ Olá dlagon fiká sêbidu ku a kôlê kuê ku ê kê ni télá, só ê pasá plixigui, muwala sé ku pali miná. ¹⁴ Maxi a dpá muwala sé uã asá kua glanji mô aguiá, pê pô vuá bá uã lugê ku sá plépaladu dá ê ni desetú, anji ê ká tá gina uã tempu, tempu, ku metaji di uã tempu, fola di wê di kôblô sé. ¹⁵ Kôblô sé txilá awá ni bôká dê mô ôliô, pê pô pia mê ku ê ká poji txilá muwala sé nálá. ¹⁶ Maxi télá zudá muwalá, ê bili boká dê pê pô nguli tudu awá sé ku dlagon txilá. ¹⁷ Anton dlagon fika ku levá pasa dá muwala sé, só ê fô bá fé géla ku iné ôtlô miná dê. Inen miná dê ku ka obêdêsê mandamentu Desu ku ká mantê testemunhu di Jizú. ¹⁸ Sósó dlagon fika munjadu ni ôpé ni liba di alia di ômali.