¹ Só un pia ôtlô anzú ku tê pôdê ku ká bi d'ôsé, Ê tava kublidú di nôvi, ê tava ku uwã aku-ili ni kabesá dê. Sósó kalá dê tava mô sólo sósó ôpé dê tava mô pó fôgô. ² Ê tavá ku uwã livlu ku tava bétu, só ê pê ôpé dê diletú ni ômali, ku ôpé dê xkedú ni télá, ³ Sé ê glitá mô lugidú di lion. Só olá ê fé lugidú sé, sété tluvon flá. ⁴ Olá inen sété tluvon flá, un tavá ká mêsê sklêvê, maxi un têndê uwã voji d'ôsé ku fla mú: " guadá ku bô inén kua sé ku sété tluvon flá, ná xklêvê fá". ⁵ Sósó, anzu ku tavá ká bê libá ômali, ku libá télá lantá môn dê bá ôsé, só ⁶ ê zulá dá Isé ku ká vivê dá tudu sémplé, ku fé ôsé ku télá ku tudu kua ku sá nê, ômali ku tudu kua ku sá nê: "Tempú ná sen maxi fá, sósó, ⁷ djá ku sétimu anzú ká bá toká tlombétá ku sá kuê, anton ni djá sé sêkledú Desú ká bi luwa, kumá ê fla dá inen sélivu ku inen plofetá Dê". ⁸ Sósó voji sé ku un têdê ká bi d'ôsé, ê fla ku ami ôtlô vê, só ê fla: "Bê, tomá livlu sé ku sá bétú ni môn di anzu ku sá ku ôpé ni libá ômali ku télá". ⁹ Só un bé antê anzu sé, un fadé pê pô damu livlu sé. Só ê flá mu: "Tomé kumé; pundá ê ka bá bilá maglôsô ni stomagu bô, maxi ni boká bô ê ka bila doxi mô méli. ¹⁰ Só un tomá livlu sé ni môn di anzu un kumé. védé ê tavá mô meli ni bôka mu; maxi, olá un kumé, ni stomagu mu ê tava maglá mé. ¹¹ Só a fádá mu: "Axém bô ká plofetiza ôtlô vê dá iô pôvô, nason, lungwá ku iné alê".