¹ Axem, tlabadu juntu ku ê, non ka suplika ku glasa di Dêsu a na ka lêsêbê von von fa. ² Punda Ê fla: " Ni tempu oportunu um tendê bô, i ni ja di stlavason um juda bô". Miolé ê sa tempu favorável; Miolé sa dja di stlason. ³ Non na ka pê budu di tlopésu ni wê nguê fa, punda non na mêsé ku ministélio non na ka kiê ni diskléitu fa. ⁴ Andejimé, ason non ku sa plovadu kuma non sa sélivi di Dêsu: plu plesevelansa no ômé di aflison, ni amonistia, ni plion, ⁵ ni sotxi, ni plison, ni motxin, ni stluvisu dulu, ni notxi ê sono, ni fomi; ⁶ plu pulêza, plu konhenximentu, plu paxênsia, plu uwa Suplitu Santu i plu amolé sê fingimentu, ⁷ plu palavla di vêdê i plu pôdê di Dêsu; plu alma ô plu pingada di justisa di mon glêtu ku sxiquedu, ⁸ ni ônla i ni disônla, ni kalunia i ni louvôr; mó enganadô, maji non sa verdadelu; ⁹ mó diskonhexidu maji non sa bem konhexidu; mó molidu, maji non ska vivê anta wô! Mó punidu punda ason non, maji non na sa mó condenadu da motxi fa; ¹⁰ mó intlestexidu, maji sémplé regojizadu; mó póbli, maji inlequexidu yô nguê; mó na tê nadaxi fa, maji tê tudu kwa. ¹¹ Non fla da nansê tudu vêdê, Kolintius, i kloson non sa tudu bêtu. ¹² Non na fisa kloson nansê fa, maji ê sa fisadu plô plôpi sentimentu nansê. ¹³ Miolé ni uwa litlibuison justu, nga fla mó da inen anzu: bili kloson nansê. ¹⁴ Na sa dominadu plu jugu disigual ku inklédulu fa, punda kê sosiedadji tê justisa ku injustisa? Ê kê komunhon kandja tê ku stléva? ¹⁵ Ê akodji Klistu ka pô tê ku Belial? Ô kê komonhon Klistu tê ku Inkledulu? ¹⁶ Kê akodji sem ku templu di Dêsu ku idulu? Punda non sa templu di Dêsu vivu, mó Dêsu fla: Nga vivê n´ômé d´inen i bila nda n´ômé d´inen. Nga sa Dêsu d´inen, i inen ka sa pôvô mu. ¹⁷ Plutantu, xê n´ômé d´inen, tá fastadu, axem Sum fla. I na toka ni kwa impulu fa, i ami ka zunta ku nansê. ¹⁸ Ami nga sa Pé, i nansê ka sa mina ku mosu mu", Sumu ku tê tudu pôdê só fla.