¹ Non sêbê ku xi luguê ku non vivê né naí téla ka ba sa distluidu, non té uwa ké di patxi Dêsu, uwa ké, ku nasa fédu ku nomi di ômé fa, maji pla sémplé ni ôsé. ² Tabenalkulu sé, non ka gêmê, punda non gôgô luma sa bixidu de kê non selestial. ³ Non tê vonté, di bixi, pa a na bê non unu fa. ⁴ Modu sé, uwa veji non sa ni kê sé, non ka zémé klagadu ku xinta n´awua. Non na mésé ta sê lopa fa, maji bixidu, pla mortal ka sa sugadu pla vida. ⁵ Nguê xi ku plépala non sa Dêsu ku da non suplitu kuma sêlu ku sa di bi. ⁶ Témbêté kunfia sémplé. Sêbê kuma, uwa veji ku non ska vivê ni klópô sé, non sa ausentxi di Sumu, ⁷ séla non ndá plô ômé di fé, i wuê wuê fa. ⁸ Ele manda non sa konfiante. Non plifili sa ausentxi di klôpó, i ni kê ku Sumu. ⁹ Axem, non sa ni kê non ô asusentxi, sa pla non xiga meta: gôló kuwa ku ê ka gôgô kwê. ¹⁰ Punda tudu non ka ba plesentá ni wê di tlibunali di Klistu, pa kada uwa lésébê kuwa ku ê fé ni klôpô sé , pla bem ô pla mali. ¹¹ Andeji mé konxidu di temor di Sumu, persuadi nguê. Kuwa non sa sa klalu ni wê di Dêsu, i nga guadá ku ê ka sa klalu pla ku kunxênsa di nansé. ¹² Non na ska tenta konvensé nansé ni sinseridadi non maxi fô; andéji mé, non ska da nansé lazon pla nansé orgulha di non. Di modu sé, nansé ka té uwa lisposta di gloia ni apalênsia, maji ê na sa di kloson fa. ¹³ Mji xi non bila dôdô sa pla Dêsu; i xi non kontléva zuizu sa pla amolê di nansé. ¹⁴ Maji amolê di Klistu ka kompléta non, punda ni kwa sé non sa sétu: ku uwa nguê molé pla tuda xi; só só, tuda xi molé. ¹⁵ I Klistu molé pla tudu nguê, pla nguê ku ska vivê na ka bila vivê pla inen mé fa, maji pla Ixi ku molé bila lanta di motxi. ¹⁶ Plô lazon sé, di wêlé ba wê, na julga n´wua nguê di modu ku padlon humanu, punda uwa vê non ta konsideradu Klistu di modu sé. Maji miolé, non na ka julga n´uwa nguê axi fa. ¹⁷ Tembété, xi uwa nguê sa ni Klistu, ê sa novu Kliatula; kwa vé vala zá. I tudu kwa bila novu! ¹⁸ Tudu kuwa sé ku bi di Dêsu, ku lekonsilia Êlê mé ku non ôtlô vê di Klistu, i da non mistéliu di rekonsiliason. ¹⁹ Isé sa Klistu, Dêsu sa rekonsiiadu ku mundu ku ê plópi, na pota di tlansglêsson fa. Ê ska konfia non mensagem di rekonsiliason. ²⁰ Anton, non sa designadu kuma leplésentante di Klistu, kuma xi Dêsu izoltá nansé plovia di non. Plô amôlé di Klistu, non ska suplika nansé: lékonsilia ku Dêsu! ²¹ Ê fé di Klistu, ixi ku na peka fa, fé saklifisiu da pekadu non, pla Nêlê non bila justisa di Dêsu.