¹ Ngá lemblá nansê nén mánu, di vanjéli ku flá dá nansê, ku nansê lesêbêlê, ni kwali nansê sa nê. ² Sa plôvia di vanjeli sé kú nansê sá sá saluvu, Jina kú á ká xiqui flimi axi ni palavla ku plega, ê pô sá ku nansê kêlê nê di glasa. ³ U tlega nansê ni plimé lugué kwa témbété ku lêsêbê: ku klistu môle plô pekádo nón segundu ni xclitúla; ⁴ Kwê fâ nteladu i lesusitádu ni tlisêlu djá, segundu xclitula. ⁵ Ê plasê ni cefas, zo ni dexi kû dôsu. ⁶ Ni xiguida, maxi di quinhento manu plasê dwã vê, ni kwali iô dinen antáwó ká vivê, maji uã uã nén môlê-sá. ⁷ Zó tiágo plasê i, maxi táji, túdes apóstulo. ⁸ Plô últímo, ê plásê ná mi, mo dwã ánzu naxidu sê djá xigá. ⁹ É u sá máxi txókó d'apostúlu, na mêrêsê sá samádu di apóstulu fá pundá u plexigui glêsá di Dêçu. ¹⁰ Maji plá glása di Dêçu, u sá kwa ku sá kú glásá dê ná ni ná sá dujáxifá. Ni veji di kwasê, u tlábá múntu máxi dôkê inen túdaxi, antáwó kú ê ná sá ami fá, maji glasá di Dêçu kú sá námi. ¹¹ Sóku xi ê sá ami ô ínen, axén nón ká plégá kú nánsê ká kêlê. ¹² Sô ku, xi klistu sá fládu mó lesusitádu di mótxi, kwma ua ua nansê ka flá lêsulêsón di motxi ná sém fá? ¹³ Maji, xi lêsulêson di motxi ná sén fá, ántón nê klistu né ná lêsutá fá. ¹⁴ Xi klístu ná lêsusitá fá, anton plégaason nón sa di glasa afé nansê témbété sá di glasá.. ¹⁵ I non pô kónxideladu fásu têstêmunhu ni patxi di Dêçu, pinda nón téstifika kóntla Dêçu, ka flá kwma êlê só lesusitá klistu, kwantu ê na fê fá. ¹⁶ É xi motxi ná sá lêsusitadu fá, nê klistu mé fô lêsusitadu fá. ¹⁷ I xi klistu ná fô lêsusitadu fá, afé nánsê sá di glása, ku utawo nánsê sa ni pékádu nánsê. ¹⁸ Ãton, nén sé kú môlê ni klistu témbéte môlê. ¹⁹ Xi ni vida sé tã kú nón tê kufeãsa plá futúlu ni klistu, nón sá máxi misérávelu di tudu nguê. ²⁰ Maji mióle, klistu fô lésusitádu nômê di mótxi, sá plimelu flutu di nén sé kú môlê. ²¹ Bêdu kwamá mótxi bi di ua hóme, plô ua hõme témbeté lêsulêson di motxi bi. ²² É mó ni Adón tudu nguê môlê axén tembete ni klistu túdu nguê ká bi sá vivificadu. ²³ Maji ká da ua ni plópi vêji dê: Klistu, plimê flutu zó nén kú ká tóká klistu, ni vida dê. ²⁴ Âtón ê sa kabamentu, óla klistu ká tléga reino dá Dêçu, pé Dê ká blágá túdu principadu ku tudu atôlidádi ku pôdê. ²⁵ É ê ká toká lená antê ê ká pêtúdu numigu dê ni básu d'opé Dê. ²⁶ Último munigu kú ká sá distluidu sá motxi. ²⁷ Pundá: "Ê pê túdu kwa ni básu d'opé dê!" Maji óla á ka flá: "Ê pê tudu kwá", ê sá klálu kú isé ná ká globá nén xi kú sujêtá êlê tudu kwá. ²⁸ Ola tudu kwa ká sá sujêtu nê, ãtón mina ká sujêta nguê xi ku túdu kwá kwê sujêta, plá kú Dêçu, Pé, ká pô sá tudu ni túdu nguÊ ²⁹ D'otlô módu, kwa nén nguê xi kú ká butizá plô motxi ká fé? xi mótxi ná ká lesusitá di niuã módu fá, Punda ká mándá á ká butizá plóvia dínen? ³⁰ Punda ká mandá nón sá ni pligu túdu óla? ³¹ Ngá inflénta mótxi túdu d'já. Isê sá uã sêrtêsa di kwa ku gá flá ku ôgulhu dá nansê, ni kwali u tê ni klistu jêsu, sún nón. ³² kwá ku gá ganhá xi, plô môtivu humanu, xi u lutá ku nén bisu blúku ni éfesu, xi mótxi ná ká lêsusita fá? Bamu kumé, bamu bêbê punda amanhã nón ká môlê. ³³ Ná sá nganádu fá: "Máli kómpanhádu ká kôlômpe kwstúmu buádu". ³⁴ Sá katêlôsu kú nansê! vivê justu axi! ná peká fá. É, ua ua nansê ná té kônximéntu di Dêçu fá. Ngá fla kwá sé plá Vlégónha nánsê. ³⁵ Maji ua nguê ká flá: "kwma mótxi ká sá lêsusitádu i kê kôlô di klôpô nén ká bi kwê?" ³⁶ Nansê sá nôsêntxi axí! kwá kú nansê ká ximiá ná ká klêsê sê môlê fá. ³⁷ kwá kú nánsê ximiá ná sá klôpô só ê sá ká bi sá fá maji ua ximpli ximéntxi, kú ká bila tligu ô ôtlô planta. ³⁸ Maji Dêçu ká bi di ua klôpô módu ê kaiê, ni kada ximenéntxi ká dá klôpô dê plópi. ³⁹ Nê tudu kani na sá kwase mé fá, máji uã sá káni d'omé, ôtlô sá kani bisu, ôtlô sá di pássaru, ku ôtlô di pixi. ⁴⁰ Ê témbété klôpô séléstial ku télésti. Maji gloia di klôpô sélestial sá ua módu, i gloia télésti sá ôtlô. ⁴¹ Ê tê ua glóia di sóló ôtlô glóia di nuá ôtlô glóia di xtéla, mó ua xtléla sá diferentxi d'ôtlô ni glóia ⁴² Axén Témbété sá lêsulêsón di nén mótxi: kwá ki sá ximiádu ká môlê, kwa kú ká lêsusitá na ká môlê fá. ⁴³ Kwá kú sá ximiádu ni dinsora ka lêsusitá ni glóia. kwá kú sá ximíadu ni flákêza ká lêsusita ni pôde. ⁴⁴ Kú sá ximiádu nuã klôpô natural ká lêsusita nuã klôpô xplitual. Xi uã klôpô natural sén témbéte uã klôpô xplitual sén. ⁴⁵ Axén, témbété ê sá sclêvidu: "Plimêlu hómé, Adón fô fédu alima viventxi", Ultimu Adón Bila xplitu vivifikantxi. ⁴⁶ Di túdu módu, xplitual ná bi plimêlu fá, máji natural, zó xiplitual. ⁴⁷ Plimêlu hóme sa di téla, fédu d'ópó; segundu homé sá d'ósé. ⁴⁸ Fêtiu d'ómé fédu d'ópó, axén témbéte sá nón xi fédu d'ópó antón fêtu d'óme dósé axén témbété sá nén xi kú sá dósé. ⁴⁹ Axén mó nón ká klágá májém d'ómé d'ópó, témbété nón ká klágá májen d'ómé dosé. ⁵⁰ Ngá fadá nánsê, nén mánu kóni kú sángue ná ká pô lédá reino di Dêçu fá, nê kú ká môlê ká lédá kú ná ká môlê fá. ⁵¹ Sá uã mistéli kú ngá flá nánsê: ná sá tudoxi kú ká môlê fá, máji tudaxi ká bi sá tlánsformádu. ⁵² Nón ká bi sá tlánsformadu mê d'óla axi, nuã béné di wê, multimu tlómbéta. É tlómbéta ká tóká, nén mótxi ká bi sá lêsusitá sê môlê, kú nón ká bi sá tlansformádu. ⁵³ Punda klôpô sé mótxi; tóká sá levistu du sê motxi, kú klôpô sê mórtal tóka levisti di imotalidáji. ⁵⁴ Máji, óla klôpô sê mótxi ka levisti disé kú ná ká môlê fá, kú klôpô sé mortal ká lévisti disé kú sá imortal, antón kwá kú sá xklêvidu ká bi: "Mótxi fâ ngulidu plá vitória" ⁵⁵ "Motxi, ánji vitória bô sá nê? " Mótxi, ánji kábêsa bó sá nê?" ⁵⁶ Kábêsa mótxi sá pekádu, ku pôdê di pékadu sá álê. ⁵⁷ Máji glasá dá Dêçu, kú ká dá nón vitória pló mê di súm món Klistu Jisú!. ⁵⁸ Sóku, nén kêlidu mánu mú, sá flimi i munjádu. Sémplé glánji ni óblá sumú, pundá nánsê sêbê kwma stlúvisu nánsê ni súm ná sá di glása fá.