¹ Mióle ni kóléta plá nén sántu, mó u orndená ni glêsa di Galácia, Axén fé témbéte. ² Ni plime d'já di sómana, kadá uã nansê patá kwá kú á pôji i guádé, plá kôlheita ná filá sén fá ólá ngá bé. ³ Olá ngá xigá, nguê xi kei nansê plóvá, ngá mándá kú káta di tlegá pléséntxi nansê ni Jelusálém. ⁴ Sê sá plópiadu kú amú témbété ká bé inén ká bé kwámú. ⁵ Maji ngá bá lêlê nansê olá ngá valá di macedónia, ãton ngá válá di Macedónia. ⁶ Taluvê ngá pôji tálá kú nansê ô passá invérnu plá nánsê pôji zudá ni stláda mú, ni kámia kámia kú ngá bé. ⁷ Púnda vonté mú sá ná mêsê piá nánsê plá uã têmpu kutu fá, pundá u mésê pasá uã dôsu d'já kú nánsê , xi sum mêsê. ⁸ Maji ngá tá ni Éfesu ãté Péntékosti. ⁹ Pundá uã pátó glanji bilí plá mi kú efikásia, i ê tê iô numigu. ¹⁰ I óla tximótxi ká xigá, sêbê dê plá ê sá kú nansê sê méndu, púnda ê ská fé obla súm, axén mó d'ami. ¹¹ Sósósó, kú niuã nguê na ká displesé fá, Maji quiê ni paji pê pô bi lêlê-amu, mó us ká guadé kú nén mánu. ¹² Mó manú nón Apólo, u kulájé kú fôsa pê bé kú nén manu bá visita nansê, maji di niuã módu ê na mêsê bé miólé fá. Módu ê ká bé óla ê ká tê témpû ¹³ Vijá sá flími ná fé sá kulájôsu sá fótxi. ¹⁴ Túdu kú á ká fé kú amôlê. ¹⁵ Nánsê sêbê kú nén di ké di Estéfanas nén sá plimélu kônvertxidu ni Acaia kú nén dédiká ní sluvisu de sántu. Miólê ngá lógá nánsê nén mánu. ¹⁶ Sá submísu kú nén nguê xi kú káduã kú ká tlábá ká kóperá kú nón. ¹⁷ Ngá gôgô mó Estéfánes bi, fortunatu ku acaicu. Nén súpli kú xê di nánsê. ¹⁸ Púnda inen lenova xplitu mú kú di nansê. Antón, lêkônsê nguê mó disé. ¹⁹ Nén glêsa di Ásia ská saúda nánsê. Áquiila ku Priscila ská sáudá nánsê kú fôsá axi ni sumú, kú glêsa kú sá ni ké dinem. ²⁰ Túdu nén mánu ská sáuda nánsê. Saudá uã kú ôtlô kú bêzu sántu. ²¹ Ami Páulu, ngá sclêvê isé kú plópi món mu. ²² Xi uã nguê ná ka âmá sumú fá, sá madêsuádu. Naién ká bi súmu Jizú! ²³ Ku glása di sun Jizú ká sá kú nánsê. ²⁴ Amôle mu ká sá kú túdu nánsê ni klistu Jizú