¹ Xigui amôlê i dêsêja ku Zêlu dón xplitual, Plinxipalmentxi nguê di plofetisa; ² Punda nguê xi ku ka flá ni uã lingua na ka fla pla nguê fá, maji plá Deçû. Punda ni uã ngue na ka têndê fá punda ê ká flá minstéli ni suplitu. ³ Maji nguê xi ku ka plofetisa ka flá da nguê plá edifike enkôraje i konforté. ⁴ Nguê xi ku ka flá ni lingua ka edifika êlê mé, maji nguê ku ká plofetiza ká edifiká glêsa. ⁵ Gostô mu sá pla túdu nansê flá ni linguá, maji máxi dóke ise, u gosta ku tudu nguê ká plofetisá. Nguê xi ku ka plofetisá sá maxi glanji dôkê nguê kú ká flá ni lingua (Pêlu menu ku nguê ka intlépété, plá glêsa bisqédifikádu). ⁶ Plá modu, nen mánu, xi u xigá ni nansê ká fla ni linguá, kê beneficio nánsê ká tê niuã, ê ná sa ku nga flá nansê ku levelasón, sebê, plófésia kú xiná. ⁷ xi instlumentu sê vida ka plôduzi són, mó fláuta ô harpa, na ka ploduzi ton diferentí, kuma nguê ká pô sêbê kê vungu kú harpa ô fláuta xká toká? ⁸ Punda xi tlombeta toka ua son ku ná sá fidê fá, kwma nguê ka sêbê ola ê sa tempu di plepalá plá guela? ⁹ Axén ê sá ku nânsê: xi bô plonunxá discurso kú sá inlelegivel, kwma nguê ka tênde kwa ku bô ska flá? Nansê ka pô flá niuã nguê na ka pô têndê fá. ¹⁰ Sê dúvida, iô lunguá kú sém kontlária ni mundu, i niuã dê sá sê xintxidu fá: ¹¹ Andeji mé, xi ami na sêbê xiguinifikadu d'uã lungua fá, nga sá uã xtlangelu pla nguê ku nga fla, kuê té ká sa uã xtlangelo plá mi ¹² Di modu se mé, kunansê: mo ku nansê sá kú vônté plá manisfestasón di xplitu, sá zêlôsu pa pô klêse ni edifikasón di glêsa. ¹³ Antón, ngue kú ká fla nuã lingua ká olá pa ê poji intlepeté. ¹⁴ Punda xi nga olá ni lingua, xplitu mú ká fé lasón maji mentxi mú ká klêsê fá.. ¹⁵ kwa nga pôji fé? Nga fé láson ku suplitu mu, maji tembeté ku mentxi mú. Ngá kantá kú xplitu mú tembeté ku mentxi mú. ¹⁶ Diôtlô módu, xi bô lóva Dêçu ku xplitu, kwima ôtlô nguê ka flá. "amé" Óla bô ka sá da glásá, xi ê na sêbê kwá ku bô táva ká flá fá? ¹⁷ Nansê setu axi nansê ká dá glásá buá só, maji ôtlô nguê na ka sá edifikadu fá. ¹⁸ Ngá dá Dêçu glásá ku ngá flá ni lungua maxi d'ôkê tudu nansê. ¹⁹ Maji ni glêsá u plefili flá xinku lungua kú têndêméntu mú ni xintxidu di xiná nen ôtlô, di flá dexi mili palavla ni lingua. ²⁰ Nón mánu, na ka pô sá mó mina pikina ni pensá nansê fá máxi-maxi ni nansê sá bôbôbu. ²¹ Ê sá xlêvidu ná lê:"Plô homé d'ôtlô lingua i pló boka estlángelu nga bi flá dá pôvô sê. Axén mé ném na ká tendê mú fá só flá" ²² sósósó, lingua sa ua xinali, ná sá plá non kliston fá maji plá ixi ku na sá kliston fá; Plofésia sa ua xinali, ná pla ixi kú ná sá kliston fá, maji plá nén kilstón. ²³ Maji, xi tudu glêsa ká zunta vi tudu nguê ká flá ni lungua, nguê kú sá di bwa kú nguê ku ná sá kliston fá xiga, nen na ka flá kwamá nansê sá dôdô fá? ²⁴ Maji xi tudu nansê ka ská plófetisá i ua kú ná sá klistón fá ô ua nguê di lwá xiga, ê ká sá kônvêxidu di tudu kwá kwê têndê ê ká sá xdlugadu plô tudu kwa kú fô fládu. ²⁵ Xtleguédu di kloson dê ká sá leveládu: mó lesutádu, ê ká dá dizê kú kála ni són, ká adorá Dêçu, ká declará kú Dêçi sá sêtu nômê nánsê ²⁶ Antón kuma ê nén mánu? Olâ nansê ka zunta cada ua ká te ua sálumu, ua xinaméntu ua levelason, ua lungua ô ua intlepetasón. fé tudu kwá pla edifikason di glêsa. ²⁷ Xi ua nguê ká flá n ua lingua ku sa máxi-máxi: Dôsú ô tlêxi, i ua di káda vê, antón nguê tóká intlepetá kwá kú sá fladu. ²⁸ Módu kú modú, xi niua nguê ná sén plá intlepété fá kú káda ua ká ká kobóka dê ni glesá. Désé pê flá tã kwêlê mé kú Dêçu. ²⁹ Kú dôsú ô tlêxi ploféta ká fla, ku ôtlô ká têndê kú komparasón kú kwá kú sá fladu. ³⁰ Maji, xi ua levelason fô fladu nguê kú sá tasóndu ni kútu ká fika ku bóka fisádu ni kwa ku ê tava ká flá. ³¹ Pundá kada ua nánsê ká pôji plófetisá, ua plô ua, di módu káda ua ká pô sêbê, ku tudu nén ká tê klósón. ³² Punda Xplitu di Plóféta sá ni kôntlôlu di plófeta. ³³ Pundá Dêçu ná sá Dêçu di demanda fá, Maji di páji. Isé sá ordénánsa ni tudu glêsa di nén Sántu. ³⁴ Ném Muála tóká sá kú boká fisádu ni glêsa, púnda nén ná sá plemitxidu flá fá. Ni uê kwase nén tóká sá submusso, mó témbété dê flá. ³⁵ Xi uã kwa sén kú nen mêsê, sêbê désá pá inén pô puntá, hóme ni ni ké. Punda ê sá vlegonha plá muála fla ni glêsa. ³⁶ Palavla di Dêçu bi di nansê? sá nánsê ta só sá única kú pô stlavádu? ³⁷ Xi ua nguê pénsá de sá ua plófeta ô xplitual tóká lêkânsê kwa kwe xclêvê nansê sá mandamentu di sumú. ³⁸ Maji xi ua nguê ná lekônsê kwa sé fá, kwê na sá di bisá konxidu fá. "ua ua versón maxi vé ká bú kwê:" Andéji mé, xi ua ngue sá inguinoranti ni kwadésé sá. ³⁹ Antón nón mánu dêsêjá fotximentxi; Plófetisa, i na plubi niua nguê di flá ni lingua fá. ⁴⁰ Májí kú túdu kwá ká sá fédu desentiment i ni odji.