¹ आमा जे आखते ति गोठ इहकी हाय का जो स्वर्गाम देवा राज्याम हुदा वेल बोधेय इहडो महायाजक गिल्यो. ² तो पवित्रस्थाना आने केलो भी माघ बोनवुलो नहा तर प्रभु परमेश्वराये बोनवुलो खेरो येभामंडला सेवक हाय. ³ प्रत्येक महायजका नेमणुक दाने आने अर्पण सादर केरा खातर केहे, तिहाल तियाल बी अर्पण काय तेबी जरूरी हाय ⁴ जर ख्रिस्त पृथ्वीप रेतो तर तो याजक बी बोनतो नाय काहाका तिही वेहलागुज नियम शास्त्राप्रमाणे दाना अर्पण केनारे आथे ⁵ ते जो काम केहते, ती स्वर्गामणी गोटी नक्कल आने सावली महगे हाय परमेश्वरा मंडव घालीत हाय देवाय मोटोल जो आदेश देदो, तेहकी सेवा हाय काहाका देव आखे, “ तुल डोगुप माय जो नमुणो देखाव्यो तेहकी तु आख्या गोट के” ⁶ पेन आनि जो करारा मध्य ख्रिस्त हाय तो खुब हाऱ्या अभिवचना स्थापित हाय तो अधिक घरो हाय, ति प्रकारे हारी सेवा तियाल मिली. ⁷ जर पुर्वी करार निर्दो इहकी का तिया जागाप बिहरो करार होवनु गरज माडा. ⁸ परंतु देवाल माहाम दोष देखायो तियाय आख्यो परमेश्वर महकी आखे, वेरा महडा दिही आवता, जहा माय इस्त्रायला कावे आणे महदा कोवे इयाआरी नोवो करार केरे. ⁹ जेहकी माय तिया गया आरी केलो तेहकी ओ करार रे नाय ती दिही माय तिया आथ तिन मिार देशांमने आरे लि आलो ते माआंरी केल्या करार विश्वासु रिये नाहा तीया खातोर नाय तियान लक्ष देदो नहा कहको प्रभु आखे ¹⁰ ती तियापायुन इस्त्रायल लोका आरी एहडो करार केरे, तो हा माय मा नियम तिया अंत: करणाम घालीन, तिया हृदयांप तो निखे, माय तिश देव वेरे ,ते मा माही वेरी ¹¹ तुमा परमेश्वराल वोहका एहकी एकदा माहाय मिया पाहील्या मनजे आपु पाहुल आखनु गरज पडेणाय कारण तियाआरी कनिष्टापासुन वरीष्टापर्यत आखे माही मान वोहकी. ¹² काहाका माय तिया अनि कृत्यविषय दयाशील वेरे आने तिया पापे गाय तिया फासे वेरेचनाय. ¹³ इया करारात नविन करार आखी पेहलो करार जुनो वेरी आने जीर्ण हाय नाहा वेणात्या बेतात आले हाय.