¹ आमी पेल्या कराराबी उपसीसंबंधी कायकेनियम आथा आने एक पवित्र जागो आथो पेने ते पृथ्वीफुजे आथो. ² कारने मुडपामेने खोल्या तयार केल्या आथ्या, बास्या खोलीन पवित्रजागो ऐहकी आखते तियामे दिव्या खडवो मेज आने समर्पित माडो आथो. ³ आने बिहरा पोडदा फासाडी एक मंडप आथो, तियाले पवित्र सस्थान आखते. ⁴ तियामे ऊजवाडो केरा खातोरे होना पोडदा आने चारी सोमकी बुजलो करारा पेटी आथी तियामे माडाकी पोलो बासनो आने, हारुना लाकडी जियामे फुले माने फालवे आले आथे आने करारा दोगडा पाट्या आथ्या. ⁵ तिया ऊचे बेने गौरवाकरुबीन दयासत्रनासावली केतुले आमी एक एक किने होमजावनु दिहीनाहा. ⁶ ऐ वस्तु इया व्यवस्थेनुसार याजकलोक ऊफास्या केरा पेहला विहीतुला. ⁷ पेन फक्त ऐखलो माहायाजके वोरसामे ऐकुजे डाये बिहरा मंढपामे जाये, तो स्वत: खातोर आने लोकां आज्ञाकी वेला पापांबद्दल जो रक्त अर्पण कतुले, तो ल्येन्यसीवाये माजमे जातलो नेये. ⁸ इयाकी पवित्रआत्मा ऐहकी देखाविका, पेहलाक मंडपे ऊबो हाय तावेहुगे परमपवित्र जागा वाट खुली हा. ⁹ तो मांडवो फासला दिहामे दृष्टांन्त हाय इयाअथे देवाले देदला दाना आने तियाले बलीदान अर्पण मिया खातोरे ऊपास्या केनारा विवेकभाव पुरो केा खातोरे पुरो नाहा तो तियालो अर्पण केते. ¹⁰ तो, खाली खवुतुपिवनु वस्तु खातरे आने एहकी तेहकी ऊगतु विधी आधारापे खुब नियम तो खाली हारो वेरे ति तावुकेहुगे आखामे आलो हाय. ¹¹ पेण आमी ख्रिस्त ओ वेनाऱ्या हारी गोटी महायाजक बनी आलो आने खुब मोठो आने अधिक पुरू महा हाथा कि नाहा म्हणजे इ पृथ्वीपणे नहा इहडा मंडपाद्वारे. ¹² बोकडा नेता हाना पाठडा इया रक्त लिन नहा, पेन तिया स्वत:ज रक्त लिन आने तियाय सार्वकालिन छुटकारालिन एकुचडाय परमपवित्रस्थानाप गीयो. ¹³ काहा का बोकडा आने डोगरा ईया रक्त तेहकीज कालवडी खा इ अशुध्द विजाय फासे शायकी जर सरीरा शुध्दी वेरे आतो पवित्र केरे. ¹⁴ तर तियाय सार्वकालीक आत्मापेने निष्कलंक इहकी तिया सरीराल देवाल दिदेदो, तिया ख्रिस्ता रक्त तुमा विवेभावाम बिगडुला कामापेने काहानेय शुध्द केरी तुमा जिवता देवा सेवा केरा खातोर? ¹⁵ ख्रिस्त इयाखातोर नवा करारा मध्यस्थ हाय का, पेहला करारासंबंधी काहा का तिया मृत्यु द्वारा जो पेहला काठा करारा उपराधा से छुटंकारो वेरा खातोर वेयी, तिया हादयो तियान सार्वकालीक वतला वचन मिले. ¹⁶ जिह मृत्युपत्र केलो हाय तिही तो कियो ना कियोवनारा माय गियोह ई सिध्द वेणु जोरुरी हाय ¹⁷ काहाका मृत्युपत्र केनारो जिवतो हाय तावलागु मृत्युपत्र ध्यानाम आवी शेकतो नाहा. ¹⁸ काहाका पेला कराराआ स्थापनस रगुताकी वेयी नाहा ¹⁹ काहका नियमशास्त्राआ हेरेएक आज्ञा बाठा हुबूर आख्यों आणे मोशेय पायाआरी वासडा आणे बोकडा रगुत तेकीज रेशमी पोतडा आणे एजोवाआ डाग्या ई बाठो आरी लेदो. आणे तो तियाय नियमशास्त्राआ पुस्तकाप आणे बाठा लोकाहाप हिपडयो. ²⁰ तियाय आख्यों का जो करार पालाकेता देवाय तुम्हाल आज्ञा केली आथी तिया करारा ई रगुत हाय. ²¹ तेहकी तियाय माडवाप आणे भक्ती आरधाना केता वापराम आवनाराबाठा सामानाप तो रगुत हिपडयो. ²² खेरो वेराजाय ते नियमशास्त्रा प्रमानाकी रगुतू कि बाठो काय शुध्द वेहे आणे रगुत पाडल्या सिवय पापक्षाम वेती नाहा. ²³ काहाका होरगामने गोठ्याआ नमुनाप्रमाणे आत्या ते वस्तु यज्ञाआ की शुध्द केरुली जरुरी हाय 23.1पेण तियाआ केता हारो जाहको हारऱ्या यज्ञाकी होरगा गोठ्या सावली की शुध्द केते है. ²⁴ काहका ख्रिस्ताय मानवा आथाकी केलो पवित्रस्थानाम पाग थोवतो नेय. ताहा तो जागो खेरी वस्तुअ एक पाटली हाय देवा हुबूर अभीरा केता खाता होरगाम तियाय प्रवेश केयो. ²⁵ जेहकी महायाजक वोराहा वोरी स्वत:आ नाहा ई रगुत लिन परमपवित्रस्थानाम जाआथो तियाल घेडी घेडी स्व्त:आ तियाल अर्पण चडुवनू नेये आथो. ²⁶ तेहकीचरेताे तर ख्रिस्ताल जगरअर स्थापनापेणे स्व्त:आ अर्पण कोता तेबी दाव केरा पोडतो. पेण आमी युगा शेवट आपु स्व्त:आ अर्पणकिन पाप नुसाकेता तो उकदाव प्रकट वेयो. ²⁷ जिया की लोकाहाल एकुचदाव मरण व फासला न्याय वेराकेता नेमी थोवलो हाय ²⁸ तेहकीच ख्रिस्त भी कोतातेभी पापे उसलीन जाकेता उकचदाव तो अर्पण वी गीयो आणे तिया वाट वेणाराआ पापकेता नाहा तर तारणकेता बिहराआ देखायो.