¹ तीया केअेता देवा रेवुला जगावे प्रवेश केरा केअता देवापेने लेदलो अभिवचन आजीबी हाय आणे याकेअेता तुमा मेनी केडोज तो चुकवा नाहा त्याकेअेता कालजी ल्या. ² काहाका आमाले बी सुवार्ता आखाम आली हाय, जीया होच ती इस्त्रायल लोकांहाले आखामे आली आथी पेण जो संदेश तीहाये उनाया तीयापेणे त्याहाले फायदो वेअेयो नाहा काहाका तो संदेश तीहाये उनाया पेण त्याहामे विश्वासाकी लेदो नाहा. ³ जे आपु विश्वास थोवला ते पवित्र शास्त्र मे लिखला प्रमाणे (होच) तीया रेवुला जागावे प्रवेश केअेणारा हाय अेहेकी देवाय आखलो हाय, “ तीया केअेता आम माआ रोगी ईहीमे अेहेडी शोषत लिईन आख्या” ते माआ रेऊला जागावे किधीजे प्रवेश केअेणारा नाहा जगाले उबाजावुलाहीने तीया काम पारवालो आथो ते भी तो अेहेकी आख्यो. ⁴ काहाका पवित्र शास्त्रा मे तो सातवा दिहा बाबत अेहेकी गोगलो हाय का, “आणे सातवा दिही देवाये तीया होगा कामामेने विश्रांती लेदी. ⁵ आणे फासे तो आख्यो, “ ते माआ रेवुला जागावे किधीजे प्रवेश केअेणारे नाहा. ⁶ जीहाले पेलाज सुवार्ता आखामे आलली आथी तीयाहा विश्वास नै आथो तीयाआ तीईयामे प्रवेश नाहा वैयो, तेबीईखेरो हाय का, कायके जावाहा तीया रेवुला जागावे प्रवेश वेणारो हाय. ⁷ तीयाहा केअेता देवाये फासे एक वेल नेक्की केमली हाय त्याहाले तो “ आज” ओ एक ऐहेडो दिही ठेरवोहो आणे पेअेलाजे आखल्या प्रमाणे ओताहा काळा नंतर तो दावीदा द्वारे अेहेकी आखे “आज” जर तुमा त्याआ आवाज उनायाहा तर आपु अंत: करणे (मोने) कठीण (यातके) क्याहा नाहा. ⁸ काहाका जर यहोशवा देवाये देदला रेवुला जागावे ली गेलो, तेर देव बीहीरा दिहा बद्दल फासे गोगतो नेय. ⁹ म्हणुन देवाआ लोकांकेअता आजीबी रेवुला (शब्बाथ) दिही हाय. ¹⁰ काहाका जो केडो देवा रेवुला जागावे प्रवेश केहे तो तीया आ स्वत:आ कामामेने थाक मुळे हे जीयाप्रमाणे देवाये त्याया कामा मेने थाक मुळूलो आथो. ¹¹ तीया केअेता तीया रेवुला जागा वे प्रवेश केरा केअेता आपु ये वेतो वेरी तोतो प्रयन्त केरुलो ¹² काहाका देवा वचन जीवतो, काम केणारो बकनी होवे धार रेहे तलवारी ने बी खुबूज जाहाको चिदलो हाय, जीव सांदा आले माहा योहाने सिरकावीन आरपार जाणारो आणे मनोमेनी विचार आले हेतु ईमा पारख अेहेडो हाय ¹³ आणे केल्लोभी उबजावाली गोठ तीया पेनी दोबली नाहा आणे जीयाये आमाले होगी गोठी हिशोब देवुलो हाय देवा हुबूर होग्या गोठा उगड्या व स्पष्ट अेहेड्यो हाय ¹⁴ म्हणुन जीया केअेताका आमाले येशु उेवा पोयरो ओ महान माहायाजक मिल्लो हाय आणे जो होरगामे गेअलो हाय, अेहेकी जो विश्वास आपु गाजवुताहा तो सदाजे मजबुत तीईन रिईव. ¹⁵ काहाका आपुले मिल्लो माहायाजक अेहेडो नाहा आपु कोमजोरी बाबत मदत देखावणार कमजोर हाय पेण आपुले ऐहेडो याजक मिल्लो हाय क जो आमा होयुजे बांदा प्रकारच्या लोभ (मोह) मेने गीयो तेबी तो पुरापुर पापमेने दुर रियो. ¹⁶ तर हावी आपु देवाआ कृपा राजासना पाहाये किम्मत केईन जाआहु या केताका आमा गोरजा वेले सहारो जोजे म्हणुन दया आणे कृपा तिला जोजे.