¹ प्रत्येक यहुदी महायाजक निवड लोकागते वेहे आने लोका होवेने तिया पापा वाटे यज्ञ आन दाने ई बेनी देवाय अर्पन केरा जोजे तीया कामुवाटो महायाजक नेमलो रेहे ² जे चुका केते आण जीयान होमजोता नाहा तीयाआरी प्रत्येक मुख्य याजक सौम्यपने री यकेहे काहाका तो सोता दुर्बल रेहे ³ आन त्या दुर्बलपणा की तीयाय तिया पापवाटो तेहकिज लोकाहा पापावाटो अर्पण केलो जोजे. ⁴ ओ मान केडोज तिया तिया ली शकतो देवा पाचारण आथो तेहकी तियाल बी देवा पाचारण रेवुला गरजेचो हाय ⁵ जेहकी ख्रिस्ताय महायाजक वेरुला गौरव सोतापाय तियाप लेदो नाहा पेन देवाय खिस्ताल आख्यो “तु मा पोयरो हाय आज मायु तुल जन्मो देदलो हाय ⁶ बीहजा शास्त्रा भागाम तो एहको आखे का मलकीसदेका संप्रदाया प्रमाणे तु युगानुयुग याजक हाय ⁷ येशूय तिया देहा हिहाम देवाही खुप जोरमे बोमलीन आन रोडीन प्रार्थना जियाय ने वाचणे शकतलो आन देवा विषयी तिया यदभक्ती वजेसे येशु प्रार्थना ऊनालुम आला. ⁸ तो देवा पोयरो बी आथो तेबी जीयाय जो दु:ख सोताय लेदो तीयाय ने तो आज्ञा धारकपणा तीयाय हिक्यो ⁹ आन नंतर तीयाय परीपुर्ण तो वेयो तीया जो तीया आज्ञा पाकेहे तीया वाटो सार्वकालीन तारणकती तो वेयो. ¹⁰ तीया नंतर मलकीसवेका संप्रदायास अनुसरीन देवा होवेने तो महायाजक होमजीव नियुक्त वेयो. ¹¹ ईया विषयी आखुला सारखो खुप हाय पेन तुमान जो होमजाराला खुप कढीत हाय काहाका तुमा ऊतावुलाम मंद वेला हाय. ¹² आमीलुग तुमा शिक्षक बोनी जा जोसतला देवा शिक्षणा धडा आजी तुमाण केडाय तेबी हिकवुला तुमान गरजेचो हाय तुमान दुधा गरज हाय जाडा माडा नाहा ऐहकी तुमा वेले हाय. ¹³ काहाका जो केडो आजीबी जो दुधापेज रेहे तो नितीमत्वा वचना की जो दुरूज ¹⁴ पेन जीयान ज्ञानेंद्रियान वाईवाटीकी हारो नान खोटो काय तो होमुजला होमजाय गीयो हो ऐहडो प्रोढावाटो जाडो माडो हाय.