¹ तीया केअेता पवित्र पावुऊ, जे आणु होरगा केअेता हादले ते भागीदार हाये, त्याही येशु केअेच विचार केअेजा तो देवाआ प्रषित आणे आमा विश्वास केअेला महायाजक हाय. ² देवा पुर घराणामे जेहेकी मोशे देवा आरी विश्वासु आथो तेहेकी जीया देवाये त्याआले प्रषित आणे महायाजक आखीन नेम्यो हो तीया आरी तो विश्वासु आथो. ³ जेहकी का कोओवा हिने कोओ बांधनाराले खुब मान देहे तीया होच येशू आ मोसेहीने खुबूज जाहाको मान पानामे अेहेडो गोगाम गियो. ⁴ काहाका हर एक कोओ बांधनारो केडो तेबी रेहे पेण बांदो कायबी देवाय बांधलो हाय. ⁵ देवा आपुरा घराणामे मोशे ओ सेवक आखीन खुबूज विश्वास आथो. देवाआ गोठ्या आगला काळामे घ्या वेणाऱ्या आश्या त्या विषयी त्याये लोकाले साक्ष देदी. ⁶ पेण ख्रिस्त ओ पोयरो आखीन देवा कोओ ये विश्वासु हाय आणे जर आमा आणु विश्वासु आणे आशा यांआ अभिमान केअता आणे धीर तेहता हा तेर आपु बी त्याआ कोअ हाये आपु सदाजे देवाचाला जोजे. ⁷ तीया केअता पवित्र आत्मो शास्त्रामे आखे त्याप्रमाणे “आज जर तुमा देवा आवाज उनायाहा” ⁸ तेर आपे मोने कठीण केरा नाहा, जीया प्रमाणे इस्त्राइल लोकाहाये जोंगलामे देवा परिक्षा वेअेरा केअता देवा विरुध बंडखोरी केअयी. ⁹ जीही तुमा वाड वडीलाये माआ परिक्षा वेअेयी आणे माल पारख केरा लागव्यो ती ही त्याही चालीस वोरेहे माआ कामे वेअेये ¹⁰ त्याकेअेता आय पिढीवे रोब की आली आणे आय आख्यो “ ईया लोकांहा अंत:करणामे (मोनामे) सादाजे चुकीचा (खाराबे) विचार आवताहा या लोकांही आमा मार्ग (वाट) कोधीज वोहोकी नाहा. ¹¹ तिया केअेता आय रोग मे शोपत लिईन आख्यो “लोक आय देदला रेऊला जागावे किधी जे प्रवेश केअणारा नाहा. ¹² पावुहू “जिवता देवाले सोडी देवुलो ओतो हो विश्वास नै थोवुलो दुष्टमोन तुमाहीईमे केडाबी नेय वेरा जोजे तीया केअता सामालजा ¹³ जावलाग “आज आखलो वेळ हाय ताव लाग एक एका दिहाले एक बीहीराले होमजावीन आखा या केअेता का तुमा हीमे केडाबी पापामे ठोगाय जायने तुमा अंत:करणे (मोने) कठीण (वातडे) वेरा नैय जोजे ¹⁴ काहाका जर आपु आपु पेअेलो विश्वास शेवट हुग पाक्को तेअेयो ताहाज आपु ख्रिस्ता मे बेठाले हाय ¹⁵ पवित्रशास्त्रामे अेहेकी आखलो हाय “आज जाहाका तुमा आवाज उनायाहा, ताहा इस्त्रायल लोकांये देवा विरुध्द बंड केअेयो तेहकी आपु अंतकरणे (मोने) कठीणे (वातडे) केअया नाहा. ¹⁶ जीहाये देवा आवाज उणाया पेण तीया विरूध्द बंड केअेहे केअेयो ऐहेडा केडा आथा? तेज लोक नै का जीहाले माशेय मिसर देशामेने बारे लीने गेलो आथो. ¹⁷ आणे तो केडा ने चालीस वोरेहे रोग केअेतलो आथो ते होगा तेज नै का, जीहाये पाप केअेये आणे ज्याहा मुरदे जोंगलामे पोडले आथे ¹⁸ केडा केअेता देवाये अेहडी शपथ केधी का ते माआ रेवुला जागावे प्रवेश केणारा नाहाज? जीहाये तीया आज्ञा मुउमा तेज नै का ? ¹⁹ ईया वेणी आपु वेअेता का, ते लोक देवा देऊला जागावे तीयाहा विश्वास नै तीया आवी शेके नाहा.