¹ Itxỹte mahãdu isi taòrarukile rerubunymyhỹre moõ dee wiki aõkõ. Inytyhy mahãdu bede rierỹ õ-my, kia ihãrele aõnaõna brebuna-ribi awimy ròhònymyhỹre tabrebuteremy wahe. ² Ijoi mahãdu òrarudu-my rỹira kia urile hãwã nihikỹ ribinanymyhỹre; ka Iòlò wityhy tahe òbtimy rỹira kia awimy hãwã nihikỹ ryòbi-ò ritidimyhỹre. ³ Hãbu aõkõ wii ribinanymyhỹre iwese biu ywimy ròamyhỹre wesemy ibutemy aõ rihumyhỹre kia heka hãbu aõkõ riemyhỹre wahe. ⁴ Mobo Deuxu rybewi-di risinymyhỹre kia òrarufule itxỹte mahãdu le riwiòhenanymyhỹre; ka mobo Deuxu rybewi rityhynymyhỹre kia urile òrarudu mahãdu itxỹte mahãdu-di risinymyhỹre. ⁵ Iny deòsa mahãdu Deuxu aõnawiwi rieryõhyymyhỹre; ka mobo Deuxu aõnawiwi rierymyhỹre tahe awimy rierymy ramyhỹre kia ta awimy aõmy reaõhyymyhỹre awimy ratximyhỹre. ⁶ Iny iaõkõ-my rỹimyhỹre heka awire Deuxu rityhynymyhỹre ibutumy tawo-wana, ityhy mahãdu ratyremy tii boho heka irehemy Deuxu-ribi rasỹnymyhỹrenyre itxỹte wesemy wahe. ⁷ Iny tỹmyrawi mahãdu rybewiwi rityhynymyhỹre; ka iny tỹmyra irele itxỹte mahãdu kytxi ralòmyhỹre kia isỹrunihikỹ tasỹreny-ò riwahinymyhỹre. ⁸ Mobo ityhymy ròòsemyhỹre urile iaõkõ mahãdu-di risinymyhỹre kia hãre tahe isihetyre riwibrònymy taòwy tamy riijemyhỹre, kia heka taõwiwi ributunymyhỹre, hãbu wi mahãdu tahe urile iny iaõkõ-my rỹira riwiòhenanymyhỹre. ⁹ Deuxu iny isitòedỹỹna-di ibinamy iny-di retehemyhỹre, mobo irybeki ibinamy rahãmyhỹre wesele wahe. ¹⁰ Mobo inywi mahãdu rybina-ò ridymyhỹre kia tii òbtile resirubunykre taaõòtaòta-ki, ka mobo Deuxu rityhynymyhỹre ibutumy tawo-wana kia mahãdu heka soẽmy aõnaõna wiwi rimymyhỹre. ¹¹ Hãbu ityhymy rỹira kia iny bedeery ratyre-my rautxienymyhỹre ityhyrekile wahe. Ka hãbu òbitityhy bedeerymy rỹira kia aõwasina iaõkõ-my rỹikre hãrele ityhy mahãdu wo rierymyhỹre. ¹² Tiu hãbu awimy ratxira-wana kia awityhymy ratxira-wana kia ibutumy reysamyhỹrenyre; tiu itxỹte mahãdu aõwedu nihikỹmy runyra-wana kia ibutumy iny mahãdu urile ramytàtàmyhỹre brebumy wahe. ¹³ Mobo urile taòraru iny lau riwòmyhỹre kia ikiemy ywiywi-my rawebinadunymy resekre. Ka mobo taõòtaòta riywinymyhỹre ririmyhỹre kia Deuxu tuu reàlàmyhỹre. ¹⁴ Mobo isyby isyby Deuxu rityhynymy ratximyhỹre kia ikiemy ibedesamy ratxikre; ka mobo isideewi-my aõ riwinymy ratximyhỹre ka mahãdu ikiemy uhuari woki rỹikre isi taòraru-ki. ¹⁵ Hãbu itxỹte iny a~ko~ mahãdu riweduny-wana kia aõni iòhãru rare iwese hãlòe ràma risamy rỹimyhỹre wesele wahe. ¹⁶ Hãwãhãkỹ dinodu aõna~na òwy rihejimyhỹre txuõtxuõlemy kia heka ibina rare! Hãwãhãkỹ dinodu heka iny awimy rỹikre tamy ibinare, iny òwydỹ ỹnyreny heka rỹsỹna-ki iny boho rahumyhỹrenyre tiwese wyra-my aõkõ sõemy. ¹⁷ Aleerydu itxỹte heka taleery-my resiruerubunykre kia tiu txulemy rurukre; tiu heka iny-õ tamy resitòenyõtyhy. ¹⁸ Mobo Deuxu rityhynymyhỹre ibutumy tawo-wana kia aõsirasira-ribi resitakre, ka mobo Deuxu ry-ribi resilòhòrarienymyhỹre kia tii òbitile resiatykre taaõòtaòta-ki. ¹⁹ Mobo ywimy raaõmysỹdỹ ỹnymyhỹre kia ikiemy irỹsỹna ijõdire, ka mobo urile iny bina mahãdu ributunymyhỹre tahe urile ràma rirubunymyhỹre. ²⁰ Hãbu òbiti irybeõ-my rỹira sõemy Deuxu rybewi rimykre, ka mobo ityhymy ratxikremy isi ratximyhỹre taitxỹte-ribi kia Deuxu òrarudu mahãdu ròtana-ò ralokre òbitimy. ²¹ Iny ityhymy rỹira-di sõemy awimy ròrenymyhỹre iny aõkõ mahãdu-ribi, kia heka ibina rare. ²² Iny rybe luu mahãdu heka ityhymy ratxikemy reamyhỹre, kia tahe aõnaõnalemy resihumyhỹre. ²³ Mobo hãbu-my aõnaõna-my rarybemyhỹre kia sohoji-my tabiòwa-txi reamyhỹre, ka mobo aõnaõna riwinymyhỹre roimy kia tahe ratyhydỹ ỹ õkre. ²⁴ Mobo tyby-ribi rawasinymyhỹre irahu-di tahe rarybemyhỹre, "Aõ ibinamy rewinyõhyyra", kia heka itxỹte tuu rũira rubudỹ ỹdu wesemy. ²⁵ Mobo ityhymy ratxike-my resitòenymyhỹre kia aõòwy aõtxile riisiranymyhỹre tai tahe aõbinabina ròhònymyhỹre, ka mobo Deuxu rityhynymyhỹre kia ywiwi-my raityhynymy ramyhỹre. ²⁶ Mobo isi òbitile resityhynymyhỹre kia heka itxỹte rare! Bedeerymy rỹira iny Deuxu rityhynyrele tuu rỹira; kia heka rahenykre ibutumy aõnaõna sirasira-ribi. ²⁷ Mobo taaõnawi riwirarekre iny aõkõ mahãdu -wana kia heka tiu tyy-my rỹsỹnamy reaõtyhy; ka mobo urile ròbòdỹ ỹ myhỹre aõnaõnamy kia tiu aõnaõnawi-my tobisiõna deuxu urile riròtenykre ròtewoòle. ²⁸ Txibo tiu itxỹte-õ aõwedumy roosekreu inytyhy mahãdu irue ribi riõkre, txibo itxỹte mahãdu resihukreu inywi mahãdu resityhynykre, kia aõtxi aõtxile rỹikre.