¹ Uritre awityhymy noõmy kia aõnaõna irahudi aki rỹikreki, kia dori kai teeryõhyyteri aõhebo biusasòmy butỹ ỹnykre wahe. ² Uritre aõwi iwahidỹ ỹ õ-my; kia urile birike iny witxira riòwaynykremy. ³ Iny itxỹte mahãdu dee aõnaõna bina bòdỹ ỹny kia heka sõemy rautxienymyhỹre! ⁴ Iny aõmy wiko relyymyhỹre kia heka aõni iòhãru rare iny ibina widee riwinymyhỹre, iny wimy radònymyhỹre wesele wahe, ⁵ Iny aõmy rarybemyhỹre aõ ribuamy kai heka iny wasimy aõmy rõhõtinymyhỹre ratyre heka rỹimyhỹre. ⁶ Kia heka awire inyõ-my iny boho reòarimy ratximyhỹremyre tiile inydeereny rarutxuna riwahinykre, kia iny widee rytò riwahinymyhỹre wii rieryõ-my. ⁷ Mobo tawonadi tỹsimy ratxireri, bidi breetyhymy rỹira kia heka aõ inydee awityhymy riwahinyõhyymyhỹre, ka ràma risamy rariamy ratximyhỹre kia aõtxile bederade ubroroki bederaty roimyhỹre kia awihikỹlemy ritòmyhỹre. ⁸ Hãbu irehemy aribi ratximyhỹre aõwiwi-ribi, iwese nawii reòsamy ruòmy tasina-ribi irehemy. ⁹ Dohodỹỹnawi iny tabiòwa-ò riwahinymyhỹre tawo-ribi kia heka awirare, iwese delỹnyrenawi rỹimyhỹre wesele wahe. ¹⁰ Uritre abiòwa mahãdu-di aõmy alisiõ-my kia bu biòwa-di tule alisiõ-my. Kia dori iny biòwa-my widi rỹira wii riwiòhenanymyhỹre tiu bedeu aõ isira-wana; txibo kai abiòwa ijõdireri-wana aheto bireki, kai tiu asỹreny-ribi irehemy aribi rỹira awimy anoõna. ¹¹ Wariòre, txibo kai hãbu bedeerymy matxikreki diarỹ sõemy arabedesakre, kia diarỹ awimy umy arasiwedekre iòraru ijõdi-my aõsỹdỹ ỹdu mahãdu-ò. ¹² Hãbu awimy rỹira kia aõòhãru rierymyhỹre ikomy rỹimyhỹre kia tii òbitile resiemyhỹre; ka iny deòsa tahe urile iny ruebety mahãdu ribrebunymyhỹre aõnaõna-my risỹnymyhỹre aõhỹkỹmy. ¹³ Iny nieru rihuòtemyhỹre taerykõ-ò hãwyy mahãdu-ò heka rahuòtetyhymyhỹre, kia heka aõni iòhãru rare kia dori aõnaõna bina riwahinymyhỹrenyre. ¹⁴ Txi kai birajuakreki sõemy aheto birelàdu-ò, kia biurasòmy iny adi rõhõtinykre txibo kai ixihedỹ ỹmy terajuateri kia õmy aõbo txibo kai aheto birelàdu-ki kai ibinamy tahãteri. ¹⁵ Kia isityretyrele rarutànymyhỹre kia biu yrybyle ròamyhỹre, kai hãwyy aõbina luu kia tuhykỹle ratximyhỹre tai heka wiwesenare. ¹⁶ Tai utritre isawidỹ ỹmy idi resỹnymyhỹre kia ihãrele aõnaõna-ki resiremyhỹre; iwese iny rimymyhỹre wese, kia tule iny debòki òlỹrena rỹimyhỹre wese uritre iny rimymyhỹre kia ihãrele rejujumyhỹre. ¹⁷ Womati suusiri synamy rỹimyhỹre, kia inatxi-my txuree-my kia tiu itxuu-my roi-wanaki tiò tiòle wiwana ròlàdu-my roimyhỹre, iwese iny tabiòwa-wana taaõnaki widee rarybemyhỹre inatyhymy kia isyby ibòwa-my relemyhỹre turumy relemyhỹre juhulàdu ratyre-my. ¹⁸ Mobo aõjuhu-di taruki-my retehemy ratximyhỹre kia òbitimy awimy iraty-õ rirỹsỹkre tiu iny-õ aõmy tamy irybeõna bederade dori isyby raratynymyhỹre. Mobo tadinodu-di taruki-my ratximyhỹ myhỹre kia ikiemy awimy ròtamy ratxikre. ¹⁹ Isidee ijerena-di iny boho isidi retehemyhỹre txibo tahe inykywolàdureny; iny raykyreny iny rierymyhỹre timybo iworeny rỹimyhỹre wahe. ²⁰ Txibo aõtxi iny wii ribinanymyhỹre kia heka rubuna-wana wiwesere kiemy dori tiu awimy rỹiõhyymyhỹre. ²¹ Kia prata oro-wana iòwywityhyre ihãre tahe heòtyòle resekre; Habu wityhy aõwi-my rotohodỹ ỹ myhỹre kia ikiemy aõnawiwi rimymyhỹre. ²² Kai aõwasina itxỹte mahãdu urile birike ibtumu biòtudunykre sõemy birarytxynykre, tai tahe tii tiu aitxỹte ibinadỹ ỹ õna. ²⁵ Tiu aaõwi rede bihukreu owiru-ribi, kia inytỹmyra resisõenymy-wana, ^23-24 Ityhyna heka tiu ikiemy rỹiaõkõ rare. Iòlò rataana heka tiu awiõre REAL riòre boho-ò. Tai heka aõmysỹdỹỹna-di biemy atximyhỹke, kia biekre timybo abudoeni rariamyhỹre kia heka bieryke, aõdibo tahe abudoeni sõemy awimy rỹimyhỹre. ²⁶ budoeni heka tadetyy tamyreny riwahinymyhỹre, buboeni hãwyy tahe tdetyy riwahinymyhỹre. ²⁷ Tahuỹsy tahe iriòre boho-ò riwahinymyhỹre, kia ijõ-my teòdu boho-ò riwahinymyhỹre, kiehe.