¹ Bede wiwi aõwiwi heka tiu hãbu itxỹte-wana widee awiõhyyre, iyrybyle tahe biu wetyy bedetòtee-wana widee awiõhyyre, iyrybyle tahe biu nihikỹ aõwi redena-wana widee awiõhyyre. ² Iròdu sõmo sõmo webinadu riwahinymyhỹre aõhererimy aõkõ kia tiu raeryõtyhy; sõemy aõnaõna bina riwinykre, iwese nawii yja ruòmyhỹre wese, ramatxie biu wetyy-di ruòmy ramyhỹre wese. ³ Awaru raisinakremy òhòtemy marunykre; buru raisinakremy txuhunamy marunkre; hãbu aõòtaòta raisinakremy òhòtewi-my marunykre aõu aõu idi rahetenykremy. ⁴ Uritre rybe bina binamy rybemy wisỹdỹ ỹ-my wisỹdỹ ỹ õ-my itxỹte-ò; kai dori ywiywi-my besihumy makre uritre besitỹmyranykre itxỹte wesele besihukre! ⁵ Itxỹte-ò biteòsinyke tii dori tiu itxỹte-ribi isitarasaõna, tii dori rybe binalemy ròrawyòdỹ ỹ myhỹre, tii rotỹ ỹrasiradỹ ỹ-ki; kiale heka tamywire. ⁶ Itxỹte-ò rybewi biwahinyke tii iny dee riwahinykemy kia ibinamy ròhònyke tii tati riòròkeki. ⁷ Sohoji rybewi rarybemyhỹre itxỹteõ-ò tiu ibededỹỹnana awimy rỹiõhyymyhỹre; iwese inytikre mahãdu rỹimyhỹre wesemy. ⁸ Dohodỹỹna iny itxỹte mahãdu-ò biwahinyke; iwese manawiwi sõe rỹnysityby-ò resemyhỹre wesele wahe. ⁹ Sohoji rybewi rarybemyhỹre itxỹteõ-ò; iwese òwòru ruru-õ asasa mahãdu debowo-ki roimyhỹre wesele wahe; aõtidese sõemy rowotõmodỹ ỹ myhỹre kia dori tii noiròsò lỹnyre-di resilỹnyrenyõmyhỹre. ¹⁰ Hãbu aõsỹdỹ ỹ hãbu itxỹte-ò riwahinymyhỹre kia rubudỹ ỹdu ibutumy iaõmysỹdỹỹna ribinanymyhỹre. ¹¹ Itxỹte mahãdu ikiemy isyby isybyle taitxỹte ritỹmyranymyhỹre, iwese ijòròsa isybyle tahylòina rirỹsỹ myhỹre wesele wahe. ¹² Kai aõbo iny-õ teeryte bedeery mahãdu iny sõemy rityhynymyhỹre iny taratiki bedeery-di rỹira? Iny itxỹte mahãdu heka sõetyhymy ròraò-my rỹira resihukremy inywi mahãdu -ribi. ¹³ Iny deywese mahãdu heka urile aõlemy resiònanymyhỹre adeywese heribile aõmysỹdỹ ỹmy raõkrelemy;"txibo hãlòe aõwasina rama risamy rytua-di rariakre", myheka tii rarybere. ¹⁴ Tai heka tii urile herina tuaki resirahòre rahòremy roikre; iwese ijòtòbòna isybyle raraymyhỹre isybyle raratòbòmyhỹre tiu riyrymy roiõhyymyhỹre. ¹⁵ Tii ikiemy teywesemy ratxikre kia tule urile byrederamy reakre teywese heribile. ¹⁶ Txibo tii isi-ribi rahukreki; tii hãbu bedeerytyhy rityhynyke hãbu taratikile aõ rierymyhỹre wahe ibutu hãwã nihikỹ-ribi. ¹⁷ Aureraru biwahinyke iny witxira mahãdu aõnaõna-my rỹira-ò tii dori aõmy resitòenyõmyhỹre, kia heka itxỹte iny tuu rỹira; iwese iny ijòròsa debure nohõti ritusinymyhỹre wesele wahe. ^18-19 Hãbu tabiòwa-ò raroimyhỹre irahudi tahe rarybemyhỹre, "uritre tuu rybeõkremy! kia dori alisi rybele rare!", kia heka iòhãru rare txibo tiu itxỹte myawa riòre-di isiki idi ratxikeki idile iskobylemy idi riweke. ²⁰ Heòty rurimyhỹre kia hee resihuki rurimyhỹre; iyrybyle tahe aõbina resihumyhỹre kia aõbinadu usybyle aõbinamy reamyhỹre, kia tahe urile taijoi-ribi resihitxinymyhỹre. ²¹ Hãbu aõbinaluu kia urile iny ribinanymyhỹre rybe binabina iwese huji heòty riworinymyhỹre wesele wahe. ²² Aõnaõna isirana "aõòtaòta" kia lo`sena ibutu deewi heka rare sõemy iny tuu reamyhỹre. Ijõ iny mahãdu tuu urihimyò-my reamyhỹre, kiemy dori ràma risamy rỹimyhỹre! <sup>23</sup> Iwese aõyrina hynaroki rỹimyhỹre wesele aõwasina noiràsò hyna-di raratàbokre suu tuu relemyhỹre wahe, rybe biòwa mahãdu aõwasina rarybekre kia heka roile rare, iwo sõemy aõnaõna bina-di kia rỹira. <sup>24-26</sup> Hãbu-ò besiòhãrunyke kia ywimy raybemyhỹre, kia sõemy aõnaõna wiwi-my rarybemyhỹre riwahinykremy! Kia aumy woki kai ibinamy tai tahãteri irahudi tahe kai aaõnaõna binabina biteòsinykre, kia aroiwihikỹ heka bite`sinykre. ²⁷ Mobo taana riywinymy rỹimyhỹre iny witxira dee, kia kai tamyle besekre. Mobo màna utxie ritorunymyhỹre widee, kia tii òbitile màna-di resiwotõmonykre. ²⁸ Mobo wimy radònymyhỹre tamy raroiraki, mobo wimy rirubunykremy rarybemyhỹre tii rybewimy rarybemyhỹre urile tamy raroimyhỹre.