¹ Hãbu itxỹte mahãdu irybereny ihoõre! Diarỹ dori itxỹte mahãdu yky-ò aralòõkre Deuxu òlàdumy. ² tii boho dori bede ibutumy riywinymyhỹrenyre itỹmyramy aõbinabina relekremy, iny witxira bodỹỹnamy. ³ Ityhyna òbiti iny tabedeerymy ywimy ityhymy runymyhỹre; ⁴ bierykremy bededỹỹnana awityhymy sõemy ityhyna biwinykre kia ta asỹmahãdu-ò biwahinykre ibutumy rỹsỹnamy rekoamyhỹrenyre. ⁵ Awimy iny isidi ratxikre kia bedeery sõemy aõ ruru ratyremy inihikỹmy ratyhydỹ ỹ myhỹre, awimy iny rỹira iny debure ratyre ratyhydỹ ỹ myhỹre. ⁶ Tiu diarỹ aõbina binaky-txi raõhykymyhỹre, komy diarỹ hãbu bedeery mahãdu-ò resitòenymyhỹre; dohodỹỹna wityhy dori ikiemy iny riwiòhenamyhỹre awimy. ⁷ Hãbu òlàdumy isidi ratximyhỹre tiu heka bedeerymy ròòseõtyhy; tai heka tiu tohodỹỹna-di rõhõtinyõhyymyhỹre. ⁸ Hãbu aõnaõna bina riwinymyhỹre iny witxira dee, kia raerykre ibutumy iny tuu radònykre. ⁹ Aõnaõna bina itxỹte mahãdu widỹỹna kia òraruna rare, mobo aõbinamy ratximyhỹre, kia ibutumy aõwedu nihikỹ mahãdu tuu radònykre. ¹⁰ Txibo kai urile birikre tiu aõmy beakreu aõnaõna wiwi-my kai dori aaõna ihoõre arusetòere. ¹¹ Iny mahãdu bitake kia dori rurukremy rariamy reòsa reòsamy rỹira, tibedekibo rururenykremy. ¹² Uritre iny aõ rimymyhỹre-ribi isiwòteõ-my, kia aõ rierykõ-my tuu tarybemyhỹte. Deuxu heka aryky awimy rierymyhỹre; tii ibutumy awimy rierymyhỹre aõbo awimy rỹimyhỹre, kia tahe hãbu sohoji sohoji-ò aõwiwi riwahinykre aõmybo iny tawoki rõhõtinymyhỹre wahe. ¹³ Wariòre, kai bidi teeryte awityhytyhyre kia ta awimy aumy-ò riwahinymyhỹre. ¹⁴ Teery aõbo bedeery mahãdu heka rubumy rỹimyhỹre, kia bidi tahe iny umy-ò awire; txibo kai bedeerymy boosekreki, kia wijina-my itỹmyra-my jusarana wihikỹ-di matxikre, kia tahe ibutumy aõmybo tarasinymyhỹte ibutumy biòbitinykre. ¹⁵ Kai heka hãbu itxỹte tate, uritre inywi mahãdu-di ibinadỹ ỹmy nohõtiõmykre! Uritre heto jiwisimy nohõtiõmykre inywi mahãdu riòre-di nohõtiõmykre, ¹⁶ tii dori tiwese wese aõkõ resemyhỹre, kia ikiemy iruru ijõdire isybyle tabede riòrarunymyhỹre. Kai heka Deuxu ròtena-ò malòkre kia tahe ikiemy tai besemy mabekre. ¹⁷ Kai, hãbu wi tate uritre bedesaõ-my tiu itxỹte Deuxu ròtana-ò riròtenykreu. ¹⁸ Kia Deuxu kai ròtena-ò araròtenykre iòrarukile wahe! ¹⁹ Uritre rubudỹ ỹdu mahãdu deysana-ò nohõtiyreõ-my rybeõ-my itxỹte mahãdu aõwiwi-ò, ²⁰ tamyreny doti bedetỹmyra làby rare kia aõ riraòrenyõhyymyhỹre. ²¹ Wariòre, Deuxu bityhynyke kia tule aõdinodu mahãdu bityhynyke; uritre iny sõe mahãdu kytxi ròteõ-my kia hãwã nihikỹ dinodu-di dehumy risỹnymyhỹre, ²² kia iny kia wesena rỹira iòh`tyhylemy resihukre, Deuxu ròtena-ò ralokre taaĩdinodu-wanale! Kaki rybebedeeryna-õ rỹire, bedeery dori riràtinyre. ²³ Kia heka ibina rare, wiribi aõwityhy riwinymyhỹre, tiu iny aõdinodu-my runykreu, diarỹ iny iaõkõmy rỹira ariwiòhenanykre, diarỹ iny ityhymy rỹira ariwiòhenanykre. ²⁴ Mobo rubudỹ ỹdu mahãdu-ò rarybemyhỹre,"kai boho awimy atxitenyteri, kiemy dori kai boho bedeeryõ toite!", kia mahãdu ratxuhokre kia tule sõemy iny idireny risinykre sõemy. ²⁵ Ka iny-di òbitimy raaõmysỹdỹ ỹnymyhỹre, kia rubudỹ ỹdu mahãdu ròtena-ò rirutàkre, ka iny òbitimy rỹira mahãdu rybeki, kia iny dee awimy Deuxu tule tuu reàlàkre. ²⁶ Kai aõbo biteòsinyke awimy bityhynykemy iny dee? Birawyònyke òbitimy ikiemy ywimy. ²⁷ Komy aõmysỹdỹ ũnadi arukike, abededỹỹnana anieru biòbitinyke irahudi tahe aheto widỹ ỹ biòrarunyke irahudi tahe ahãwyy-wana besibutunykre mariòrenybenykre. ²⁸ Uritre iny abirelàdu binadỹ ỹ õ-my uritrenaòle, uritre roimy tuu rybeõ-my. ²⁹ Uritre isidi nohõtiõ-my:"wiji diarỹ aresiònykre ibutumy tii aõna~na bina riwinyre". ^30-31 Hãbu deywese oworubere-di rahonyre, kia ta bedeykyle tuu sõemy rỹimyhỹ, sõemy asi desedes. Aõwi rabire ibutumy oworyykymy, kia ta iuhuari ibutumy sulemy resemy rỹimyhỹ. ³² Ibutumy tuu rabire, ibutemy raraykynyre kia ta tyyryti-di rira reeryre: ³³ "Mobo isihetyretyrele urihimyò-my rõrõmyhỹre, mobo isihetyretyre tarasi isiribi ritakremy, mobo isielehydỹ ỹmy rõhõtinymyhỹre urile ratxikremy. ³⁴ Aõkõna heka wylemy rehemynykre, wasidu wesele, ràmasa tahe wasilemy raòhòtekre, itxỹte wesele.