¹ Kai heka iòlò coraçaõ-di teywinymy idi tetehemyhỹte, arayky awimy isideewimy atximahãte, iyrybule tahe aõmysỹdỹ ỹdu bee rirymyhỹre bero-ribi beijaranatiwo-di iny oworusebenamy. ² Tiiemy aõriòre riwinymyhỹrenyre. Aõtxile aõ rewinymyhỹrenyre ixideereny. Kai tahe warayyreny teerymyhỹte, wabededỹỹnanareny. ³ Deuxudee heka sõemy aõnityhyre. Iny ibededỹỹnana rityhynymyhỹreki, tai dori iny ywimy rỹimyhỹre, kia umy tuedỹỹnana aõnaõna riwinykremy tamy. Kiemy dore ixidile rõhõtinymyhỹre. ⁴ Iny widi retehemyhỹre wii titxiõnymy. Kia inywo reyrewemyhỹre. Kia itxỹte mahãdu tuu rierymy rỹimyhỹre. Deuxu dee kia oraruna nihikỹ rare. ⁵ Mõbo taaõna riywinymyhỹre ywimy raaõmysỹdỹỹnymyhỹre. Kia raityhynykre. Mõbo aõwesele ityhymy ratxikemy ixidi rỹimyhỹre. Kia aõwesele rexihumy ramyhỹre aõbo tai rỹira. ⁶ Iny roi riuhemyhỹre itxỹte itxỹte ityhymy runykeki kia ywiywimy hãbu bededỹỹnana rexihumy ramyhỹre. ⁷ òludu hãbu itxỹte kia aõhỹỹmy rutỹ ỹnykre. tii boho dori taaõbinabinareny rieryrenykre ibutumy aõnaõna bina. ⁸ Hãbu taraykywi-di iòrarudu ikiemy rybina-di rariamyhỹre rityhynyõmy. Hãbu iinytyhy ywimy rỹimyhỹre. Kia mahãdu uritre brebuõmy ihãremyta awimy rỹimyhỹre itxỹte-ribi teòrehe-my. ⁹ Iny ixisohojimy hetoriòrewo-ki rahãwãnymyhỹre heka awire. Kia dori hãwyyõ iehehemy rỹira taheto ruxera-ki rỹimyhỹre. Tai heka hãbu urile rabedeerymyhỹre. ¹⁰ Itxỹte mahãdu roiluu kia aõbinabina riwinykrelemy rarayynymyhỹre. Tii heka tiu aõwi riwinyõmyhỹre inydee tabireludu mahãdu-ò tule. ¹¹ Tiu itxỹteõ ròtena-ò ralòra wana, iny wimahãdu iaõhyymydỹỹnana-di retehekre. Irahudi tahe bede rierymy ratxirenykre. Tiu bedeery riijerenykreu kia ixyby bedeerymy ratxirenykre. ¹² Deuxu heka aõni awirare itxỹte mahãdu aõnaõna-di kawesetyhyle iòhòtyhylemy idireny retehemyhỹre. Irahudi tahe tamyreny aõhyymydỹỹnana riwahinykre. ¹³ Mobo nohõtità mahãdu riwinymyhỹre. Ka iny aõkõ mahãdu riwiòhenanyõkremy. Tiiboho heka ixiwiòhenadỹ ỹmy rekoamyhỹrenyre. Kia tule ibinamy rỹira tiu aõmy rekoarenykeki. ¹⁴ Tibo tiu inyõ adeburemy adi ratxikre. Kia urile aõtamy biwahinyke. Kai bierykre timybo iehehe bederyry wylemy ixãwimyhỹre. ¹⁵ Kia iny wimahãdu rabedesamyhỹre tule Deuxu rityhynymyhỹre kaòrarudu mahãdu-ò itxỹte mahãdu kia ibinatyhy rare. ¹⁶ Mobo inywi mahãdu ry rierymyhỹre. Kia tahe iòhòtyhylemy rybina mahãdu ry-di rariamyhỹre. Kia ixiòbitile rexirubunykre. ¹⁷ Mobo byre-my rỹimyhỹre, kia ywiywi-my iaõna resihumy rakre; ka mobo aõnaõna bina riijemyhỹre, monahyrewi riemyhỹre kia tule ywiywi-my riaõkõdỹ ỹnymy ramyhỹre. ¹⁸ Inywi mahãdu heka Deuxu rarytxyna-ribi rahenykre, ka iny itxỹte mahãdu tahe rararytxykre ròtena-ò ralokre; rarytxyna tiu tiu inywi mahãdu rimyõtyhy, ka itxỹte mahãdu iny deòsa mahãdu -txi tahe resekre. ¹⁹ Iny surubuki bijiuyky-ki rahãwanymyhỹre kia heka awityhytyhyre, kia iny heto wiki hãwyy iehehe-wana rỹimyhỹre ratyre, awire. ²⁰ Hãbu inytyhy hãbu òbiti urihimyòle tanieru rahumyhỹre, kia tahe ikiemy sõemy r~sỹna nieru iheto-ki rỹimyhỹre; iny itxỹte iny deòsa mahãdu tahe ibutumy tanieru rihumyhỹre, kia rimymyhỹre itxi rahumyhỹ. ²¹ Mobo inatyhy-my isidi rarurunymyhỹre Deuxu rityhynyke-my tuu reòarike-my, kia iòhòtyhylemy bede wihikỹ bedesa-my ratxikre, kia Deuxu rityhynykre hãbu tule rityhynykre. ²² Ijesuna bedeu, bedeery mahãdu isihetyre ratyhydỹỹmyhỹre kiemy dori sõemy rarurunymyhỹre aõwityhytxi reake-my. ²³ Kai aõbo ikiemy aõna~na-ribi ¹ aõhykỹmy dỹỹnana-ribi teòrehelemy atxikemy tesỹnymyhyyte? Ibutemy marybeke irutaõ-my kia tahe ikiemy besiòhãrunykre arybe-di. ²⁴ Kai aõbo bierykemy atxiteri? Hãbu mahãdu wo rarahòre rahòre-my rỹire, ibutumy heka hãbu tuu rỹira iehehemy, teburemy, iaõluu-my, iny-di lisiluu-my. ²⁵ Iny deywese mahãdu sõemy ràma rahumyhỹrenyre, ta tiu heka aõmysỹdỹ ỹmy rekorenyõhyymyhỹre. ²⁶ Inatyhy-my iny aõmy reamyhỹre kia aõ ratỹnymyhỹre, itxi isideele rierymyhỹre, ka mobo Deuxu-my reòarimyhỹre kia tamy rybewi riwahinymyhỹre awimy iny witxira-wana aõ riwirareamyhỹre. ²⁷ Deuxu ibinamy òrarudu mahãdu aõ riwahinymyhỹre, ihãrele tahe tii rõhõtinymyhỹre Deuxu deewi-txi reakemy. ²⁸ Iny aõmy roilemy relyymyhỹre kia Deuxu ròtena-ò ralokre, ka iny aõmy inatyhy-my relyymyhỹre brebumy aõkõ rarybemyhỹre isỹrunamy reakremy aõkõ. ²⁹ òrarudu itxỹte aõsasa kia urile tarybina ririmyhỹre; iny òbiti tahe komy urile tabede rierymyhỹre kia ta resiwiurònymyhỹre aõbo awimy rỹira-ò. ³⁰ Tiu iny-õ taraykywi-di tabedeery-di arawoijàranymy arabònyõtyhy kiehykyle. ³¹ Iòlò aõwasina tadeòdu riywiywinykre raaõbinanykremy, kai heka mobo ròtakre mobo rabodukre kia Deuxule rierykre.