¹ Tabiòwa iny rirawyònymyhỹre ywimy kia heka ehehe riixawidỹ ỹnymyhỹre, ka mobo ehehelemy wii rirawyònymyhỹre kia tahe urile wii riteburedỹ ỹnymyhỹre, kia aõbinale tai ròhònymyhỹre bede lòrelòrele. ² Mobo bedeery-my rỹira aõnihikỹ awwimy òbitimy iny riixinanymyhỹre itỹnymy; mobo itxỹte-my rỹira tahe aõ ibina-my rỹiralemy iny riixinanymyhỹre. ³ Kai heka ibutumy aõnaõnadi tetehemyhỹte aõ relemyhỹredi; tii heka aõnaõnadi rierymy retehemyhỹre aõbo awi aõbo ibina-di. ⁴ Iny irybeõ-my wiòhedỹ ỹ-my rỹira kia heka iny witxira riwiòhenanymyhỹre aõ awimy riixinanymyhỹre; mobo alisi alisi-my ròbinadỹ ỹ myhỹre kia heka aõtxile iny riaõkõdỹ ỹnymyhỹre. ⁵ Wijina mahãdu tyby dohodỹỹna-di urile risinymyhỹre kia heka hãbu aõkõ-my roosekre itxỹtemy; ka mobo tyby dohodỹỹna rityhynymyhỹre òbitimy kia tahe bede riery-my roosekre. ⁶ Hãbu òbiti mahãdu hetowo-ki kia sõemy aõnaõnawi tuu rỹimyhỹre, ka itxỹte mahãdu aõ ritelòlònymyhỹre tahe kia isiramy riwymyhỹre. ⁷ Tiry-di bedeery ramyhỹre kia heka bedeeryna riuberanymyhỹre, ka hãbu ibedeeryõ-my rỹira tahe taitxỹte ririmyhỹre ibutu bedetxi. ⁸ Adee aõwi mobo rityhynyõmyhỹre tii ikiemy òrarudu-my rỹikre; hãbu koracaõ òbitimy rỹira kia tahe iòraru-my deuxu dee teysamy ròhònykre. ⁹ Kia heka iny bina mahãdu tetyhynyõmyhỹte, ka mobo awimy aõwiwi-my rexiuhimy ratximyhỹre kia-ò tahe adee rỹira. ¹⁰ Mobo rydi awimy rỹira-di risinymyhỹre kia heka ròtenawo-ko rỹikre; txibo tii rywi-ò òkesederakre-wana tahe inatyhy-my rubu-ò rawahikre. ¹¹ Kai heka sõemy teerymyhỹte aõbo sỹywo-my ròhònymyhỹre, kia rubu rỹimyhỹre tule teeerymyhỹte. Idiini mohõtinyke timybo tii iny coraçaõreny rierywiwimyhỹre. ¹² Mobo bedeery mahãdu ribiòtu rỹira kia tiu urihimyò-my awimy ratxiõtyhy, ka mobo rotohodỹ ỹ-my rariamyhỹre kia heka tiu tabiòwa bedeery iitxeseõna. ¹³ Iny coraçaõ bedesa heka inyòsỹny ixyby riruxeradỹ ỹ myhỹre, ka iny coraçaõ bederyry tahe iny deysa iny-ribi ritamyhỹre, kia tahe uritre iny ixidi rarurunymyhỹre aqimy ratxike-my. ¹⁴ Hãbu bedeery heka rymamy reamyhỹre inatyhy-my, ka hãbu itxỹte tahe tarubu-ribile riroximyhỹre inatyhy-my rỹnysityby-ribi. ¹⁵ Tiu hãbu coraçaõ iutxie-my ratxi-wana txumy ixybyle rurunymyhỹre ibrybymy, ka tiu hãbu coraçaõ ibedesamy ratxi-wana tahe txuu bedesanamy ròhònymyhỹre. ¹⁶ Iny aõkõ-my rỹiki heka awire Deuxu iny rityhynymyhỹre, ka iny iaõdimy ityhymy rỹira tahe sõemy aõna~nawiwi-ò ¹ rõhõtiyremyhỹre sõemy aõnaõnadi taratiki ratximyhỹre. ¹⁷ Iny sohoji bratumy awimy aõwi rirỹsỹ myhỹre, tai dori awimy iny tariòre-wana rirỹsỹ myhỹre rỹsỹnawityhy-ribi, ibutumy rỹsỹnawiwi sõemy aõbinabina-di rỹira. ¹⁸ Hãbu iehehemy rỹira heka ikiemy aõbinatxi reamyhỹre, ka hãbu ywimy rỹira tahe kia ikiemy aõbina riixawidỹ `ynymyhỹre aõbina riemyhỹre. ¹⁹ Iny deywese mahãdu-ò bede ikiemy sõemy aõnaõna bina ròhònymyhỹre, ka hãbu wi mahãdu-ò tahe ikemy ryy awimy iko-my rỹimyhỹre. ²⁰ Uladu bedeery bedesa tyby-ò riwahinymyhỹre; ka uladu itxỹte alisiluu kia tahe urile tyby ribederyrydỹ ỹnymyhỹre iwoki. ²¹ Hãbu-õ rexibedesanymyhỹre aõdi a~binadi kia itxỹte riteòsinymyhỹre, bedeery mahãdu dori taaõwiwi-di rexiurihimy rexibedesanymyhỹre. ²² Mobo aõwasina resekremy rõhõtinymyhỹre kia heka isisohojile rexiatykre aõlemy; ka mobo tawiòhenadỹ ỹdumy rarunymyhỹre tohodỹ ỹdumy rarunymyhỹre kia heka awimy ixidi rỹira. ²³ Ibutumy heka tamywirenyre dohodỹỹna riwahinymyhỹre kia òbitimy aõmy rarybemyhỹrenyre txu òbitimy. ²⁴ Hãbu òbiti mahãdu ry kia ikiemy raòwònymy ramyhỹre, kia irehemy hãluu-ribi ramyhỹre. ²⁵ Kai ityhy mahãdu bihukre ikiemy, ka wytese mahãdu-ò tahe bedewi tewahinymyhỹte. ²⁶ Kai heka ibinamy itxỹte mahãdy bedeywidỹỹna-di tetehemyhỹte, ka inywi biòwa rybe-ò tahe awimy taholamyhỹte. ²⁷ Hãbu aõnaõna bina riwinymyhỹre ityhymy ratxikemy, kia bede bina tariòre boho-ò riwinymyhỹre; mobo òbitimy nieru deramy reamyhỹre kia D uxu tarybewi tamy riwahinymyhỹre. ²⁸ Hãbu òbiti komy rõhõtinydi iny rirawyònymyhỹre, hãbu itxỹte tahe aõmy rõhõtinykõdile iny rirawyõnymyhỹre kia aõtaòtalemy inydee rarybemyhỹre. ²⁹ Kai irehemy atximyhỹte iny adilisidỹ ỹdu-ribi, sõemy ta boholake mobo ixitòedỹỹna-ò rityhynymyhỹre. ³⁰ Abiòwa-di beteheke kia tahe awo reysakre, kia awimy rybe riwahinykre idi awimy bede biekremy. ³¹ Mobo dohodỹỹnawi-ò roholamyhỹre kia bede riery-my roosekre. ³² Mobo rybe òbiti-di ritxiõnymyhỹre kia urihimyòle ixidee aõnaõna riwahinykre, ka mobo dohodỹỹna-ò reòbymyhỹre kia tahe ixiyrybyle bedeerymy roosemyhỹre. ³³ Iny bedeery ixiurihina kia heka awimy òbitimy adee awire. Mobo awimy ratxikre kia ryòbiti-di rakre awimy rityhynymy.