¹ Kai heka ibinamy iny itxỹte mahãdu-di tetehemyhỹte, ka inywi mahãdu-my tahe sõemy tureny teàlàmyhỹte. ² Txibo tiu hãbu tii òbitile rexityhytyhynymyhỹre kia tii òbitile ixỹru nihikỹ my rexirubunymyhỹre, txibo tiu tii awimy ratximyhỹreu tahe kia ywiywi-my bedeery-my ròòse-my ramyhỹre. ³ Hãbu inytyhy mahãdu heka rahitxidỹỹ-my rỹimyhỹre òbitimy rỹimyhỹreki, ka itxỹte mahãdu aõnaõna bina tahe rubuna riwymyhỹre. ⁴ Txibo tiu bededỹỹnana wihikỹ-ò bede rehemynykreu, iny ityhymy inierudi-my rỹimyhỹre mahãdu tiu inyõ rahenyõtyhy! kia iny wi mahãdu sohojile rahenykre aõhyymydỹỹnana-ribi. ⁵ Iny inytyhy mahãdu tii òbitile taaõnaõna riywinymyhỹre, ka iny itxỹte mahãdu tahe tii òbitile rexiatymyhỹre ixi taòrarule-my. ⁶ Inywi mahãdu heka rexihedỹ ỹnymy rỹimyhỹre ywimy rỹimyhỹreki, ka itxỹte mahãdu aõnaõna bina tahe rayrawomy roimyhỹre itxi rejujurenykre-my. ⁷ Rubu heka itxỹte mahãdu rihumyhỹre aõjuhu bina rihumyhỹre taòrarumy, Deuxu òludu wahe. ⁸ Deuxu inywi mahãdu ritakre aõhỹkỹ-my rutỹ ỹnymyhỹre-ribi, iny iny itxỹte mahãdu-ò tahe rarytxyna nihikỹ riwahinykre. ⁹ Hãbu bina mahãdu heka tarybe riuhemyhỹre hãbu wi ribinanykre-my, kiemy hãbu wile heka iribi awi-my ròhònymyhỹre, kiemy dori tii mahãdu inywi roire, iny aõòtaòta aõkõ roire. ¹⁰ Hãwã ibutumy heka hãbu bedewi wihikỹ riryrymyhỹre kia rabedesamyhỹre, rurumyhỹreki tahe hãbu bina wesele reamyhỹre. ¹¹ Hãbu òbiti mahãdu heka tii òbitile tahãwãreny ritòamyhỹre rexiywinykre-my. Hãbu bina mahãdu tahe tii òbitile tahãwãreny ribinabinanymyhỹrenyre. ¹² Mobo taheto bire ludu-wana widee rybebina riwinymyhỹre kia heka taaõna binabinareny riteòsinymyhỹrenyre, ka iny bedeery tahe rybeõlemy ratximyhỹre ihyy tahe ixãwimyhỹre. ¹³ Mobo rybe binabinalemy raybemy ratximyh~re inydee kai heka urile rexiuberanymyhỹre, ka iny wi mahãdu tahe urile iny witxira rybe riwòmyhỹre kiemy aõnityhyreki. ¹⁴ Hãbu bedeery rasiranymyhỹreki kia urile hãwã ywiwywi-my rexihumy rejuju-my ramyhỹre, ka hãbu wi-õ hãwã dinodu-my rỹimyhỹre-wana hãwã-di rimywi-my ratximyhỹre rimywi-my. ¹⁵ Mobo iny witxira dewedỹỹna riòwynykr-my rexiywinymyhỹre kia iòwyhykỹ-my iny witxira-ò riòwynymyhỹre. Txibo kai aõkõ-my besekreki tahe anieru ixi òbiti-my idi matxikre ani-my. ¹⁶ Hãwyy wi òbitimy rỹimyhỹre kia aõnawiwi rimymyhỹre iwese hãbu ityhy-my inieudi-my rỹimyhỹre wesele, kia taityhy riuhemyhỹre ixyby awityhy-my ratxikre-my. ¹⁷ Txibo kai tiu aõwi biwinykreu kia iny witxira iyrybule aõwi adee riwinykre; txibo kai aõ ibina biwinykreu kia iny witxira urile biwotõmonykre. ¹⁸ Iny itxỹte mahãdu aõwiwi rimymyhỹre kiata urihimyòle idi rỹimyhỹre irahudi iribi wyle-my iribi rexihumyhỹre, ka mobo ywi-my ratxikre-my rexiixinanymy ratximyhỹre tahe bede irehe-my riekre. ¹⁹ Inatxi-my aõnaõna kia òbiti-my rỹimyhỹre: mobo rexiurihimy ratximyhỹre kia rywidi òbitimy rariamyhỹre, ka mobo aõnaõna binadile rexiurihimy ratximyhỹre tahe kia òbitimy rubuna rydi ramyhỹre. ²⁰ Wahareny kai heka iny itxỹte iny bina mahãdu-di aky reamy idireny tetehemyhỹte, ka iny òbitimy ywimy rỹimyhỹre mahãdu-di tahe awo reysa-my idireny tetehemyhỹte. ²¹ Kia inatyhymy iny itxỹte mahãdu tiu Deuxu rarytxynawo-ribi rahenyrenyõtyhy. kia ribi tahe Deuxu hãbu rityhynymyhỹre riòle rimykre. ²² Hãwyy ruxera kia aõki ixiki ibinamy rahãõhyymyhỹre, iwese manarỹsỹ rỹimyhỹre wesemy idi rexiywidỹ ũnymy rỹimyhỹre. ²³ Aõwi-my iny wi rexitòenymyhỹre kia aõtamaõkõ tamy rehemynymyhỹre. ka iny bina raròsòna tahe Deuxu rarytxynalemy rexirahòremyhỹre. ²⁴ Mobo taaõna wiwi iny witxira-wana riwirareamyhỹre kia ywiywi-my raityhynymy ròòsemy ramyhỹre; ka mobo urile tanieru ihudu lau ritòenymyhỹre kia tahe ywiyw-my inieru rexihumy ramyhỹre. ²⁵ Kohe iny awimy rỹimyhỹre kia ikemy awityhytyhy-my rỹikre; tii dori ixybyle tamy ròòsekre aõbo iny witxira-ò riwahinyre wahe. ²⁶ Iny mahãdu heka sõemy aõnadi ijohodu mahãdu-my radònymyhỹre kiemy dori urile aõnaõna riwòmyhỹre, irahudi tahe riteòsinymyhỹre iòwy raòwònymyhỹreu; ka ijohodu rỹsỹna-di iòwyriòremy ròhònymyhỹre tahe kia iny mahãdu tai awimy rahãmyhỹre. ²⁷ Txibo kai ikiemy awi inydee bie-my matxikreki tai kai Deuxu tarybwi adee riwahikre, ka txibo kai aõbinabinale ikiemy tuu matxikreki tai ikiemy rybe binabinale adee ròhònykre ²⁸ Txibo kai anieru-ò bexityhynykre-wana adee bede rayjakre! Deuxu ta bityhyny kia adee bede awimy relekre, ywimy iwese berade raumynymy ramynymyhỹre wese wahe. ²⁹ Mobo tyby-di òlydymy rỹimyhỹre kia urile tasỹreny riixiranymyhỹre, tai tahe kai aaõnakõlemy bexiijaranykre abedeyhymy matxikre. Ainytyhy heka ywiywi-my rexihumy rakre, hãbu w-my atximahãte-ribi. ³⁰ Hãbu wi heka bederade raratynymyhỹre wesemy raxiheji-my ramyhỹre awimy tiu aõ ribinanyõtyhy. Mobo bedeery tahe iwitxiramy Deuxu-wana ibutumy rỹimyhỹrenyre. ³¹ Ka inywi mahãdu dorile heka rarytxyna wotxi ralòkre taòraru ehetxinalemy, iny itxỹte mahãdu-di tainihe betehebenykre aõhỹkỹ-my dỹỹnana tamyreny inihikỹ-my ròhònykre.