¹ Davi taõmysỹdỹỹna sõemy riywinyre, tule Deuxu wedu nihikỹ sõemy rihedỹỹnyre iòludu mahãdu ribi. ² Tiutxuu Davi Deuxu deòdu-ò rarybere Natã dee: —Bedeteini! Jiarỹ ka rare, heto òwòrumy wetihiky-ki rasỹnywahãre, iwanata kua arka breò hetoki-le kua rỹireri! ³ Natã kiamy rirawyònyre: —Ixinamy timybo ixideewimy biwinybekre aõnaõna kiemy dori Deuxu wedu nihikỹ awana ratxireri. ⁴ Irulemyta wedu nihikỹ Natã dee rarybere: ⁵ —Makre ta wadeòdu Davi dee marybekre jiarỹ arateònyramy tamy myỹ marybekre: Kai aõkõ heka heto wadee biwinykre tai arasỹnykremy. ⁶ Iu Israel mahãdu Egitu ribi retarenyre uhukỹle ihyy wiji (yrbu), waheto ihoõre wasỹrana. Myle watximyhỹre wasỹõlemy breu hetoki-le. ⁷ Butumy ka Israel mahãdu-di nanamyhỹde, tiu tamyreny rỹỹraxiõhyymyhỹre waõmysỹdỹỹdumy retare mahãdu-ò aõherekibo heto wadee riwinyrenyõremy heto wihikỹõ. ⁸ Wylemyta, marybekre wadeòdu Davi dee jiarỹ, wedu nihikỹ ruruterehekỹ, kiamy ararybekre: Jiarỹ heka aratare budoeni-di aõmysỹdỹỹdu ribi, Israel mahãdu wasỹreny biwedunykremy. ⁹ Tiò tamyhỹte wana hãwã witxira bede-ò ahekihyky watxiwahãre tule, ka aõbinamy teawana, ibutumy aòludu mahãdu ribi arahedỹỹnymyhỹre. Jiarỹ heka iny wihikỹmy arawinyre, butumy hãbu bedebedemy rỹira-ribi kai awite. ^10-12 Israeò mahãdu-ò hãwã retara tule tai arahãwanykre, tai awimy roirekremy. Ka suò rirò nyrenykre utyhyle, tai hãwadu mahãdu tamyreny raõbinanykre, urile tahe tuhyyhyy roireke ihoõre. Diarỹ heka tuu rarybereri ibutumy aòludu mahãdu ribi arahedỹỹnykre tule sõemy ariòreriòre adee ariwahinykre. Ka, burukreu tasỹ ehetxiu mahãdu luu bire-ò buukre wana, ariòre mahãduõ wedumy arisnykre tule iruruteremy arirahorekre wedumy runykrebedeu. ¹³ Tii heka waheto wadee riwinykre, tule ariòreriòre mahãdu tiiemy wedumy ralomy rỹirakre. ¹⁴ Jiarỹ heka tybymykre, tii tasỹ wariòremykre. Ka reòsamyhỹkre wana, jiarỹ aõhe (arisnymyhỹkre) iwese uladu tyby aõhe (risnymyhỹre) wesemy. ¹⁵ Tiu waderina iribi aritaõtyhy, iwese Sau ribi retare wesemy, wedumy mabekremy. ¹⁶ Tiiemy ariòreriòre ruaruamy rarekre, jiarỹ tuu ariwinykre wedu tiiemy aki rarekremy. Ariòreriòre tyy tiu rexihuõtyhy. ¹⁷ Natã ibutumy Davi-ko relyyre timybo Deuxu tamy rarybereny. Davi reàlàre bededỹỹnana. ¹⁸ Davi wedu breò heto-ò ralore, ta runyre kiamy rexitòenyre: —Wadeuxu, wedu nihikỹ wadee tuu biwinyke aõkõhe rare tuu wadee tewinyte juhuu bedeu, wasỹreny tule. ¹⁹ Tule, juhubedeu wiòhedỹỹna ibutereki (òsny), wiji wariòreriòre mahãdu bededỹỹnana mysỹ tarybeteri aõ iribi kanakremy. Ibutumy hãbu mahãdu tuu (bitobxidỹỹnykre) wedu nihikỹ, Deuxu! ²⁰ Aõmybo tahe adee ixyby ararybekre? Kai heka tiwaerymyhỹte, jiarỹ heka eòdu rare. ²¹ Aureraruna heka rare, araykydi biwinykre: tule ibutumy aõnaõna ninihikỹmy tiwaerynanyte. ²² Wedu nihikỹ heka tate, wadeuxureny! Moõ aweseke ihoõre, kai sohoji Deuxumy, waijiohonarenyre; ixybyta ijõ ihoõre. ²³ Tihãwa-ki iny ihoõre Israel mahãdu wesemy, iaõhõkỹmydỹỹnanareny ribi tetatenyte aijoimy. Kai heka anidehedehe tate tule aõ wiwihikỹle tamyreny tewinyte. Kai heka aijoi Egitu hãwã ribi tetatenyte tule ijõ iny mahãdu teteònyte ihãwã ribi ideuxureny tule aõmaheki kỹnyhe timybo aijoi reamyhỹre heki. ²⁴ Wedu nihikỹ, ka heka Israel mahãdu tiiemy asỹmy rỹirakremy tetate kai tasỹ ideuxurenymykre. ²⁵ —Wiji tahe wedu nihikỹ, wadeuxureny, inatyhymyhe tuu manarybekre wabededỹỹnanamy tuu tarybete heware tule wasỹreny bededỹỹnana tulesỹ arybemynamy tuu biwinykre aõbo rỹikre bededỹỹnanamy. ²⁶ Inihikỹmy heka anidehedemy mabekre, tiiemy iny mahãdu umy rarybemy rỹirakre; wedu nihikỹ ruruterehekỹ Israel mahãdu Deuxu. Tule wedu bededỹỹnana tiiemy rarekre wariòreriòre mahãdu-ki abedeywidỹỹnamy. ²⁷ Wedu nihikỹ ruruterehekỹ, Israel mahãdu Deuxu! Jiarỹ heka warybe ijõdireri adee ixitòedỹỹna ariwinykre aõherekibo wadee tuu tarybeta, eòdu dee, wariòre mahãdu-ki wedu rarekremy. ²⁸ Tasỹ ijõra. Kai, wedu nihikỹ, aõ wiwihikỹlemy wadee tarybeteri, tule arybe mynahakỹle tuu rutỹỹnykre kiemy dori kai Deuxu atxiteri. ²⁹ Adee wiji arexitòenykre wariòreriòre mahãdu-di borenymy mabekremy tiiemy iitxesedurenymy mabekremy. Kai, wedu nihikỹ, wadeuxu, kiamy tarybete. Tiiemy wariòreriòre mahãdu biwiòhenanymy mabekremy!