¹ Tule inyõ ihỹmyhỹ rybetyhydỹỹ kõduõ, Seba-my nidu wahe, Bikri riòre, Benjami mahãdu heka rare. Tii rurònyre ijoi ributunykremy kiamy ryryre: —Ixinamyhỹwa Davi rareke! Aõ heka ihoõre tamy ijoi rexiwelòlòke wahe! Aõ iõkõmy aõbo rikihe ijoi ihemy rakre! Israel mahãdu, ijoi heka rake tasỹ-ò! ² Taxe israelita mahãdu Davi ribi roirenyre Seba hemy roirenyre. Ka Juda mahãdu tahe Davi wana rarirenyre Jordaõ bero ribi ihemy diode hyky ihyy Jerusalẽ hãwã òhòkỹle tiiboho wana ritehemynyre. ³ Davi rare taheto-ò Jerusalẽ bede-ò tai deboituemy tabiraludu sõe ririre tai hãbu sohoji idinodurenymy ririre tamyreny òtaòtamy reake ihoõre tasỹ tiiboho sỹxe irybemynamy hetowo-ki hyy ratximyhỹrenyre riòlònyke ihoõre wytese wesemy roiremyhỹ. ⁴ Kiamy wedu Amasa dee rarybere: —Juda mahãdu dee ini marybekre ijõ biurasou ibutumy tiiboho wana kaki manatxidenykremy. ⁵ Tahe Amasa rare hãbu mahãdu ariximy, urile tahe wedu tuu rarybereu tyhy dooseõde. ⁶ Taita Davi Abisai dee rarybere: —Seba inihe Absalaõ ratyre inydeereny aõmysỹdỹỹ riwwahinykre. Mata iny ihewo ribi waijoi mahãduõ ta ixihemy bidykre; (urikõyrbu) aõtxile hãwaõdi kanahãynanyheny hãwã iuhuari-di õdi tahe inyribireny kanahenykre. ⁷ Tahe roirenyre Joabe taijoi mahãdu wana, keretxita mahãdu ta peletxita mahãdu ta sodadu aõbinadu tyhytyhy hykỹle ijõmy rirahure Abisai hemy. Jerusalẽ ribi riòlònyre Seba hewo-my roikremy. ⁸ Ka mana nihikỹmy nidu-ò ritehemynyreu, Gibeaõ hãwa-ò, Amasa itxireny reare. Joabe iu wou mahãdu tyy-di rexityynymy ihỹmyhỹ tule mayrehe-di tarexiàti-ki ihỹmyhỹ, weretysanadi ixidee ritaamy idi ihỹmyhỹ. Ka tamy reareu, mayrehe rariowyre. ⁹ Tahe Joabe Amasa dee rarybere: —Aõhe wabiòwa, timybohe atxiteri? Tahe isuuririki-le rimyre Amasa suusiri-ki tarurunawe ribi rimyre iryò rokremy. ¹⁰ Amasa timy rõhõtinyõhyyre Joabe mayrehedi ratximyhỹmy tebò wyò weribi-ki. Tahe Joab exe tai rojyre Amasa-ki iweki tai rojyre, ta iweryri rejuxunyre sulemy iweryri roberare. Aõwesele rurumy reare: Joabe ixyby tai rojyõre rurure òraru-ki. Irahudi tasỹ Joabe taseriòre Abisai wana roirenyre Seba hewo ribi. ¹¹ Joabe sodaduõ rarire Amasa rubu ta kiamy ryryre: —Ibutumy mobo Joabe wana rỹireri mahãdu heka Dav weribi-ki rỹireri; Joabe hemyta boibenyke! ¹² Amasa rubuxe rytyaki resemy roimyhỹ, tahãlubu tyatya-ki roimyhỹ. Joabe wiòhedỹỹduõ tuu robire iny ibutumy tamyle rexitxuhunymyhỹmy; taita ryribi riwesinyre irubu ta ubetadi rihetynyre kiemy iny namyhỹde ehetxi tamyle ruhumyhỹre. ¹³ Ka rubu ratare rahudi ryribi, iuxe ibutumy Joabe hemy rirahure Seba hewomy. ¹⁴ Seba ibutumy Israel mahãdu sỹdi rariamy rare ihyy Abeli (Abel)-Bete-Maakà hãwã òhòkỹle rexitxuhunyre. Ta ibutumy Bikri sỹ mahãdu ijoi tii wana rexibunyre ta hãwa-ò tiiboho wana rirònyrenyre. ¹⁵ Tahe Joabe sodadu mahãdu tamy ritehemynyre tule hãwã rikyrawonyrenyre. Tahe suu riratòònyrenyre hãwa. ¹⁶ Tai hãwaduõ hãwyy ibedeeryhe rare. Tii uhuari-ò raòwònymy ta ryryre: —Bodohokujadenykeiku! Bodohokujadenykeiku! Joabe koiku marybebenyke ka-kò kanakremy, tamy dokuri krarybekemyreri! ¹⁷ Tahe Joabe rare, tahe hãwyy tamy rỹỹraxire: —Kai anobohe Joabe-my nidu tate? — Kohe, tii! — tii rirawyònyre. —Bodohokukaiku, warybekò! — hãwyy rarybere. —Raholareri! — tii rirawyònyre. ¹⁸ Tahe kiamy hãwyy rarybere: —Juhu bedeku kiamy iny rarybemyhỹre: Juhu Abeli (Abel) hãwa-kò boibenykre timykrebo bikerybenykremy; kawesemy heka relemyhỹre relekre anobo da anokõre anobo. ¹⁹ Wahãwareny heka inihikỹ rare tule awi roire kòbitimy nodu Israel mahãdu kykyki. Anoherekibo tahe ihudumy idi tarutakateri? Deuxu, wedu nihikỹ hõrõ anobohe bibinabinanykemy idi atxiteri? ²⁰ Tiu tikeho aõkõ! — Joabe rirawyònyre. — Tiu arihukeho aõkõ, tule ahãwã aribina binanyke ihoõre! ²¹ Wahõrõreny heka tii aõkõ ratxireri. Aõma ta heka tii reri hãbu Efraĩ ludu, Seba-my nidu, Bikri riòre wahe, kia heka Davi-my rexiòlududỹỹnyreri, wawedureny wahe. Tiile heka wadee bidiwahinykre, irahudixe arakre. —Irati kredi adeke karehurenykre uhukari ratyredi! — hãwyy rarybere. ²² Tahe hãwyy rare taijoi mahãdu-ò rybemy. Tahe Seba rati riòròrenyre irati kredi uhuari ratyre ribi rehurenyre Joabe dee. Tahe rurònyre, taijoi ributunyre, tahe hãwã ririrenyre rooserenyre tasỹreny-ò. Joab exe rare Davi rura-ò Jerusalẽ bede-ò. Davi wana aõmysỹdỹỹdu mahãdu. ²³ Joabe heka Israel sodadu mahãdu wedumy raremyhỹ; ka Benaia tasỹ xe, Joiada riòre wahe, kia tasỹ keretxita mahãdu riwedunymyhỹre tulesỹ peletxita mahãdu riwedunylemyhỹre. ²⁴ Adoniraõ tasỹ hãbu aõmysỹdỹỹ sirasira hakỹ riwinymyhỹre riwedunymyhỹre; ka Josafa, Ailuji riòre, tasỹ wedu ritohonymyhỹre iaõmysỹdỹỹnare. ^25-26 Seva tasỹ tyyriti-di aõmysỹdỹỹdu rare. Zadoke ta Abiatamy boho tasỹ Deuxu bededỹỹnana-di aõmysỹdỹỹduõle rare Davi ijoiõle.