¹ Davi ijõ hãwalò-ò reurore tai, Ziba wana, witxi reare, Mefibosete aõmysỹdỹỹdu wana. Inatxi jumẽtu baõ-di detyymy nade 200-my baõ sõe, cem-my uva bolo, cem-mysỹ bederaty sõe tulesỹ vinho imonamy tỹximy diwyde. ² Tahe iòlò Davi tamy rỹỹraxire: —Aõwexe kia-di biwinykre? Ziba rirawyònyre: —Jumẽtu inihe iòlò hãwyy ityreki rakre rare; ka baõ ta bederaty, my tahe hãbu mahãdu rỹsỹnamy rewyreri; ka vinho tahe reywesereny rekreu tuu riõrenyrekre ryreherehemy ³ Tikibo tahe Mefibosete ratxireri, Sau awedu riokore? Kawesemy iòlò rỹỹraxire. Ziba rirawyònyre: —Jerusalẽ-ki rarireri kiemy dori riki ilabie Sau bededỹỹnana tamy riwahinyremyreri. ⁴ Iòlò kiamy Ziba dee rarybere: —Ibutumy aõbo Mefibosete hõrõ he ahõrõ rare. Ziba rirawyònyre: —Adekehe arexisỹrabunykre wawedu tiiemy aõki arawiòhenanymyhỹkre! Davi Simei wana. ⁵ Ka Davi Bauri hãwa-ò rehemynyreu, Gera riòre, Sau sỹ mahãduõ, tule wana witxi reakremy rare ta riòrarunyre aõnaõna binabinahãkỹmy rybe tamy. ⁶ Tule Simei Davi dee mana-di dehu riòrarunyre tule iijoi mahãdu dee rahunanymyhỹ, iòlò xe ijoi mahãdu ixi rikyrawonymy rỹimyhỹ idi itxeredu mahãdu tule riijemyhỹ ilau. ⁷ Tii kiamy Davi rilahire: —Mata karibi, aleeryduhukỹ! Rubudỹỹduhukỹ! ⁸ Wedu Sau ribi tewyny ahãte. Wedu nihikỹ aõhỹkỹmy (arasnyreri) Sau sỹ mahãdu terubunyte òraru-ki. Wiji tahe wedu ariòre Absalaõ dee Deuxu riwahinyra, iwana (tawxi) kai ibinamy atxiteri, aleeryduhukỹ! ⁹ Taita Abisai, Zeruia isere, kiamy iòlò dee rarybere: —Aõherekiwe ijòròsa hakỹ iximy telahajina dỹỹnyteri? Txiòta ini tamy arake irati ariòròkemy! ¹⁰ Kaiboho xe aõkõre! — Kawesemy iòlò Abisai rirawyònyre iseriòre Joabe wana. — Ka wedu nihikỹ Deuxu tuu riteònyreri wana walahajimy, mobo tahe tamy rỹỹraxikre tuu riwinyrerimy? ¹¹ Tahe Davi Abisai dee rarybere tule taijoi mahãdu-ò: —Wariòre òbitihikỹle heka warubudỹỹmy wadi ratxireri, aõherekibo tahe Benjami mahãdule aõbo rikihe iwitxirareri tuu iwese riwinykemy? Ixinamyta hãbu ratxireke. Ixinamyta riwalahire wedu nihikỹ dori tuu riteònyreri tuu riwinykremy. ¹² Aõhewana wedu nihikỹ waõ binabina-ò retehereri tule txibo aõwiõ wadee kidiwahinykre ibina deròwymy. ¹³ Tahe Davi taijoi mahãdu wana rariarenyre. Simei tule iwyònade rariamy nade, hãwalò weribi nariamy nade, tuu ralahajinanymy manadi tamy rehumyhỹ tule su-di Davi dee rehumyhỹ. ¹⁴ Iòlò taijoi mahãdu wana sõemy reywesemy ritehemynyrenyre Jordaõ bero-ò taile rexielehynyrenyre. Absalaõ Jerusalẽ-ki ihỹmyhỹ. ¹⁵ Absalaõ israelita mahãdu wana Jerusalẽ hãwa-ò rirònyrenyre, Aitofel ikyrenyki ihỹmy. ¹⁶ Husai, Davi deòdumy ihỹmyhỹ, Absalaõ wana witxi reare, ta ryryre: —Beysabenyke iòlò-di! Beysabenyke iòlò-di! ¹⁷ Absalaõ rỹỹraxire: —Tiwexe abiòwa dee òbitimy atximyhỹtere? Aõherekibo heka ihemy taõta? ¹⁸ Hasai rirawyònyre: —Timykibo tuu ariwinykemy wahe? Jiarỹ heka mobo Deuxu tuu ritara weribi-ki watxireri, wedu nihikỹ wahe, tule ixỹ mahãdu butumy Israel mahãdu ritara weribi-ki. Awana aratxikre. ¹⁹ Òbitityhy tahe, mowanabo aratxikre, wawedu riòre wana? Iwese bu wana raremyhAwana aratxikre. ^{1 21} Aitofel rirawyònyre: —Bu biraludu mahãdu õlemy mahãwyynyke, heto-di itxeredumy ririra mahãduõ wana. Iòraruki tahe ibutumy israelita mahãdu araerykre buòludumy wiji texirahoretamy, iòrarukita ibutumy iny mahãdu awana rỹireri mahãdu reysarenykre. ²² Iòrarukita welò riòre riderenyre heto ijò0ki Absalaõ dee, ibutumy iny mahãdu ruki, tahe turenyxe rerare tyby biraludu mahãdumy. ²³ Iubedeu Aitofel ureraru tamy riwahinyre bedeu heka aõma wesemy rohonymyhỹre Deuxu tuu rarybereri wesemy; Davi wana ratxireri tasỹ tule Absalaõ-wama ratxireri-my.