1 Absalaõ, Davi riòre, heka terỹ iruxera rare, Tama heka inire. Ijõ Davi riòreõ tasỹ Amnõ inire, tii heka terỹmy raworemyhỹre. 2 Tuu sõemy rexiwore dỹỹnymyhỹre, ihyy rawebinadunyre iòraru-ki. Amnõ sõemy rõhõtinymyhỹre isiramy tai rahamyre isiramy tai rahamyhỹre timybo terỹ wana widee rehemynykedi; Ijadòma rare òraruki timy tii wana widee rehemynyke risiranymyhỹre. 3 Urile tahe Amnõ ibiòwa iureraru ijõdire, Jonadabe inire, Simeia riòre, Davi seriòre. 4 Jonadabe kiamy Amnõ dee rarybere: —Kaihe wedu riòre atxiteri, ihãrele tahe, txuu iyhyõmy bederyrydi bede tadiemyhỹte. Wakota tuu bedelyyke aõherekibo tuu ahãtemy. —Tama-my kie nanaworemyhỹde, Absalaõ lerỹmy, waha weribi waseriòre wahe! — Kawesemy Amnõ rirawyònyre. 5 Tahe Jonadabe kiamy rarybere: —Urile bexiòtaòtanyte awebinadurerimy mata bexilidita. Ka buu kanakre wana, kiamy tamy marybekre: Txidàhà inihe, waseriòre Tama wadee kanake wadee rỹsỹna riwahinykemy. Kakile wadee riwinykre ixityy-ki idi areteherekremy tule tiile wadee rỹsỹna riwahinyrekre. 6 Tahe Amnõ rexilidire webinadumy rexiòtaòtanymy. Tahe Davi iruramy rare, tahe Amnõ kiamy rarybere: —Txiòlàhà ini Tama wadee kanake boloõ wadee riwinykremy tai ixityyki idi areteherekremy, tasỹ tiile wadee riwahinyrekre. 7 Tahe Davi Tama dee rarybere, taheto-ki: —Amnõ heto-ò ini makre rỹsỹnaõ (irsỹnamy) biwinykremy. 8 Rare tahe riki roimyhyõle itxi reare. Tahe aõnaõna rimyre, riwinymy ratximyhỹ irukile. Tahe ruare risere Amnõ dee. Ta teralemy rare kialemy rarybere: —Ibutumy iny mahãdu bidòdỹỹnykre. Tahe ibutumy iny mahãdu rohonyre. 9 10 Ta kiamy Amnõ Tama dee rarybere: —Waherina-ò rỹsỹnadi wadee manake ta kaile biwaòenykre taxe tamy riwyre (irsỹna). 11 Ka Amnõ dee rỹsỹna riwahinyreru, rimyre ta tamy kiamy rarybere: —Waseriòre, bodoike wabireny! 12 Kiamy tii rirawyònyre: —Kõre, waseritxore! Wadi tuu rutakakõmykre tuu kariwinykemy! Tuu iwidỹkỹkõmykre Israel bede-ki. Ibina iwidỹkỹkõmykre! 13 Timybo heka iny kykykò karehemynymyhỹkre tuu kawirinykre rahudi? Kai tule tiku moõ aratyhynyke ihãkuõre kaki Israel bede-ki. Marybeta wedukò, tukemy, adeke riwawahinykre. 14 Ta aõkõ Amnõ Tama rybe-ò roholaõ hyymyhỹ. Tule, iruru iratyrereri òraruki, taruruhukỹlemy rimymy tuu rahãwyynyre. 15 Tuu rahãwyynymy rahudita urile tuu radònyre juhuu sõemy tuu raworemyhỹ ribi ixãwimy. Kiamy rarybere: —Bohonyketa karibi! 16 Tama kiamy rirawyònyre: —Kõre, waseritxore! Kiawesemy tiwatekònyteri awi anõkõ rare ihãremyta kai inihikỹmy ibina tewinyta! Urile tahe Amnõ irybe-ò roholaõhyymyhỹ aõmybo tamy rarybemyhỹò. 17 Teòdu-ò ryryre ta kiamy tamy rarybere: —Waribi ini hãwyy bidyke! Ahana-ò biòlòdỹỹnykre ta ijò bitòbònykre! 18 Tahe teòdu Tama riòlòdỹỹnyre tule ijò ritòbònyre. Uòhi rehehekỹ riuhererimy ihỹre, terarehe mynodu. — Wedu riòre ijadòma tyhy heka iwesena tyy riuhemyhỹre ibedeu. 19 Tahe bryby taratiò riòdonyre, tatyy riykare ijõmy ta rirajuamy rohonyre, tebòdi taò ritòbònymy. 20 Iseriòre Absalaõ tamy rỹỹraxire: —Amnõ kõ aõbo aõhebo (arasnyra)? Inyõkõ ta tuu ijyyõmykre, waseriòre. Urikita, tii aseriòrele ratxireri. Ixibedewo dỹỹõmyta. Kaweemyta Tama ihỹmyhỹ ibedewomy Absalaõ heto-ki. 21 Davi wedu ibededỹỹnana rieryreu, reburere. 22 Absalaõ aõmy Amnõ dee rarybere ihoõre, urile tahe sõemy tamy iky reare iseriòre Tama dee taruruhukỹlemy reare òraruki. 23 Inatxi wyramy bede riwyrahudi, Absalaõ tabudoeni sira riòromy ihỹmyhỹ Baa-Hazo-ki hãwã iòhõlemy, tahe ibutumy wedu riòre mahãdu dee rarariòwyre tamy wii rotykremy. 24 Tahe tii rare wedu Davi dee rybemy kiamy tamy rarybere: —Wawedu, wabudoeni sira resỹmy watxireri. Taiki mynakemy eòdu mahãdu wana tamy. 25 Davi rirawyònyre: —Kõre, wariòre. Butumy adòikeki, sõemy adee aõmysỹdỹỹkodohonyke. Absalaõ ihãrele idi ratutaamyhỹ, ta wedu noderamyhỹ tule rakemy tamy rarybere. 26 Ta Absalaõ kiamy rarybere: —Awirebohe. Waseriòre Amnõ tukemy wahemy biditeònykre. —Aõherekibo tahe ahemy rakre? Kawesemy wedu rỹỹraxire. 27 Ihãrele Absalaõ rawoxierysyteremyhỹ, ihyy tahe Davi Amnõ riwahinyre ijõ tariòre mahãdu tule riwahinyrenyre roikremy ihemy. Absalaõ xe aõnaõna riywinyre wedu hõrõ wesemy. 28 Ta kiamy teòdu mahãdu dee rarybere: —Bodoholabedeny ini Amnõ bededỹỹnana-ò. Ka raòdewàrikre wana, jiarỹ ka tuu adeereny ararybekre, birububenykre. Uritere breburenyòmykre, jiarỹ tuu adesekere ibededỹỹnanamy. Bexiwodeburemy benyta! 29 Tahe teòdu mahãdu xe Amnõ rirubunyrenyre, Absalaõ deradỹỹnamy. Ka ijõ Davi riòre mahãdu-õ ta tawaru tyre runymy ta rihenyrenyre. 30 Kia tasỹ-ò diòkesemy diode wanawana ta, Davi tuijyy rieryre: Absalaõ ta ariòre mahãdu ibutumy rahurenyra; ijõ sohojiõ rahenyõhyyra! 31 Tahe wedu rỹimy reare, tatyy ritxuare bederyry bededỹỹnanamy ta suò ixidi rehure. Tulesỹ teòdu mahãdu tuu rỹimyhỹ tule tatyyreny ritxuarenyre. 32 Ka Jonadabe, Simeia riòre, Davi seriòre, kiamy rarybere: —Wedu, ariòre mahãdu ituerenyõlera butumy. Amnõ sohojile heka rurura. Absalaõ bededỹỹnana wahe, heka raeryke kiemy juhuu terỹdee taruruhukỹlemy reare òraru-ki heka aõhewana tuu riwinyra Tama wahe. 33 Iòraruki tahe, jiarỹ arityhynyõkre ariòreboho ibutumy ituerenyramy: Amnõ sohojile tahe inatyhymy rurura. 34 Absalaõ xe, rahenyre. Iu bedeu sodadu itxeredu-my ratximyhỹ iny sõemy dirahudemy, Horonãi-ò ryy ramyhỹredi. Rare tai wedu ratximyhỹ òhòkỹle ta rarybere: —Inyõ rirahureri Horonãi-ò ryy ramyhỹre-di roireri. 35 Tahe Jonadabe Davi dee rarybere: —Ariòreboho ta riòkeserenyreri, tuu adee raryberamy. 36 Kawesemy tamy rarybera rahudita, Davi riòreboho taròte rahurenyre rahinyrenyre katxiterehekỹmy, tule Davi tasodadu mahãdu wana rahinyrenyre. 37 Absalaõ xe rahenyre Gesur hãwã wedu wana ratxikremy, Talmai my nidu rura-ò, Amiude riòre wahe. Ta irehemy Davi rahinymy raremyhỹ tariòre Amnõ rubu-ò. 38 Absalaõ inataõ wyramy bede riere Gesur bede-ki. 39 Tahe Davi wedu iwehityy sõemy risare, tule ikyara ixãwire Amnõ rubu òraruki rexirawinyre. Absalaõ òkesena.