¹ Iu heka iòlò mahãdu alòre-ò rirahurenyreu Joabé sodadu mahãdu wana rirahure Amõsu-ò itxi rearenyre. Davi tahe Jerusalẽ hãwã-ki runyremy. Isaeli mahãdu heka Habá hãwã-o rirurawonyre tai rorenyre idi hãwã rahure. ² Amõ mahãdu surioko heka Moloké heka iratyana heka iutxiehekỹ rare 34 kilu iutxiemy. Womati tỹrỹrỹhỹkỹ rare tai mana wihikỹtyhyre iwoki roire, Davi idi rimyre taratyana-òle ritidire, tule sõwe aõna õna wihikỹ Davi riwyre Habá hãwã ribi. ³ Habá sỹ ludu mahãdu heka Davi riteranyre idi raõmysỹdỹỹrenykremy woma- di, may-di, bryre-di, òworu riororenykremy, Ijõ hãwã sỹ ludu mahãdu tule iwesele riteranyre Amõ-su-ki hãwã hãwãmy. Idi Davi roosere Jerusalẽ hãwã-ò tasodadoreny wana. ⁴ Iribi tahe Kesé su-ki Bilixiteu mahãdu-ò itxirearenyre. Kia riòrarunyre heka Sibaí hãbu rariehekỹtyhy rurure Husa hãwã ludu Sibekaí irubudỹỹdure kia bedeu heka bilixiteu mahãdu rotaõra dori. ⁵ Ijõ heka roire Bilixiteu wana ròrenymyroiremyhỹ, Elanã, Jaí riòremy, tii Koliasi seriòre raremy Lami tii rirubunyre, kate hãwã ludu. Lami tonõri heka ibòdehekỹ iutxietyhy heka rare. ⁶ Ijõ heka roire kate hãwã-ki. Hãbu rariehekỹ ihetxiu mahãdu riokoremy tii debó sohoji reurò tebò-ki roire iwa-ki tule debò sohoji reuròmy roire. ⁷ Kia hãbu irariehekỹtyhy heka Isaeli mahãdu-ò rybe binamy rarybere tai Jonatasi, Simeia riòre Davi seriòre habu rariehekỹtyhy rirubunyre. ⁸ Kia inataõ hãbu rariehekỹtyhy Davi tasodadureny wana rirubunyrenyre heka kate hãwã ludu mahãdu heka ilabierenymy roire.