¹ Liri la do, Kaafooŋe wo kaane li wa li cɛnmaa pɛn yi ge, wo ba diin liri wo galiŋe la tɛne muu wɛ. Ga wo la le wo yɛ yee wo da se ɲahaa. Wo ba dɛrɛɛ kaliŋe wolyeŋe nuŋini, we mu wu wa na wo yere wo piinŋge la wo di waagi wo kapegi la; jii cere ce wa ce yafiin ɲɔ tisa la yi ge, na fara na cege tahi Klɛ la, ² na na miniŋe lohe wo kaane, na fara na cege tage tahi tisaŋe ɲuŋoo na Klɛ ɲɛɛri , na kuubi ɲiŋe wo kaane, na fara koŋge kɔkɔɔre wo kitiŋe. Wo ba nuŋi da dɛrɛɛ cere ɲuŋoo wɛ. ³ Wo si li se meme nimɛrɛ, na Klaa sɔn li la. ⁴ Tisili muu pe Klɛ wo kpɛɛnge ta ge, na Klɛ wo yirimbe ta ge, na ze Klɛ wo funaane wojene wo karaɲiibi ge, ⁵ pere bii pe li ɲa na Klɛ wo kayuunaa ɲɔ ge, na fara nari ɲigɛ wo fanhafɛɛre ɲɛhi ge, ⁶ ga liri na li muu pe kaanri. Pere pe yere pe piinŋge la pe di dɛrɛɛ pe waagi pe kapegi la, liraa si jɛn ze yi. Ɲahaa pe kasegaa ba li sɛlɛɛ na pe ba Klɛ Jaŋe kori tinne ɲuŋoo nuŋge, na fara na wu kan wu sɛhɛɛveebii. ⁷ Na zanhe ba yaa to ɲiŋge ɲuŋoo tɛne muu ge, na faasiiŋaa ba saanŋe ta, ɲiŋgaa ba Klɛ wo yirimbe ta. ⁸ Ga na ɲiŋge ba wuure na ɲapege yɛ yiige, la jɛn yafiin ɲɔ yi, ki tagaa lii danŋe la yi. Ki kɔkɔɔre ki di zogi. ⁹ Ba li wa yi, na naɲiile wojemee, jii kayoŋgi woraa jo mɛ ge, li wa mahi jo yere wo kaa li wa yi, ɲahaa woraa taa li la na yere wa kone wojene ɲuŋooo, le li wa bohiŋe wo kone ge. ¹⁰ De baare yeraa se ge, na kaceŋgi jii mu se na toro ge, na fara jii yeraa zi nimɛrɛ na Klɛ wo tisili tari ge, na li sye Klʒ la na wu kaa taan yee ge, Klaa ɲɔ, wu funŋgaa si wɔ liri la muu la yi. ¹¹ Ba li wa yi, woraa li saa yere nigin nigin pone pe wahi na ye yee ye di diin fundange la, fɔn na sa nɔ li kɔkɔɔre la, kɔnni ye cege wa le mu ɲuŋoo ge, ye liri ta. ¹² Liri la, ye cere ba biga yi. Klaa wu ɲɔge kan kaane mu la ge, bii ba daa wu Klɛ la ge, na kerigi ku pe yee fɔn na liri ta ge, yere paa daanni ba pere ɲii. ¹³ Tɛne Klɛ ze wu ɲɔge kan Ibirayimaa ge, a wu kaa wu yɛ mage la, ɲahaa yage ka wa ge mu ke pɛlɛ wuri bile la wa yaa wu kaa ge mu la yi ge. ¹⁴ Wu ze jo na: Naa ba ɲaɲiŋge se maa, di ma kaduge tisili naari ɲɛhi. ¹⁵ Ibirayimaa sɔn na kerigi ku wu yee, na wu sige. Klɛ ze wu ɲɔge kan wuun kaane mu la ge, a wu liri ta. ¹⁶ Na tisili ba jo pe di gaa, yage ke pɛlɛ pe bile la ge, kiri wo mage pe ba yiri na se pe sɛɛrɛ, kɔnni kaane la pe kaa ge, nakaara ba ze nii wɛ. ¹⁷ Liraa, Klaa kaa ge ɲɔge ganŋe la, na li sye na fiinŋe liri wo taaveebi la na nakaara wa nii wɛ, na pahi ba li ta. ¹⁸ Cere kagbohi sɔɔnŋe la Klaa si zɔn di kafire jo woro wo kanne mu la yi. Liri wonaa, woro pe sɔn na wo ceeye tahi liraa ge, liraa yaa li fanhe wogbohe le woroo, wo liri kaane yaa wo coo. ¹⁹ Cege tatahiŋge ki wa woroo ge, barige wa kiree. Liri le ba li se wo di yaa yere, le ba wo tagi wo di doro vanbarige taa na sa nɔ Klɛ tagee. ²⁰ Yezu wa woro ɲahaa kiri tagee woro bile ɲuŋu tanŋ. Wuri wa tɛne pone muu wo sɛriwuuli ɲuŋufoogbɔŋe, Mɛlikisedɛki wo kanne la.