¹ Nwə́ə́. Nún-nə nwə̃́ə̃́ nándwə̃̀ á pə Bə-zhɔ-zhe ne ! Bə̀ ń wɛ̀rhɛ́ màmyaarhɛ. Ń tó ń jə̀jĩ́ ǹdə́ ń vɔ̃̀ w dɛnnɛ n bə̀ n mə n sɛ̃. ² Bə-zhɔ-zhe byili ń vwǎrh mɔ́, ń zhẽ̌ ń cángá tumə né n ce dɛ̃̌ n byili tənèsé lyì bí ni bə̀ yírhə́ na. 3 ³ Ń lyǐrh ń wu-bɔ̀nɔ̀ w ǹdə́ ń zhə̀n rɛ́ Esərayɛl kɛ̀lɛ́ y yil mó yilə, lũ w cə-yala nɛ́ gakó lyì bí nɔ nə́ Yi rí vwǎrh mɔ́. ⁴ Ámyɛ̌ byɛ̀bɛ́ á ŋwɛ́nɛ́ cɛ y yó gakó ! zɛ̃̀-na á búbwéé ǹdə́ wu-nyɔ̃̀ á ce Bə-zhɔ-zhe ne ! Nún-na á ce dɛ̃̌ á fùù ǹdə́ wu-nyɔ̃̀ ! ⁵ Zə-na bɔ̀rɔ́ á nún nwíísi á pə Bə-zhɔ-zhe ne ; Zə-nə zɔ̃̀ A nún nwíísi ! ⁶ Nún-nə ǹdə́ pɔ́lsɛ ǹdə́ yu-pɔ́lá, búbwéé-nə ǹdə́ wu-nyɔ̃̀ á ce Bə-zhɔ-zhe ne ! ⁷ Bə̀ nə̀-fɔ̀lɔ̀ w ǹdə́ wẽ̀ ré tɛ̀bɛ́ rə̀ ŋwɛ́nɛ́ ò wẽ́ mó ce dweme, bə̀ lũ w ǹdə́ lyì bí byɛ̀bɛ́ bə̀ ŋwɛ́nɛ́ ò wẽ́ mó fùù ǹdə́ wu-nyɔ̃̀, ⁸ Sə bwǐsí mà sə jɛ̀rh, sə pyàr rɛ́ gakó búbwéé ǹdə́ wu-nyɔ̃̀, ⁹ Bə̀ nyǐ Bə-zhɔ-zhe bàn cɛ y bùrsi kɔ́ ; ń la lũ w bùrsi kɔ́ ǹdə́ cángá, sə n kə́ dwə́ né myɛ búrsi ǹdə́ kɔn gə́ mə̌ nɛ́.