koussoube-marc-lee_psa_text

Kǝ̀kàl-fwɛ̀lɛ̀ 93

¹ Wɔ́ Bə-zhɔ-zhe ń nə́ nə́ ń jí pyɛ̀lɛ̀ rɛ́, ń zù pyɛ̀lɛ̀ zùwə́ kàməzwǐ, ń lyẽ bɛlɛ, ń lyẽ jàn bɛlɛ. Wɔ́ rə̀myɛ́ è ce lũ zhǐ kẽkẽ, ò t’â zhízhǐ yé. ² Kùr ju yi ní ga, ǹ pyɛ̀lɛ̀ də̀gã̌ y cĩ́ è zhǐ ; Ǹ ŋwɛ́nɛ́ byinə nə̀ bə zhɔ̌ zhe yilə. ³ Ǎ Bə-zhɔ-zhe ! Nyǐ bwǐsí nàná bɛ́ n’ê zɛ̃̀ bə̀ zhə̀l dɛ̃̌, bwǐsí nàná bɛ́ n’ê zɛ̃̀ bə̀ zhə̀l dɛ̃̌ bə̀ ce dweme, bwǐsí n’ê nàná bɛ́ n’ê zɛ̃̀ bə̀ zhə̀l dɛ̃̌ bə ce sɔ̀. ⁴ Sə nyǐ Bə-zhɔ-zhe jàn rɛ́ rə̀ ŋwɛ́nɛ́ dɛ̃̌ yi w mú, du bwǐsí nàná bɛ́ sɔ̀ w nánfɔ̀lɔ̀ w jàn rɛ́, ǹdə́ nə̀-fɔ̀lɔ̀ w nɛ̃̌ mɔ́ jàn rɛ́ mə̀ y’a zɛ̃̀ mə̀ n’ê fùù mú. ⁵ Ǹ nyə́ né ǹ kwè mó gakó púlə́ púlə́ wɔ́ zhə̀nà ; Ǎ Bə-zhɔ-zhe ! pwɛ̃́pwɛ̃́ mɔ́ wɔ́ kɔn dɛ̀bɛ́ rə̀ mə̌ ǹdə́ ǹ jì yə́, byinə byinə né gakó yilə.