¹ Nwə̃́ə̃́. Shìrhə́ dɛ̃ rɛ́ nwə̃́ə̃́. ² Kɔn càn sə bə zǔl Bə-zhɔ-zhe, sə bə nún bə cèrhé ń yil ré, Dɛ̃̌Dɛ̃̌ cə́bal mɔ́ ! ³ Nəkɔkɔ́lɛ́ nɛ sə bə bwə̀l ń wu-bɔ̀nɔ̀ bə byili, cəcɛ̃ nɛ, sə bə bwə̀l ń zhə̀n ré bə yili, ⁴ bə dú dàkɔ̀nɔ́ ò nyínsi shíyə́, ǹdə́ bɔ̀rɔ́ ǹdə́ zɔ̃̀ bə m’e byili ri. ⁵ Ǎ Bə-zhɔ-zhe ! ǹ ce à n’â fùù ǹdə́ wu-nyɔ̃̀ ǹ tumə né yilə ! à n’â nún ǹdə́ wu-nyɔ̃̀ ǹ jɛ̃̀ tumə né yilə. ⁶ Ǎ Bə-zhɔ-zhe ! ǹ tumə né wɔ́ tũ̀-fwààlɛ, ǹ bùlə̀ né lyim ! ⁷ Ce numbyíní kɛ̀bɛ́ è bə surhə zhe yə̀l kaka nə̀ wẽ́ yé, kòkò tá ò zal nɛ ò yàl kɔn yé. ⁸ Bá ǹdə́ lyì-bəlwǎlsɛ́ gə n’ê byìl ǹdə gɔ ta myɛ, lyì bí byɛ̀bɛ́ gakó bə̀ n’ê wɛ̀rhɛ́ lwɛlɛ mɔ́ gə n’ê pùr pùnə́ ǹdə gɔ ta myɛ, wɔ́ bə̀ yò zhìlù jàà w bə̀ j’a la nɛ́ gaga yilə. ⁹ Sə ǹmyɛ́, Bə-zhɔ̌-zhe ! ǹ wɔ́ Dɛ̃̌Dɛ̃̌ cə́bal, byinə nə̀ bə zhɔ̌ zhe yilə. ¹⁰ Bə-zhɔ-zhe, nyǐ ǹ zwə̀ bé mawé ! Nyǐ ǹ zwə̀ bé n’ê jé tɛ̃́ ; byɛ̀bɛ́ gakó bə̀ n’ê wɛ̀rhɛ́ lwɛlɛ rɛ́ mɔ́ dùr bə làà dɛ̃̌. ¹¹ Ǹ zɛ̃̀ ń pɛ̃ jàn ǹdə gɔ-nɔ̃ ta ; ǹ ló nwə̃̌ è lwẽ́ nã́nyə̀nyɛ̀lɛ́ à yó. ¹² Ce à yírhə́ zɛ̃̀ nə̀ só à zwə̀ bé nyǔ, à zhã̌ nyɛ̌ à zwə̀ námməlwǎlsɛ́ zɔ̀mà nɛ́, ywẽ bə nɛ zhe yé. ¹³ Wu-cángá cìnə́ n’ê púrh ǹdə́ kwã̌ ta, bə̀ n’ê byìl bə̀ zhə̀l dɛ̃̌ ǹdə Lyəbã sədɛ́ɛ́rəbá ta. ¹⁴ Bə̀ zhele be Bə-zhɔ-zhe kɛ̀lɛ́ y wa, bə̀ n’ê byìl nə́ Yi rí jì y kɔ̀nɔ́ w wa ; ¹⁵ Bə̀ gə cɛ myɛ, ǹdə́ rə̀myɛ́ ga, bə gwẽ̌ cə̀ə̀le bə̀ n’ê ce byǎ, bə̀ gwẽ̌ sú ǹdə́ malma dúdú ò zhǐ nánlyɔ̀,