¹ Kore byǎ bɛ́ nwə̃́ə̃́. Nwə̃́ə̃́. È nún Yi pyàr rɛ́ shò shò-kwã. ² Bə-zhɔ-zhe só Sənyɔ̃ bwə̀ə̀lé du Zhakɔbɛ cɛmɛ nɛ́ gakó. ³ Yi cɔ ! bə̀ zɔ̀m còrhó wẽ̀ ǹ yilə ! ⁴ À n’â bwə̀l Ezhipti ǹdə́ Bəbyəlɔɔnɛ nɛ yò à byili, tənèsé shɛ̀bɛ́ sə̀ yě à pár mɔ́ cəcəl wə ; È wɔ́ Fələsətɛ̃bá ǹdə́ Tiiribá ǹdə́ Ecopyibá : ⁵ Wɔ́ Səyɔ̃ nɛ́ bə̀ lùl se né. Wɔ́ Səyɔ̃ nɛ́ bə̀ zɔ̀m nɛ́ bə wɔ̀ : Sə̀ gakó wɔ́ Səyɔ̃ nɛ́ bə̀ lùl se né, sə wɔ́ Dɛ̃̌Dɛ̃̌ cə́bal mɔ́ ń ce Səyɔ̃ zhǐ ò kùr jàà y w kẽkẽ. ⁶ Wɔ́ Bə-zhɔ-zhe ń nə́ ń gàl dwə́ né lyì bí n kɛ̃ bə̀ yilə né : Wɔ́ gàà mɔ́ bə̀ lùl be né. ⁷ Byɛ̀bɛ́ bə̀ n’ê nún bə̀ sɛ mɔ́ n’ê búbwéé bə zhe : À nə̀-bùlsí gakó ŋwɛ́nɛ́ ǹ sono.