¹ Asafɛ nwə̃́ə̃́. Yi ŋwɛ́nɛ́, Yi lyì bí dwã gùlú w wə ; rə̀ n’ê kɛ́ bùrsi yə né cəcəl wə. ² Á m’ǎ ce nyí lwɛlɛ cə́bal mɔ́ ǹdə́ lyì-bəlwɛ̀lɛ́ kwã nɛ́ kɔn m’e yí dǒ ? ³ Ce-na nyí lò mɔ̀bɔ́ ń yə̀ yírh swí ǹdə́ bə̀tɛ̀lɛ́ kwã nɛ́, zwẽ-nə zúzúnú cə́bal ǹdə́ nə̀mɔ̀ nyí ni, ⁴ Vwǎrh-na nɔ̀nna ǹdə́ nə̀mɔ̀ bə nə bə̀ cìnə̀, vwǎrh-na bɛ lyì-bəlwǎlsɛ́ y jɔ̃̀ wa. ⁵ Bə̀ bə̀ yə̀l kaka, bə̀ bə kɔn kùr myɛ nyɛ̌ yé, bə̀ n’ê zhə̀l cə-byṹ wə ; bə̀ tənèsé cɛ yó mó zhǐr sə̀ nèsé yó. ⁶ À y’à zɔ̀m a wɔ̀ : Á wɔ́ yə, á gakó wɔ́ Dɛ̃̌ cə́bal mɔ́ byǎ. ⁷ Sə ǹdə́ rə̀myɛ́ ga, á m’ǎ cì ǹdə numbyínsi ta, á m’ǎ tu ǹdə pyɔ̌ mwə̀l mwə̀l gə́ y’a tu n yẽ̌ ń pyɛ̀lɛ̀ nɛ nɛ́ mɔ́ ta. ⁸ Ǎ Yi, zɛ̃̌ tɛ̃́, ń kə́ lũ w bùrsi ! Bə̀ lũ w tənèsé gakó wɔ́ ǹmyɛ́ ǹ cǐ si.